حبها أقرب لقلبي من الوريد

البارت العاشر

بالليل الساعه١٢
نزل تحت عند الرسبشن وهو يفكر كيف يعتذر منها لانه اصلن ماله دخل يعصب عليها شافها جالسه بالكوفي حق الفندق واخذ نفس وراح لها
راكان:سلام ممكن اجلس
جمان:تفضل استاذ راكان
راكان:جمان انا اسف وحقك علي ادري اني عصبت وصارخة وانا مالي حق
جمان بابتسامه:حصل خير استاذ راكان
راكان:دام شفت ابتسامتك اكيد راح الزعل وبعزمك على كوب قهوه
جمان:مانرد عزيمة استاذ راكان
وطلب لهم كوبين قهوه جمان وهي تناظر لكوب القهوه
راكان:الوقت تاخر بروح انام تبين شي
جمان:لا يعطيك العافيه استاذ راكان
راكان:ممكن نبطل كلمة استاذ راكان ونكون اصحاب
جمان:لي الشرف ياراكان
ضحك وهو يروح ويشوفها مشت وراه وكل واحد راح لغرفته ينام عشان يستعدون بكرا
عند تركي الي كان مبسوط بس تذكر انه واعدها مايجيها الي هو صار دكتور وقرر انه يحذف رقم حمد عشان مايدق عليه وماينفذ وعده
تركي:اه يارب يسر لي هالسنوات وخلني اصير دكتور عشانها يارب

عند وريد وهي متمدده بغرفتها وبعد ماخلصت مكالمه اخذت نفس وهي عرفت ان صحبتها توفت امها وكانت حزينه عليها

بمصر عند الهنوف وسند
الهنوف:سند
سند: لبيه ياعيوني
الهنوف:ممكن اسال وين بنسكن لارجعنا للسعوديه
سند وهو يضمها:وين ودك تسكنين ياحب سند
الهنوف:والله ودي بالرياض
سند:ماقد رحتي لها الرياض يمكن مو حلوه
الهنوف:صدق ماقد رحت لها بس ودي اعرف سبب حب تركي لها ودي اعرف ليش الناس يحبون الرياض وليش ابو نوره قال اه ماارق الرياض تاللي الليل ودي اشوف رقة الرياض
سنذ بابتسامها وهو يبوس كتفها ويروح لشنطته وياخذ منه المفتاح ويمسك خصرها :طيب يانبض سند ذا هو مفتاح بيتنا بالرياض
طبعاً سند كان عارف انها ودها تسكن بالرياض عشان كذا نقل دوامه للرياض
الهنوف بصدمه:كيف يعني خلاص بنسكن بالرياض مانروح للخرج
سند:ماسكن بمكان ماتبينه وعشانك نقلت دوامي للرياض
الهنوف وهي تضمه: احبك والله
سند: اكثر ياروح سند

عند نجد الي كانت طفشانه بعد مارجعت العنود مع عبدالله للدمام وبس باقي بالبيت هي وكان البيت فاضي وامها رايحه للام طارق وابوها بالعزبه انسدحت وهي تكلم تركي
نجد:سلام تركي
تركي:يهلا باخت تركي
نجد:يخي ماودك تجي عندي طفشت مافيه احد البيت فاضي
تركي بضحك:طيب افتحي الكام بشوفك
نجد وهي تفتح الكام وتتافف:تركي ياخي اقنع ابوي نسكن عندكم بالرياض وقسم طفشت لحالي
تركي:شوفي ياروحي بعد يومين بجي لكم وبحاول اقنعه
نجد :اي تكفى وقسم طقت تسبدي من الطفش
تركي:يلا يلا بسكر انتبهي لنفسك حبيبي
سكر تركي وهو يفتح الباب الي يطق وكان المندوب الي طلب منه العشاء تعشى وبعدها نام

الصباح الساعه٨:٠٠ بدبي
صحى راكان وهو تجهز ولبس له جينز اسود وتيشرت بنفس اللون وطلع وهو يمر غرفتها ويشوفها مفتوحه طق الباب وشاف العامله تنظف وهو ينزل ويشوفهم مجتمعين تحت لف وهو يناظر لها ويبتسم وابتسمت لها
راكان وهو يكلم نفسه:راكان ابوي اعقل لاتصير خفيف وش صار لك
ركبو السيارات وتوجهو للمطار ووصلو للمطار نزلو اغراضهم وجلسو ينتظرون الرحله
راكان:جمان
جمان:هلا
راكان:بقولك بس لاتضحكين جد لاني متوتر
جمان :وش مراح اضحك
راكان:كيف بنعرف كلامهم وش بنسوي اذا اجلو الجلسه وبتكون الطياره مو مستقره مثل الي قبل
جمان بابتسامه:ماعليك انت مع جمان مااخليك بروح الحمام الله يكرمك تبي شي
راكان بابتسامه:والله كفو هالجمان دامك معي يعني ارتاح ونقول ياليت المقاعد عند بعض
ابتسمت وهي تروح للحمام الله يكرمكم اخذت نفس وهي تشوف وجهها بالمرايه:اه ياجمان وش سويتي اه ياخبله وش انت معي وش بيفهم الحين
عند راكان وهو يبتسم ويكلم نفسه:لا شكلك طحت على وجهك ومحد سمى على ياخو تركي اه من يلوم القلب لالقى دياره بس وش هالسرعه لاهدرجه خفيف
ابتسم وهو يسمع نداء الرحله توجهو للطياره وهو يدعي ان مقعدها جنبها  ركضت جمان وهي تدخل للطياره وللاسف ان مقعدها وراءه مو جنبه ابتسم لها وهو يجلس لف يناظر لها
راكان:الحظ ماحالفنا هالمره
جمان ابتسمت وهي تهز راسها بتوتر
قلعت الطايره ونام راكان وجمان كالعاده تتابع فلم لانها ماتعرف تنام بالطياره
الصباح عند تركي
قام وراح للجامعه بعد ماخلص طلع لكوفي قريب من الجامعه عشان يكمل مذاكره هناك ضحك وهو يسمع وحده تنادي وتقول وريد لف من سمع اسمها وهو يشوف بنت صغيره وابتسم لها ضحك وهو يقول بينه وبين نفسه:يالله حتى اسمها يربك حواسي كيف لو هي قدامي
تنهد وهو يكمل مذاكره
عند وريد الي كانت تذاكر عشان اخر اختبار قبل الاجازه دخل عليها متعب
متعب:اقول وريدي ماودك تطلعين معي
وريد:ودي والله بس بذاكر بكرا الاختبار وصعب شوي
متعب:تمام حبيبي موفقه
كملت مذاكره وهي ودها تكلم وريد الي اخر مرا كلمتها امس وقالت انها بتنام
بعد فتره وصلو باريس
بمطار باريس
نزلو واخذو اغراضهم وتوجهوو للفندق وهم يقولون لهم ان بعد ساعه فيه اجتماع عشان الجلسه
راكان كان يناظر لمباني باريس ومتعجب منها ومن جمالها وجمان كانت ميته من النوم ودها بس تروح تنام لو ساعه
كل واحد توجه لغرفته وراكان اخذ الغرفه الي جنب غرفة جمان عشان يكون قريب منها وهو مستغرب من الخفه الي هو فيها دخلو الغرفه وقعد راكان يكلم تركي وجمان نامت على طول