حبها أقرب لقلبي من الوريد

البارت الثاني../

الصباح الساعه ٧:٣٠
فز تركي من صوت ابوه الي ينادي تحت لعبدالله وتافف تركي من الشمس الي دخلت بعينه نزل تحت وهو يتوجه للحمام الله يكرمكم بعد ماطلع شاف ابوه معصب راح له وحب على راسه وهو يقول تركي:صباح الخير افا وش فيه ابو عبدالله معصب
عبدالرحمن: وين عبدالله اخلص علي انت وياه بنروح نساعد ابو زياد
تركي:وش نساعده فيه مو رايح تفتح البقاله اليوم
عبدالرحمن:لاحقين نفتح البقاله بنساعد ابو زياد بشيل الاغراض
تركي باستغراب:ليش وين بيروح ابو زياد
عبدالرحمن وهو يتكتف بيدينه:والله يابوك الطيب مايجلس بيمشون للرياض مع اخوه ابو حمد بيستقرون فيها ويقول ماعاد ابي هالديره يحس انها تضيق فيه كل ماتذكر وفاة ولده
تركي وهو يميل شفايفه بعدم استيعاب:يعني خلاص بيروحون وابو حمد ماعاد يجي للديره
عبدالرحمن وهو يناظر لعيون تركي الي بدت تحمر:وش لك بأبو حمد حتى عياله ماتروح معهم
نزل راسه تركي وهو يقول لابوه:صادق يبه يلا نروح لانتاخر عليهم
عبدالرحمن:يلا اخلص
راحو تركي وعبدالرحمن وعبدالله وراكان
ركض وهو يمسك كتف تركي راكان:تركي وش فيك ياخوي من طلعنا وانت قالب وجهك
تركي:مافيه شي بس اعجل لايعصب ابوي
ومشى تركي وراكان وراء عبدالله وابوهم ولما وصلو لبيت ابو زياد سلمو عليهم وساعدوهم بشيل الاغراض دخل تركي  للغرفه الي كانت جالسه فيها وريد وبنت عمه نوره وسلم وشال الاغراض الي موجوده عندهم وراحت نوره لامها الي تنادي لها قرب تركي من وريد وقال:وريد يعني انتم خلاص مراح تجون الديره
وريد:اي خلاص كنا نجيها عشان عمي بس خلاص عمي بيكون عندنا واصلن مااحب الديره كثير
تركي وهو يضحك ويناظر لها:تدرين ياوريد ان الديره تكون حلوه اذا جيتم فيها والحين خلاص ماراح تكون حلوه
وريد بعدم فهم :اي عادي انت تقدر تجي للرياض وتشوف زياد وحمد
تركي وهو يلف وبهمس :ليتك تفهمين ياوريد لوو اقول لاحد بيقول حب مراهقه بس انا اعرف نفسي
وراح تركي وهو يسلم على زياد والعيال وركبو السياره وشاف وريد الي راحت لسيارة ابوها وجاء عند الدريشه حقتها وهي تنزل الدريشه وعطاها ورقه وقال شوفي هذا الكلام اذا كبرتي الحين لاتورينه احد ابداً خبيه عندك لين تكبرين او لين اجي انا لرياض
وهي تدخل الورقه بالشنطه قالت:تمام اذا كبرت بفتحه اوعدك وانت اوعدني تصير دكتور لانك تقول ان اسمي وريد يعني شي بالقلب وابي اعرف وش وانت لازم تعلمني وش
ضحك وهو يحترق من داخله ويناظر لها ولبرائتها:ابشري بصير دكتور عشانك واعلمك ايش معنى اسمك
ومشت السياره وانظاره خلفهم ومر شهر على خروجهم من الديره وهو كل مرا يتذكرها يحس جوفه يحترق لانه مو قادر يروح لرياض وان اخبارهم انقطعت عنهم الاكن قرر انه يدرس زين لاجلها لجل يحقق رغباتها فيه ومرت السنوات وجت السنه الي انقبل فيها تركي وراكان بجامعة الرياض وركض تركي: وهو يصيح يمه يبه انقبلت طب وجراحه انقبلت يمه بصير دكتوره
جت امه والهنوف ونجد نوريه بصدمه:وش فيك يمه ليش تصايح روعتنا الله يصلحك
تركي وهو يضحك:يمه اسف بس انا انقبلت بتخصص احلامي يمه ولدك بيصير دكتور
نوريه وهي تبكي وتضحك:يمه ولدي اسم الله عليك صادق انت ماشاءالله ربي يبلغك باللي يسرك يمه حمدالله
الهنوف وهي تضحك:الله اخوي بيصير دكتور كفو يأخو الهنوف سويت الي تبيه كفو
نجد وهي تركض وتضمه:هش انتي مو بس اخوك كفو ياخو نجد كفو
تركي وهو يضم نجد ويضحك:ياجعل تركي فداء لنوريه والهنوف ونجد
نوريه : وهي تضمه الله يرضى عليك يأمي ويحقق الي تبيه ويفرحني بتخرجك يادكتورنا
ضحك وهو يشوف ابوه الي راجع من مجلس الديره وقف تركي وهو يقول لابوه ابشرك يابو عبدالله انقبلت بالجامعه وانشاءالله شهر واروح ادرس طب بالرياض
عبدالرحمن:مبروك ياولدي وجعل ربي يوفقك ياروح ابوك
راكان وهو يركض يمه وانا انقبلت والله تركي ياخوك معك معك والله مااخليك انقبلت قانون الله بصير محامي
نوريه وهي تضمه:ياعيون امك ماشاءالله مبروك مبروك
عبدالرحمن :مبروك ياراكان جعل ربي يوفقك ياروح ابوك
تركي وهو يضم راكان:هلا بصاحب المشوار بنكون دايم معبعض وحتى بالدراسه واتخرج دكتور وتتخرج محامي كفو يالعضيد كفو
عبدالله وهو توه داخل:ماشاءالله جاني الخبر من الهنوف مبروك ياروح اخوكم جعل ربي يوفقكم دام الشهر الجاي وانتم بالرياض لازم اقدم الزواج عشانكم
عبدالرحمن:صادق يابوك لازم نقدمه قبل يروحون اخوانك