حبها أقرب لقلبي من الوريد

البارت الحادي عشر

بعد ساعه قام راكان وجهز ولبس بالطو بيج على هاينك اسود لان كان برد وعند جمان الي لبست بالطو ابيض وطلعو وهم ينزلون تحت عشان الاجتماع
راكان:سلام
جمان:عليكم السلام
راكان:ودي بعد الجلسه امشي تروحين معي
جمان:تمام بوديك المكان كنا نروح له انا واهلي زمان
راكان:يعني نقول لك خبره بباريس
جمان:يعني شوي
بدا الاجتماع وهو كان حرفياً طول الاجتماع يتأملها وبعدين يستوعب انه خفيف مرا بس القلب ماهو بيده ويصد عنها وهي كانت مندمجه بالاجتماع وبنفس الوقت كان تفكيرها معها كيف هو لطيف كذا وطبعاً ماكانت اقل منه خفه

بالرياض عند تركي جهز اغراضه عشان يرجع بكرا للديره لان يوسف بيطلع بكرا وكان مبسوط ان واخيراً بيرجع صاحب عمره دق عليه غيث
غيث:سلام ياحب
تركي:هلا يابوي
غيث:تركي بمرك نروح للاستراحه الشباب بيتعرفون عليك
تركي:تم دقايق واكون جاهز
لبس تركي وهو جالس ينتظر غيث ضحك من تذكر شكلها قبل ويقول معقوله تكون مثل ماكانت تكون للحين جميله ولا اجمل
جاء غيث وركب معه وراح للاستراحه
بالاستراحه
غيث وهو يعرف على الشباب ويعرفهم وقعدو يتقهون
غيث:ياشباب صاحبي شاعر قولوله يعطيكم من شعره
ابتسم فارس:عطنا ياتركي شوي
تركي بابتسامه:ابشر يابعدي بس ترا بعطيكم شعري مو لي لاني مو حضرني شي الحين
غيث:عطنا تكفى بس يكفينا الالقاء الحلو
تركي: يلا بقول لكم هذي

"ماعاد اشوفك ولا احاكيك
مشتاق لك ومابتزيد حيله
كل ماجيت ابنسى طرالي طاريك
حتى الدقايق في غيابك طويله
وينك ياللي كل مافيني يبيك
يانبض قلبي وياهواه ودليله
ادري اني احبك ومن قلبي ابيك
لكن حظوظي بشوفك بخيله
خلت العين بشوقها تبكي عليك
والعين بعدك ماذاقت النوم لليله"

فارس: الله عليك يارجال صح لسانك ولسان شاعرها
تركي:صح بدنك يابعدي
حاتم: الي كان شاعر وبدا يرد على تركي ويقول
"جعل عينك بشوفها ياتركي تهتني كل لليله
وجعلك تشوفها وتنسى كل غرابيل طويله
لاتحزن يابعدي وتقول مافيني حيله
الله الي يجمعك فيها وتصير حياتك سعيده"

تركي وهو يبتسم:صح لسانك ياحاتم صح لسانك
غيث بتصفيق: الله الله عليك ياحاتم هذا الرد الحلو
كملو سهرتهم مابين سوالف وشعر ولعب

بالرياض عند فيصل الي كان توه راجع من المستشفى وكان ضايق جلس بالمجلس وهو يقول كيف اقولهم ان فيني قلب كيف اقولهم ان احتاج عمليه سكت من دخول وريد عليه
وريد:هلا ابوي ليش ماجيت داخل
فيصل:جيت وكنت اكلم وجلست هنا وماانتبهت
وريد:يلا ياحبيبي قم اجلس معنا بالصاله
ابتسم وهو يقوم ويفكر انه مايقول لهم شي لين يشوف متى يحتاج هالعمليه وكيف بتكون حالته

بباريس بعد ماانتهى الاجتماع والي قررو فيه ان الجلسه تكون بعد ثلاث ايام وقالو لهم ان بالثلاث ايام هذي يسون الي يبون بس ينتبهون طلعو من الغرفه وهو يطلع راكان برا الفندق وهو يشوف الجو صار باليل وغيم اخذ نفس وهو ينتظرها تجي وهو يصور ويرسل لاخوانه تحت تعليق نجد الي منبهره من المناظر ووعدها اذا تخرج يوديها لباريس طلعت جمان وهي تشوفه واقف ويضحك
جمان:نمشي
راكان:يلا
بدو يمشون وهو يسولف لها وصدم فيها واحد وهي كانت تفكر وماسكه سلسالها بيدها طاح من يدها وهو يرفعه لها ويبتسم
جمان:شكراً
راكان:ولو
ابتسم وهو يسكت جمان:وش فيك
راكان: ولا شي بس تذكرت شعر
جمان:الله احب الشعر قل وش الشعر الي تذكرته
راكان:طيب نجلس لاني تعبت من المشي
جمان:طيب
جلسو بالكراسي الي قدام نهر السين اخذ نفس وهو يحس بشعور غريب كيف كذا سكنت بقلبه
جمان:يلا راكان قل الشعر
راكان:يلا تعرفين الشاعر فهد بن مساعد
جمان: اي
راكان: يقول فهد
"البنت ذي من شافها ما ملها
مدري القمر هو عمها او خالها
احلى شوارع هالمدينه كلها
شارع فيه طاح سلسالها"
ابتسم وهي تحس برجفه بقلبها:صح لسانك ولسان شاعرها
راكان:صح بدنك طبعاً هو يقول انفقد فيه سلسالها بس غيرنا انه طاح
جمان:راكان
راكان:لبيه
ارتبكت وهي تشوف عيونه بعيونها:نرجع
قال يلا وهو يحس انها واضح ارتبكت ورجعو للفندق وهو يوقف قدامها ويقول:جمان
جمان:سم
راكان: بقولك شي
جمان:قول اسمعك
راكان:انا والله مااحب اخبي شي بس احس قلبي كل ماصرت معك يكون دقاته قويه كل ماقلت شعور عادي يطغى عليه الي مو عادي كل ماقلت وش ذا الخفه طلع قلبي اخف مني ادري بتقولين ايش هالسرعه بس انا من شفتك اول مرا بالمواقف دخلتي قلبي ادري منصدمه اني على طول اعترفت بمشاعري بس مااحب اكتم مشاعري مااحب مااقول اخاف افقد اخاف يحصل لي مثل اخوي ماابي اندم لاتردين فاهم صدمتك ولا الومك بس انا عارف ان قلبي لقى دياره وانت دياره والله
جمان وهي تحس بتبكي وتحس برجفه بقلبها من كلامه دخلت الغرفه وهي تطيح على السرير وتسال نفسها كيف ياربي وش سويت فيه يارب مااحب اخذل احب صدق يارب اني احس بمشاعر بتجاهه يارب وريني الطريق الصحيح دخلت الحمام واخذت لها شور ينشطها وهي تفتح جوالها وتشوفه متصل طبعاً اخذت رقمه لانه قال اذا احتجتي شي اخذت نفس وهي تكتب له
شوف راكان انا بكون صريحه معك صدق انا قلبي مو ملكي وماشيه على ان القلب هو الدليل انا من شفتك وانت دخلت قلبي بلطافتك وادبك مابي اتسرع واقول لا ابي اعطينا فرصه ومادري كيف اخوك فقد بس اذا ربي كتب لنا عمر مع بعض بنكون مع بعض
قبل ترسله قعدت تقرا كلامها من جديد واخذت نفس وهي تكتب المشاعر متبادله استاذ راكان
ارسلتها وكان يكلم تركي اخذ نفس وهو يشوف رساله منها قعد يقراها ويتأملها وكان مبسوط ان مشاعره مثل مشاعره طبعاً كلهم خفيفين ومارد غير انه لبس ونزل وشرا كوب قهوه وورده من بنت صغيره كانت تبيعه واخذ ورقه صغيره وكتب فيها
بكرا الساعه ٥ العصر انتظرك ولا تتاخرين لانه وبعدين كتب تحت
"ساعه بدونك تنحسب اربع اعوام
يرضيك عام يروح بربع ساعه"
وكتب تحت للاستاذه جمان
وارسلها مع خدمة الغرف فتحت الباب واخذتها وهي منصدمه من وين وماكانت متوقعه انه بيسوي كذا اخذت نفس وهي تقراها وتضحك ايش ذا ياربي قلبي كيف كذا حلو اخذت الجوال وهي تكتب له
تقول لك استاذه جمان يعطيك العافيه استاذي راكان ومانقدر على زعل الاستاذ وبنكون عندك بالموعد
ابتسم وهو يقرا رسالتها وهو يحط يده على قلبه ويقول اه مالومك ياخوي مالومك قلبي مو لي والله.