حبها أقرب لقلبي من الوريد

البارت الثالث والعشرون

بالرياض بالليل
بعد ماخلصو نص البيت بس باقي يكملون الاشياء الناقصه من السوق وقال لهم تركي بكرا نطلع السوق وكل وحده بغرفة تتجهز عشان عشاء ام حمد الي مسويته عشانهم وتركي كان جالس يكنس المجلس طلع لغرفته وهو كان مبسوط فيها وبختياره للاثاث وعند نجد كانت تتجهز ونست الي صار لان بطبعها تنسى بسرعه الشي الي ماتبي يكون معها بذاكرتها والهنوف كانت تتجهز
تركي وهو واقف بالصاله:يلا يابنات تاخرنا
نجد:يلا يلا خلصت
نزلو وهم يتوجهون لبيت ابو حمد طق الباب وهو يفتح لهم حمد وتوجهو البنات لداخل ودخل تركي للمجلس مع حمد وجلسو يسولفون وعند البنات اول مادخلو سمعو الترحيب من ام حمد وكيف تهلي وترحب بهم وجلسو وهم يسولفون واخذتهم السوالف بعده جاء العشاء وتعشو ورجعو يكملون السوالف قامت هناء
هناء:معليش يابناتي بروح انام جاء وقت نومي
الهنوف:براحتك ياخاله تصبحي على خير
هناء:وانتم من اهله استودعتكم ربي
راحت وكملو البنات سهرتهم وجاء سند ياخذ الهنوف ومابقى الا نجد وريد
نجد:شنسوي طفش
وريد:مدري تعالي بوريك مكاني المفضل
نجد:وين
وريد:امشي معي
طلعو وهم يتوجهون وراء البيت وكان فيه جلسه صغيره وجدار كله رسومات
نجد:الله مين راسم ذولي
وريد:انا
نجد:يخي ماشاءالله صوت ورسم ووجه حلو وش بقيتي لنا
ضحكت وريد وهي تشرح لها عن كل رسمه
نجد:يلا بمشي تركي ارسل لي
وريد:بدري ياخي
نجد ماعليك الايام كثير بننشب لبعض
ضحكت وريد ومشت نجد مع تركي وكان واقف برا غيث لفت وهي تناظر له ولفت عنه وهي تدخل للبيت وراحت لغرفتها تنام لان اليوم تعبت كثير ودخل تركي بعد ماودع غيث الي كان بيمشي لجده لان عنده شغل جلس تركي بالجلسه الي بالحوش وقعد يكتب وكانت الساعه تقريباً ٢:٤٠ طبعاً شاعرنا مايخيلي شي يمر بالساهل وكتب قصيده بحبيبته ويقول فيها
"ياجعل رب الناس يجمعني فيك
ياحلو الاوصاف ياأجمل محبيني
المساء لبتدا منك يصير كله خير
ياخير قلبي يا ساكن في شرايني
كلامك العذب واسلوبك الرزين
خلاني الح بالدعاء ان تكون من نصيبي"
بعد ماخلص كتابه ضحك لان يشوف نفسه كيف هو مغرام وهايم بوريد وكل شي يخص وريد
عند وريد الي كانت بالغرفه تكمل رسمتها وكل تفكيرها بالقرار الي اخذته انها بتوضح لتركي انها ماشافت الورقه ولا تدري عن حبه او بالاصح انها هي ماتحبه وهي بالاساس باديه تحبه بس بتتاكد من مشاعر تركي اتجاهها عشان ماتحب شخص مايحبها.

بباريس الصباح
قام من النوم وهو يشوف جمان للحين نايمه لان من امس تفز من الكوابيس الي تشوفهم وفهم راكان سبب انها تبيه بجنبها لانها تخاف وتجيها احلام تقومها من النوم طلع من الغرفه وهو ناوي يكلم فيصل ومقرر انهم يرجعون للرياض دق على فيصل وماكان منه رد بعدين رجع  يدق عليه
راكان:سلام كيف الحال ياعم معليش دقيت بالهوقت
فيصل:يهلا بخير يابوي انت كيف حالك وكيف حال جمان عادي يابوي مانمت للحين
راكان:كلنا بخير حمدالله بس ياعم انا جاي بطلبك طلب
فيصل:اعتبره تم
راكان:تسلم ياعم لازم ابوي يدري عن كل شي وعن زواجي
ضحك فيصل واستغرب راكان ضحكه
فيصل:كنت انتظر انك تقول لي كذا لان ادري فيك كفو ماتخون ثقة ابوك عشان كذا انا قايل لابوك كل شي وابوك عنده علم بكل شي
راكان:كفوك الطيب بيض الله وجهك والله انها مثل النار بصدري اني مخبي عن ابوي
فيصل:يابعد روحي ماعليك ارتاح والأومور قريب وتتصلح ان شاء الله
راكان:ان شاءالله تأمر على شي
فيصل:ابد ماابي الا سلامتكم وشوفتكم
راكان:ان شاءالله استودعتكم ربي

الصباح بالرياض
قام تركي بدري وهو يحاول يصحي نجد الي مو راضيه تصحى طلع برا عند العمال الي كانو يزرعون ورد قدام البيت كان واقف طلع له حمد
حمد:صباح الخير ياحب
تركي:صباح النور
حمد:شعندك واقف هنا
تركي:اشوف العمال عشان يسون الزرع مثل ماتبي امي
حمد بضحك:يعني شايب مستقعد لعماله
ضحك تركي:بالضبط غريبه على وين من الصبح
حمد:الدوام ينادي
تركي:يلا مع السلامه رح لدوامك
راح حمد لدوامه وتركي واقف ويشرف على العمال ويصور لامه ويرسله على جوال عبدالله يشوف عاجبها الترتيب ولا لا بعد ماخلصو العمال جلس يرشهم ماء وهو يشوف الكراج او البايكه الي تسمونه من بيت فيصل تنفتح واستغرب مين الي طالع الا وريد راكبه سيارة ابوها وطالعه فيها وقف بوجه السياره وهو يأشر لها
تركي وهو يوقف عند الدريشه:صباح الخير
وريد:صباح النور
تركي:ماشاءالله تعرفين تسوقين
وريد:اي يعني مشاوير بسيطه
تركي:على وين ان شاءالله
وريد باستغراب:وليش اقولك مين انت
سكت تركي وهو يبعد ويقول له توكلي على ربي وانتبهي
مشت وريد وهي ندمت علو الكلمه بس هي صادقه ليش يحاسبها ضحكت وهي تكمل مشوارها وكانت رايحه للبقاله الي بنهاية الشارع عشان تجيب لامها خبز وكان عند البقاله حق خضار وتجبب الاشياء الناقصه مشت وهي مو متمكنه مرا من السواقه طلع تركي للبقاله وهو مايدري انها بالبقاله لانها ماقالت له وين رايح وقف وهو يشوف سيارتها وضحك وهو يدخل للبقاله وياخذ الناقص للبيت وقف عند رف الحلويات وبدا يختار لنجد لان نجد عشقها الحلويات وشافها جت ووقفت عند الرف لف ناظر له وابتسم
وريد بعبط:سلامات لاحقني
تركي بضحك:مو لاحقك بقالة وجاي اشتري منها
وريد:اي عبالي بعد
ضحك وهو يشتري وهي محتاره من الانواع الي قدامه وجاء تركي اتصال وهو يبعد عن وريد شوي ويروح قدام
تركي:اهلين بالمحامية ريما
ريما السيف:اهلين دكتور تركي
تركي:على وعدنا اليوم
ريما:على وعدنا
وقالت له اللوكيشن الي يلتقون فيه وكان عباره عن كوفي سمعت وريد واستغربت مين ريما وليش يلتقون بالكوفي ذا وطبعاً قالت له اسم الكوفي ورجع يقول لها اسمه وسمعت وريد كل شي وحست بشعور غريب ماتدري تسميه غيره او فضول او استحقار لتركي انه يواعد بنات ماتدري ايش تحس فيه بالضبط بعد ماانتهى تركي من المكالمه توجه للحساب وهو يشوفها تحاسب لف يناظر لها ومالفت له حاسبت وطلعت وهو يحاسب ويطلع وراها وكانت موقفه بعيد وماعرفت كيف تطلع السياره لان وقفت جنبها سياره ثانيه شافها تركي كيف كانت متوهقه نزل وراح لها
تركي وهو يطق الدريشه وافتحت له
وريد:نعم
تركي:تبين مساعده
وريد:لا شكراً
تركي:تمام براحتك
مشى تركي تلفت وريد وهي تحس انها بتجيب العيد لو هي طلعت السياره
وريد:تركي
تركي بأبتسامه:هلا
وريد:ممكن تطلع السياره
تركي:تامرين
وريد بعبط:يلا عشان ماتتاخر على موعدك
تركي بأستغراب:وش موعده
رفعت كتوفه وهي تنزل وتبعد وتركي كان يفكر وش موعده الي تقصده وريد طلع لها السياره ونزل
وريد:شكراً
تركي:ماسوينا شي يابعدي
وريد بتوتر من الكلمه:ايش
تركي:مو شي متعود اقول الكلمه
وريد؛تمام
تركي:امشي وراي
مشت وراء تركي وهي متوتره من كلمته لها وتبي تعرف مين ريما هذي الي كلمها تركي وصلت للبيت وهي تدخل للبيت ودخل تركي للبيت وهو يشوف نجد صاحيه ومسويه له قهوه
تركي:بعدي اختي السنعه
نجد:جوعانه تكفى الثلاجه فاضيه
تركي:جبت نواشف وبالليل نروح للسوبر ماركت ونقضي للبيت بعد عشان ابوي يحول لي فلوس
نجد:طيب ليش مانروح العصر
تركي:لا العصر عندي اجتماع
نجد:اخس ياتركي اجتماعات
تركي:اي شفتي حركات قومي حطي ذولي النواشف بصحون عشان نفطر شوفي الساعه١١وانا ماافطرت وقايم من٧
نجد:انت شايب قايم بدري شسوي لك
ضحك تركي وراحت نجد تسوي الفطور وتركي جالس يفكر ايش تقصد وريد بكلامها..