حبها أقرب لقلبي من الوريد

البارت الرابع

بعزبة ابو عبدالله
بالديره بالعزبه عند تركي وراكان بعد مارجعو من البقاله نجد وهي تنزل من السياره:تركي ليت عندنا خيل والله لازعجكم كل يوم تودوني للعزبه
ضحك تركي:والله يانجد انا ودي بالخيل لاكن ماجات فرصه
جاء راكان وهو يضحك وماسك الخيل وقال :واذا قلت لك خيلك جاء ياخو راكان
لف تركي ونجد وهم منصدمين ومن الخيل الاسود وجابه اسود لان تركي يحب الاول الاسود الاصيل ضحك تركي وهو يقول:احلف ياراكان انه لي كيف شريته راكان
راكان وهو يبتسم:لعيون اخو راكان يصير الي يبي لو كان مستحيل انت بس قل ابي وانا اجيبه لك لو كان بعيد البعيد يقرب لعيونك
تركي وهو يضمه:الله لايحرمني منك يالعضيد
نجد وهو تبكي من فرحتهم وراحو يضمونها
راكان:لا عاد دام فيه دموع نجد برجعه ياتركي دموع نجد غاليه علي
تركي:افا ياخت تركي لاتبكين الحين نركب انا وانتي وننبسط
نجد وهي تمسح دموعه:احبكم والله يأجمل اخوان
راكان وهو يضحك:الي يشوف دموعك يقول الخيل لك تركي:اكيد لها هي بتنتبه له اذا رحنا لرياض
نزلت راسها وهي تحاول ماتبكي ناظر لها راكان:خلاص يانجد بنروح نحقق احلامنا وبنجيك وبتجين لرياض عندنا
نجد:اي بس ابوي مايحب الرياض مايبيها
راكان:اي هذي اول لما ماكان فيها تركي الحين تركي فيها وتعرفين ابوي وحبه لتركي
تركي كان واقف يتأمل الخيل ويتنهد كيف ربي حقق امنياته وباقي امنيته الاجمل يوم لقاه بوريد
راكان:ياهوه وين رحت حنا هنا نتكلم
تركي:معك معك بس قاعد افكر بأسم له واتوقع اني لقيت شرايكم بأسم ادهم على شكله
هز راسه راكان:والله حلو الاسم خلاص اسمه ادهم
نجد :الله حلو اسم ادهم تحس له هيبه
راكان: يلا يانجد بنرجع للبيت قبل امي تجي وانت اجلس تعرف على خيلك لين اجيك
تأففت نجد ومشو لسياره ووقف تركي قدام الخيل وهو يمسح عليه تركي:صار عندي شي اتسلى فيه لين امشي لرياض ركب فوق ادهم وهو يتمشى شوي فيه وعلى وصول راكان :الي كان يصفق عاش الخيال عاش
تركي:تعيش تعيش الا وين ينام ادهم
راكان:افا ياخو راكان جهزت له كل شي تعال معي
مشى راكان وتركي وادهم وحطوه بمكانه وركبو السياره وقال تركي لراكان:نزلني عند عزبة ابو يوسف بسهر عنده
راكان: ابشر
بعزبة ابو يوسف
وقف ونزل تركي ليوسف وهو يسلم عليه ويجلس عنده وكان يوسف شاب له نار وقاعد جلس تركي عند النار وبيده عصا يلعب فيها وهو يقول له(حبيتها يايوسف وحبي لها كبير لو اقوله لكبارنا قالو حب مراهقه لاكن والله والي نزل القران والانجيل ان حبها يجري مجرى الوريد ولا اقدر عن حبها اصد ولا اميل)
صفق يوسف وهو يقول:صح لناسك ياتركي وجعل ربي يجمعكم على خير ياخوك
تركي :انقول امين وجعل الايام الجايه تجيبها بس