حبها أقرب لقلبي من الوريد

البارت السابع

بعد ماخلصو من المول واخذ اثاث ووصل اثاثهم للبيت وكان تركي منبهر من المكتب الي اختاره والاثاث الي كان باللون الابيض وراكان الي منبهر من اختيار اخوه وقال له انت اثث غرفتي وخصلو كل الاثاث ورجعو للبيت وهم ينتظرون المطبخ الصغير وطق الباب وهم يفتحونه والي كان وراء الباب غيث جايهم وجايب لهم الغدا
تركي:حي غيث حيه تفضل
غيث ببتسامه:البقاء ماشاءالله خلصتو كل شي
راكان بضحك:انت ماعندك مثل تركي يخليك تخلص شغلك بسرعه ومايحب يأجلها
غيث :دام خلصتو تعالو تغدو جبت ذا الغداء لكم
تركي بابتسامه :ماتقصر ياغيث يمال العافيه
راكان: اي والله جيت بوقتك اني هلكان ماعديت قهوتي بالمول
غيث وهو يضحك :يعافيك اجل يلا وانا بعد هلكان
اكلو بعد ماخلصو اكل دق الباب وهو يفتحه راكان وركبو المطبخ وخلصو وقام تركي وهو يسحب يد غيث :قم قم ياغيث شف البيت وقلي ايش رايك
وقام غيث مع تركي وهو يشوف البيت وكان منبهر فيه ودخل مكتب تركي وزاد انبهاره من المكتب والكنب والاضاء والأثاث الي كان فيه غيث بابتسامة اعجاب:ماشاءالله قسم حلو قليل بحقه كفو عليكم
تركي بضحك؛كفوك الطيب كل ذا من ذوقي شف كيف ذوقي حلو
راكان:اي والله اني انصدمت من ذوقه كل شي طلع حلو ومرتب
وجلسو بالصاله وهم يسولفون وقال تركي لراكان:ترا بكرا نرجع لديره نجلس لاين تبقى يوم على دراسه ونرجع عشان امي
راكان :تمام يصير خير

عند وريد بعد مارجعت من المول وهي تطلع الاغراض تحت انظار جمان الي كانت معجبه باختيارات اختها ومتعب الي قاعد يرتب لمشروعه وامها الي راحت تنام لانها انهلكت من المول
جمان:تدرين ياوريد احس السنه ذي بتكون غير
وريد:ليش
جمان: مدري يخي متفائله بهالسنه احس كل شي بيصير مثل الي ابيه
متعب:وهو يرفع راسه خلاص دامك متفائله بهالسنه بيكون فيها افتتاح الكفي حقي
وريد:انشاءالله انها بتكون سنه حلوه بس انا خايفه من الجامعه
جمان:لا مافيه خوف ياوريد ماعليك كل شي بيصير حلو وسهل بس توكلي على ربك
وريد:انشاءالله

الصباح عند تركي وراكان وغيث الي نام عندهم لان ماكان له خلق يرجع للبيت وسهر مع راكان يلعبون بالسوني
تركي وهو يقوم غيث الي نام بالصاله عشان ينام بغرفته ويقوم راكان لغرفته وهو يسوي له فطور وجلس بالصاله ياكل ويشوف الفلم بعد ماخلص الفلم قام تركي وهو يتسبح ولبس له بلوفر سماوي وجنز اسود وهو يطلع للسوبرماركت عشان يجيب اغراض ناوي يسوي لهم غداء وصل تركي وهو مو عارف ايش يجيب بالضبط دق على نجد
تركي :الو نجد اخبارك
نجد :يهلا ياروح نجد بخير بس مشتاقه لكم
تركي:ياحبيبة قلبي اليوم نجيكم انشاءالله اقول نجد انا عندي غيث نايم عندي وطفشنا كل اكلنا من المطاعم وناوي اسوي لهم غداء بس مدري وش اشتري بالضبط علميني
نجد:ومين غيث هذا ابشر اضبطك
تركي بضحك:كفو كفو ياخت تركي غيث صاحبي الجديد
نجد:طيب وهي تقوله وش يحتاج يشتريه وهو يسمعها وياخذ كل الي قالت
تركي:اقول تدرين اني نسيت اهم شي
نجد: وش
تركي ماعندي مواعين ابد يلا يلا باي وشكراً على المساعده وعشانك ساعدتيني بجيب لك هديه
نجد:يلا استودعتك وربي وياويلك ماتجيب لي وتنسى
تركي :ماعليك مانسى يلا
سكر تركي وهو يتوجه لمحل المواعين وهو يتلفت ولا يعرف وش يشتري وهو يشوف الي واقفه هناك قال مالي الي اني اسالها مشى تركي:وقال سلام ياخاله
هناء:الي كانت رايحه تشتري لها مواعين :وعليكم السلام سم يولدي
تركي:والله ياخاله ابي اشتري لي مواعين طبخ وتقديم وماعرف وش الزين ابيك تختارين لي  وتعلميني وش الزين لان اهلي بمكان بعيد ومافيه الا انا واخوي
هناء بابتسامه:ابشر ياولدي ماطلبت شي
اختارت له مواعين طبخ وتقديم وحقات قهوه وشاهي من كاسات وفناجيل وكل شي وتركي كان منبهر من اختياراتها
تركي:وهو يشكرها بيض الله وجهك ياخاله جعل ربي يسعدك
هناء:امين امين وياك ياولدي وجعلك تجهز لبيتك مع زوجتك
تركي:امين امين يارب
رح تركي وهو مبسوط ووصل للشقه وهو بدا يوزع الاغراض ويحط اغراض الثلاجه من اكل وخضار بالثلاجه والمواعين يرتبهم بالدرج ويوم خلص بدا يقطع البصل والطماط ويسوي الغداء بعد ماخلص وجهز الغداء ونظف حوسته بعد الطبخ طلع يتسبح وبعدها راح يقوم راكان وغيث لصلاة لظهر راكان وهو يطلع للصاله ماشاءالله ايش هذي الريحه
تركي وهو يتنحنح:سويت لكم غداء
غيث :شلون ماكان فيه اغراض امس تقول نروح نشتريهم
تركي قمت الصباح وانتم نايمين بالصاله ويوم شفتكم ماقمتم طلعت شريت كل شي وسويت الغداء
راكان:والله انك كفو جوعان ميتت
تركي:اقول قم نصلي اول بس بعدي
بعد ماصلو وهم يروحون للمطبخ ويشوفون الاغراض ويجهزون الغداء على الغداء
غيث:شكلي بسكن عندكم دام كليوم بيطبخ تركي
تركي بضحك:حياك الله البيت بيتك
غيث:كل يوم بجي عندكم وبساعدك ياتركي بالانقليزي ادري انك خايف منه قال لي يوسف
تركي:تعرف انقليزي اي تكفى خايف منه والله
غيث:ماعليك اذا تبي مساعده دق علي واجيك بس اهم شي تسوي لي اكل
راكان: اي ماهمك الا بطنك
غيث وهو يضرب كتفه:اجل انت تهمني اكل بس اكل
وبعد ماخلصو اكل قام تركي بينام وهو يقول لهم نظفو المطبخ والصاله وقالو تم وقامو ينظفون وخلصو وجلسو يلعبون سوني