حبها أقرب لقلبي من الوريد

البارت الاول..؛

قبل ١١سنه بمكان بعيد عن رياض بديرة بسيطة اسمه ديرة( السعد) كان جالس قدام بقالة ابوه مع صاحبه يوسف ويتفقون انهم بكرا راح يروحون مع عم تركي للرياض قال يوسف لتركي:تتوقع ابوك بيوافق تروح لرياض وهو ما يحبها
تركي:ماعليك انا اكلم عمي يقنع ابوي بس المشكله ان الحين أبو حمد بالديره  وابوي تعرفه اذا جاء أبو حمد يكون مشغول معه
يوسف: ياخوك شيسوي أبوك مايجي صديقه الا مره كل سنه
تركي: اي وانت الصادق بس يخي ابوي يحب الكلافه الزايده
يوسف وهو يضحك:ماهي كلافه هذا كرم  وابوك كريم ومعروف بالكرم
تركي :عاد ابوي والكرم ماشاءالله شحكيلك بس خلها على ربي بس وانشاءالله تيسر
قام يوسف وهو يقول لتركي:انا رايح للبيت اذا وافق ابوك عطني خبر عشان اجهز
تركي:ابشر على خشمي طال عمرك
راح يوسف وقام تركي يتمشى بالديره وهو يدندن بينه وبين نفسه وقف عند بيت أبو زياد الي كانو واقفين عنده ثلاث بنات ولد وزياد وشاف زياد وتوجه له
تركي:سلام شحالك يا زياد
زياد:سلمه  يارب بخير انت شحالك
تركي:حمدالله وينك ماعد تجي تلعب كورة مثل قبل ياولد
زياد:والله ياخوك شوفة عينك عندنا عمي أبو حمد
لف تركي وهو يشوف البنت الي واقفه بعيد وتناظر له ضحك تركي وهو يقول:الله يعينك ياخوك بس لاتنسانا وتعال العب فاقدين لعبك
زياد:ابشر وانا اخو نوره ما أنساك
دخل زياد وهو يرد على ابوه الي ينادي له وراح مشى تركي للبنت الي ماشالت عيونها عنه من جاء ناظر له وقال تركي:صح أنتي اسمك وريد أخت حمد
وريد وهي تناظر له وتبتسم قالت:اي اسمي وريد وانت شسمك
تركي وهو يرجع شعره لوراء اسمي:تركي بن عبدالرحمن
وهي تبتسم له وراحت داخل وهو يروح يكمل مشيه بالديره وراح للبيت ودخل ولقى امه جالسه بالحوش وجلس عنده وهو يناظر لها نوريه: شفيك يا تركي تناظر لي كذا تبي تقول شي يابوي
تركي:ايه يمه بروح مع عمي لرياض انا ويوسف تكفين
نوريه:كيف يأبوي بتروح وانت تدري ان ابوك مو موافق
سكت تركي وهو يناظر للهنوف الي جايه لمهم وجلست الهنوف :شفيه حبيب اخته متضايق
تركي:والله يالهنوف ودي اروح مع عمي لرياض بس ابوي مين يقنعه
الهنوف:ابشر بي وانا اخت تركي انا اقنعه لك اذا جاء واذا رفض عادي خيرها بغيرها
تركي وهو يضحك :كفو كفو أخت تركي
دخل عبدالله وهو يقول:افا ياهنيفه بس تركي اخوك وانا وين رحت
قامت الهنوف وهي تحضنه :انت وتركي عينين في راس الله لايحرمني منكم
جاء عبدالرحمن وهو يسلم وقامو يسلمون على راسه وهو يقول :الهنوف يابوي سوي قهوه بيجي ابو حمد وابو زياد بيتقهون عندي
الهنوف:ابشر يا عيون الهنوف
نوريه:بس الرجال بيجون ولا حريمهم معهم
عبدالرحمن:لا لا كلهم بسوي عشاء انشاءالله
قم يا تركي انت وعبدالله جهزو الذبيحه
تركي وهو يقوم :ابشر
وراح للهنوف وهي بالمطبخ :اقول الهنوف
الهنوف :سم
تركي:سم الله عدوك لاتقولين لابوي خلاص ماراح اروح
الهنوف:ليش ماكان بخاطرك تروح الرياض
تركي وهو يهز راسه بإيه:بخاطري بس خلاص راح عمي
الهنوف وهي تهزت راسها وهي تقول:عادي لاتزعل خيره بغيره
ابتسم وهو يمشي لعبدالله يذبحون الذبيحه وبعد ما خلصو راح يتسبح ولبس وراح للمجلس يجهز القهوه للرجال شوي وبدو يجون الرجال وهو يرحب ويسلم عليهم وطلع وهو يحس بصداع وقال لاخوه انه بيطلع ياخذ مسكن جلس عند باب البيت وهو ساكت ويناظر للسماء وهو يكلم نفسه ليت الحلم يتحقق واكون بوسطك يالرياض وسكت من البنت الي واقفه بعيد عنه وراح له قال شعندك واقفه بالشارع وريد وهي متوتره وخايف:بالله عليك ياتركي ابي متعب بس مادري وين راح وهو مايعرف الديره زين ضحك تركي :وهو يهز راسه ماعليك ياوريد متعب  داخل روحي لبيتك مايصلح تطلعين برا البيت لحالك وهزت راسه وهي تركض لبيت عمها وهو رجع للبيت وبعد ماراحو الرجال والحريم وكانو ينظفون البيت وانسدح تركي بالسطح وهو يتذكر وريد يقول بنفسه عيونها ايه بالجمال وضحكتها تخلي العاقل مجنون الله يحفظها بس