احببتُ مخدرچية

يوماً ما سنلتقي ونحكي،كيف سارت بنا السبل حتى اللقاء

الجزء الثاني..

لزمت موبايلي الساعه ١ ونص بالليل ...
فتحت الحظر عن الرقم .. ودزيتله مسج
💬(ممكن نحجي بشكل صريح وبدون عصبيه او تهديد ، رجاءا راعي ان انت دتحجي ويه بنيه )
💬( اني بالنسبه اليه اكو امور اريد اتفاهم بيها وياك ، يعني قبل مرحله [ حلالي ] ، لان انت واصل مرحله واني مامفتهمه شنو الموضوع اصلا ) ..
💬هاني :( اي هيج صيري حبابه واسمعي الكلام من البدايه ، يعني اله بالعين الحمره )
💬هاني :( احجي شنو بخاطرج ..)
💬( اريد تجاوبني بصراحه عن كل سؤال اسأله .. واريد نوصل لحل لهذا الموضوع .. لان اني كولش مامرتاحه )
💬هاني :( احجي .. يله )
💬( اول شي انت ليش تطلعلي بكل مكان وتتواصل ويايه ،واكو مواقف صارت ويايه مااعرف صدك لو داتخيل اني ..
💬(يعني مره شفتك بباب المستشفى جنت مدني ، ومره ثانيه واكف يم منتسبين الامنيه ..)
💬(وجيت بحديقة المستشفى واتحججت بتحاليل )
💬(وراها اجيت يم بيتنا ماادري جنت اتوهم ..
المهم اختفيت ٣ اشهر .. وراها رجعت ..)
💬( ليش هيج تسوي .. اني ببالي الف والف سبب
بس اريدك انت تكولي .. حتى اعرف شنو الوضع اللي بيه )
💬( بعدين رقمي منين جبته .. عليك الله منو انطاه الك .. واشلون حصلته ؟؟)
💬هاني :( هذا كله تريديني اجاوبج عليه !!)
💬هاني :( مو هواي اسئله هاي ..هههههههه ، بعدين اني مجاوب عليهن تقريبا )
💬هاني :( بالنسبه لسؤالج الاول اني كتلج انتي حلالي .. وبالنسبه للثاني عندي جماعه بالمستشفى. كدرت احصل رقمج ..)
💬هاني:(وبالنسبه لبيتكم ف أني مشيت وراكم واندليت البيت بسيطه)
💬( هاي مو اجوبه تره .. هذا اسلوب السهل الممتنع ..
تجاوب وماتجاوب .. تنطي جواب بس مو التفاصيل اللي اريدها ..)
💬( بعدين اشلون تقرر اني حلالك وانت ماسألت ولا اخذت مني جواب .. ايجوز اني ماقابله بيك ولا أحبك )
💬هاني :( شنو ما تحبيني ، هو بكيفج قابل .. ليش تنرفزيني بعدين تكولين لا تعصب )
💬(عفيه لا تحچي ويايه هيج )
💬هاني:( لج انتي ساعات تذوبين گلبي وساعات تخليني اطلع من طوري .. شمسويه بيه شمسويتلي متكوليلي )
💬( اني هسه ماحصلت الاجوبه اللي اريدها .. وانت ما الك اي صفه تحجي ويايه تتصل او تدز رسائل او تجي يم بيتي ، يعني ارجوك لا تحطني بهذا الوضع المحرج بدون سبب )
💬هاني : ( شوفي يابت الناس ، تره هسه راسي جمر وعيوني گام يطلع منها شرار .. وهذا كلامج اسحبي احسن الج .. لا تخليني هسه اگلب الدنيا )
💬( اني مرتبطه .. ارجوك لا تحرجني .. مااريد انحط بموضع شك من اهلي ودوامي ومنطقتي .. اني مخطوبه تمام .. اشكرك على مشاعرك اليه ، واتمنالك التوفيق)
💬هاني: ( استغفر الله )
     ( استغفر الله ياربي )
💬هاني : ( خلي هذه الليله تعدي على خير يا بنت الناس.. كوه تريديني اتصرف شي ما يعجبج بعدين ..)
💬(شنو هذا تهديد .. اول شي فهمني ، شتريد مني ، حتى افتهم ليش تهددني .. احجي ، انطقها .. ليش مسويها لغز )
💬هاني :( لان انتي بالتهديد يله تمشين ، بالعين الحمره يله تمشين .. شوفي اني هذا اسلوب اللف والدوران والچذب مااحبه .. اتخبل من الچذابين .. ادري بيج لا مخطوبه ولا مرتبطه اعرفج كلش زين .. )
💬هاني :( يعني لو مرتبطه وعلى ذمه رجال عبالچ اتقربلج .. شنو هالاسلوب هذا )
وره كلامه هذا مباشره .. طلعت من المحادثه ورجعت سويت بلوك .. لان وصلت لطريق مسدود وياه بالكلام
وذبيت جهازي.. ألم بصدري گد ما گلبي يدك.. خوف من باچر شيصير
نمت بعد ساعتين .. حتى نومتي صارت معاناة ...

يتبع ..