حبها أقرب لقلبي من الوريد

البارات الواحد والعشرين

بالرياض
صحى تركي على صوت جواله وكان من رقم غريب تعدل وهو يرد
الرقم الغريب:سلام تركي بن عبدالرحمن معي
تركي:اي نعم مين معي
الرقم الغريب:معك المحاميه ريما السيف
تركي باستغراب: مااعرف مين تكوني بس تفضلي استاذه ريما
ريما:اسمع دكتور تركي
تركي: تفضلي
ريما:ابنصحك لاتفتح الشركه الي ناوي تفتحها
تركي:وليش تنصحيني ماافتحها
ريما:ممكن نلتقي واقولك كل شي
تركي:وعلى اي اساس اصدقك واوافق نلتقي
ريما:انا بس ابي اساعدك وفيه أمور كثيره قاعده تصير مالك علم فيها
تركي:مااقدر اوعدك نتقابل بس تقدرين تقولين لي بالجوال
ريما:صدقني بتشكرني لاني قلت لك هذي الأمور لانها عن اشخاص يهمونك واولهم اخوك راكان
تركي:ليش شفيه اخوي راكان
ريما:مافيه الا العافيه اذا التقينا اقولك كل شي قاعد يصير
تركي:تمام بس اليوم مااقدر التقي فيك
ريما:تمام بكرا العصر
تركي:تمام ارسلي لي المكام ونلتقي
بعد ماخلص مكالمه مع المحاميه دق على راكان اول مادق ماكان منه رد ولثانيه رد عليه
راكان:يهلا ابوي انت اشتقنا لك
تركي:اكثر يابعدهم وينك ماتدق ولا تسال
راكان:مشغول والله ياخوك العذر منك
تركي:اهم شي انك بخير
راكان:حمدالله
تركي:بسالك تجاوبني بصدق
راكان بتوتر:ابشر
تركي:مخبي عني شي
راكان:لا شدعوه اخبي عنك
تركي:تمام ياحبيبي يلا تآمر على شي
راكان:ابد ياعين اخوك ابي سلامتك
خلص من المكالمه وقام وراح للهنوف بالمطبخ تسوي الفطور
تركي:الهنوف ترا بطلع الحين عندي اختبار واذا جيت اخذكم ونروح للبيت
الهنوف:تمام الله يوفقك واستودعك الله
طلع تركي وهو يحاول يدق على غيث الي له مده مايرد عليه وكمل طريقه للجامعه عشان عنده اخر اختبار بسنته الثانيه بالطب وقرر انه يمر بيت غيث بحكم انه قريب من الجامعه وباقي على اختباره ساعتين

عند وريد
قامت الصباح وهي تنظف مع امها والعامله البيت لان بيجون اهل خطيبة حمد وبتكون الملكه بالرياض بحكم شغل فيصل وبتكون ملكة عائلية كانت تنظف الصاله وحاطه السماعه باذنينه وتسمع لأبو نوره الاغنيه الي سمعتها بالسياره مع تركي حبت الاغنيه وصارت من افضل اغاني ابو نوره عندها

بباريس
جالس بالصاله والتفكير شاغله ليش سئله تركي اذا فيه شي مخبي عليه لف وشاف جمان توها نازله
جمان:راكان شرايك نطلع
راكان:اي صراحه احتاج طلعه
جمان:شف فيه مكان حلو اسمه ساحة الكونكورد بنهاية الشانزيليزيه
راكان:دام تقولين حلو متأكد انه حلو
جمان:يلا بروح البس ونطلع
راكان:تمام
راحت جمان لغرفتها ولبست بالطو بيج على هاينك اسود وكانت مسويه شعره ويفي ولابسه قبعه وكان شكله حلو بمعنى الكلمه وراكان كان لابس بالطو اسود على قميص ابيض لبس راكان وجلس بالصاله ينتظرها شوي ونزلت جمان وكانت جميله جداً انبهر راكان بجمالها ولف انظاره وهو يذكر الله عليها الف مرا ركبو السياره متجهين لساحه

عند تركي
وصل تركي لبيت غيث وهو يطق عليه الباب بس مايرد وبقى يطق لين فتح له غيث الباب وكان حاله جداً تعبانه كان حال يرثى لها كان واضح عليه الحزن والتعب والارهاق
تركي:غيث وينك ادق ماترد
غيث بصوت ماليه الحزن:موجود ياتركي
تركي:شفيك ياولد
غيث:تفضل
دخل تركي وهو يشوف كل شي حوله مبعثر اوراق قزاز كان حال البيت يوضح حال غيث دقت نجد وبدال مايقطعه رد بالغلط وكانت نجد على تسمع كل شي بينهم
تركي:غيث ممكن تقولي ايش فيك
غيث:تركي انا شسويت بحياتي عشان يصير لي كذا
تركي:وش صار لاتخوفني عليك
غيث بغضب وعدم استيعاب:تركي تخيل ان انا غلطة انا اعتبر غلطه
تركي بعدم فهم:وش غلطه غيث فهمني ايش صاير
غيث:تخيل ان ابوي يقولي انت غلطه امي تقولي انت غلطه متخيل كيف حياتي انت ماتعرف حياتي صدق بس انا عايش بدون اب وام وهم عايشين انا من عمري تسع سنوات وانا بين نارين وانا غلطه بالنسبه لهم طفل صغير شاف اشياء كثيره عانيت لما قويت نفسي وصرت مااحتاجهم رجعو يكسروني تخيل ابوي داق علي عشان يقولي تنازل عن كل شي لك لي تخيل ابو يقول لولده كذا والله حاولت اتحمل اقول والدينك اروح ازورهم القى منهم كلام يسم البدن انا تعبت ياتركي والله تعبت
تركي:غيث اخوي مدري شقول بالضبط لاكن احنا مانختار اهلنا انت كفو انك طلعت نفسك رجال يفتخرون فيك الي حولك واولهم انا انت اثبت للكل ان الشخص يقدر يربي نفسه مايحتاج احد انت تعتبر مثال لكل شخص اهلهم قاسين عليه تدري ايش اهم شي انه ماعصيتهم و انك ماقطعتهم تدري اني افتخر فيك افتخر انك رجال قام بنفسه رجال يمتلك اشياء كثيره مايمتلكونه اشخاص اكبر منه صدقني باللي قاعد تسويه ماراح تضر احد غير نفسك اهلك مراح يضرهم شي بالعكس خلك قوي واثبت لهم انك تقدر بدونهم
قام غيث وهو يحضن تركي ويقول له:تصدق اني محظوظ اني عرفتك محظوظ اني رزقت باخ لدنيتي والله كنت محتاج هالكلام واوعدك بكون قوي واثبت لهم مين يكون غيث
تركي:بعدي والله اي هذا غيث الي اعرفه عاد يلا امش بفطرك على حسابي وبعدها بروح لاختباري
غيث:بيوم ثاني الحين رح لاختبارك وانا بنظف مثل مانت شايف كيف
طلع تركي وكان كل الحوار الي صار بينهم سمعته نجد وبكت من الي صاير لغيث و كسر خاطرها وتدعي على اهله كيف يسون فيه كذا