حبها أقرب لقلبي من الوريد

البارت الثامن

بعد مارجع تركي وراكان لرياض ورجعو اهل ابو سند للخرج وبدت اول ايام الدراسه وبدا الجو يبرد اكثر
عند تركي وهو يلبس عشان يروح الجامعه ومايتاخر باول يوم له لبس وخلص وهو يشوف راكان الي مجهز الفطور وجاهز افطرو وهو يطلع تركي بسيارته وراكان بسيارته الي اشترها ابوه له عشان محد يتاخر على الثاني بالجامعه ووصل تركي للجامعه وهو يدخل او كلاس له وكان متوتر وخلص اليوم وهو يحس انه ارتاح شوي لان غيث بيساعده بالغه كثير وعند راكان الي كات متحمس لانه يحب القانون ويقراء عنه كثير  وخلص الكلاس وهو يرجع للبيت وبعد ماوصل للبيت وهو يشوف تركي الي منسدح بالصاله
راكان:بشر ياخوك كيف اول يوم معك
تركي:انقول الله يسرها كله انقليزي
راكان :ماعليك غيث بيساعدك
وعند وريد الي كانت متحمس وكانت بنفس جامعة جمان ووداهم متعب باول يوم لهم وشرا لهم قهوه وهي كانت تتمشى بممرات الجامعه ولحسن الحظ ان صاحبتها لتين معها وكانت مو متوتره ابد لان جمان فهمتها كل شي
ومر شهرين والحال عند تركي وراكان كانو مشغولين بالجامعه وتركي يرجع للبيت يراجع الي اخذ ويجي عنده غيث يذاكر له وعلى هالحال طول هالشهرين وعند جمان و وريد كانو مشغولين مثلهم بالدارسه لاكن متحمسين لمشروع متعب الي مابقى الى القليل ومتحمسين لزواج حمد الي بالاجازه
وبالديره عند الهنوف الي كانت تتجهز لزواجها الي خلوه يوم الجمعه الجاي وونجد الي كانت يم دراستها و عبدالرحمن الي بين المجلس والعزبه
جاء اليوم الي كان خايف منه تركي يوم الاختبارات وكان غيث اخذ اجازه من دوامه عشان تركي يذاكرله بالليل بشقة تركي كان بالمكتب يذاكر وكان راكان يذاكر بغرفته وغيث الي يسوي لهم قهوه ويرجع يذاكر لتركي وبعدين يكمل اشغاله بالايباد وطلع غيث لسيارته عشان يجيب اوراقه ورجع وشاف تركي يصلي الوتر وماكان تركي منتبه لغيث انه رجع وهو يصلي ويدعي بصوت ممكن ان غيث يسمعه وغيث جالس على الكنبه وهو يشوفه ويسمعه ويدعي تركي
ويقول(يارب وفقني لما تحبه وترضاه يارب يسر لي اختباري يارب اسعد عبدك غيث مثل مايسعدني ويسهل علي)
ابتسم غيث انه يدعيله
كمل دعاء وهو يقول بكل خشوع تحت سمع غيث
(اللهم اجعل قلبها نصيبي وبيتها سكني وحضنها وطني يارب ماقدر اتخلى عنها يارب تمنيتها كل ليله حبيبه وزوجة فيارب لاتحرمني من لقاها وشوفتها يارب)
سلم وهو يشوف غيث الي كان يناظر له
ابتسم غيث وهو يقول:جعل ربي يحقق لك الي تتمناه وجعل لقاك بحبيبة قلبك قريب
ضحك تركي وهو يقول امين
يوم الاختبار دخل تركي قاعة الاختبار وهو متوتر وبدا الاختبار وبدا تركي يحل
وعند راكان الي عطوه خبر ان فيه رحله لباريس عشان يحضرون جلسه وكان متوتر وان بيروح لمكان بعيد لحاله
وعند وريد الي كانت مبسوطه هي ولاتين انهم جابو فل مارك باول اختبار لهم والحين يختبرون الاختبار الثاني
وعند غيث الي كان بدوامه وهو ينتظر تركي يبشره
طلع تركي من الاختبار وهو مبتسم ويدق على غيث ويبشره ان الاختبار حلو
ومرت الايام وجاء يوم زواج الهنوف
كانت قاعده تتجهز هي وعلياء ونجد والعنود بالصالون وكان تركي ينتظرهم رجع تركي وراح راكان لهم لجل يرجعهم للبيت تركي كان معه غيث وهو يسلم على ابوه ويعرفه على غيث
عبدالرحمن :هذي الساعه المباركه يابوك والله يان تركي قطعك بالمدح
غيث:يبارك فيك ياعمي جعل عمرك طويل
قام تركي وهو يجهز الاغراض الناقصه ويوصل امه للقصر هي ومرت عمه وبعده راح ياخذ الهنوف للجهه الي فيها قسم العروس
الهنوف وهي ترص على يد تركي بدون لاتحس
تركي وهو يضحك:هدي هدي ياعيون اخوك
ووصلو ونزلت الهنوف وهي تجهز لجل ماتتاخر على الزفه وكان سند جاهز وواقف عند الرجال بجنب ابو وعمه وراكان وعبدالله وكان تركي واقف عند غيث دقت نجد على تركي
نجد:تركي تكفى تعال نسيت اغراضي بسيارتك
تركي: مو وقتك يانجد يلا يلا جايك
مشى تركي وهو يروح مع الجهه الثانيه بالسياره وطلعت نجد وهي كانت لابسه فستان ماسك لونه سماوي وكان شعرها الاسود مغطي ظهرها وكانت جمليه وعيونها الي تشابه عيون تركي بحدتها وجمالها ورموشها الكثيره وكان غيث ماشي للجهه الي كان واقف فيها تركي ونجد غيث وهو يناظر للبنت الي واقفه قدامه وكانت جميله وهي لمحت احد واقف ومشى تركي وهو يقول ادخلي لايشوفك احد
وغيث لازال واقف لفت نجد كانت بتدخل لاكن لفت من صار واضح لها وهو يشغل سيجارته وكان غيث جميل الملامح اول ماحست انه انتبه لها وهي تدخل بسرعه وهي تحاول تهدي نفسها لان اول مرا احد يشوفها وهي كذا وكانت خايفه من ذا الشخص الغريب
عند غيث الي كان منبهر من جمالها وقف ودخن وهو يكلم نفسه ماشاءالله جميله جمال مبهر  ضحك وهو يقول اسكت بس لاحد يسمعك وماتطلع من هالديره حي رجع عند الرجال وبدت العرضه وبدا تركي الي يعرض وجاء بجنبه راكان وعبدالله وانصدمو من غيث الي كان متقن للعرضه وكان يعرض قدامهم ويرددون وراء العرضه (نحمد الله جت على ماتمنى)
وكان سند مبسوط وهو يقول اي والله حمدالله
وعند الهنوف الي خلصت وكانت متوتره وكانت عندها العنود ونجد يخففون توترها بس نجد كان واضح عليها التوتر من الي شافها كان غريب بالنسبه لها

الزفه
خلصت الهنوف وهي ماسكه يد نجد وتنحنح تركي وهو يدخل عند خواته وامه دخل تركي واخوانه معه وهم يسلمون على الهنوف ويباركون لها راكان بضحك مبروك: ياهنيفه والله واخذك سند مننا
الهنوف بخجل:لاوالله محد ياخذني منكم اخواني انتم
ضحكو كلهم وهي تحاول ماتبكي وجاء ابوها وعمها وسند وطلعو كلهم ومابقى بالغرفه الي هي وسند
سند بابتسامه:حمدالله الي كتبك ربي من نصيبي وصرتي زوجتي ياه ياسعد حظي يالهنوف
ابتسمت الهنوف وهي ترص على يده وضحك وهو يضمها ويبوس راسها وقال يلا ونادى لام الهنوف تساعدها ولبست وطلعو وهي تركب السياره ومسك تركي يد سند وقال له:اسمع ياسند انت اخذ ضلع من ضلوعي لاتكسرها ولا تسوي شي يحزنها عشان ماتندم
ضحك سند وهو يضرب كتفه:ابد ولا يهمك الهنوف بعيوني
راحو للفندق وكل واحد راح لبيته ببيت ابو عبدالله كان عنده اخوه ابو سند وعندهم غيث وبدت سهرت البنات الي كان كلها باللي صار بالعرس والعيال الي نامو من التعب بس تركي وغيث الي راحو للعزبه عند ادهم
بالرياض عند جمان الي قاعده تخطط مع قروبهم الي بيكونو ماسكين الرحله لباريس وكانت متحمسه وقالو لها ان انتي بتكوني المسؤولة عنهم وتمشينهم بباريس قبل الجلسه ووافقت بكل حماس  ووريد الي كانت مبسوطه ان اول اختباراتها كلهم جابت فيهم درجات مرضيه
بالعزبه عند تركي الي شغل له نار هو وغيث وجلسو
غيث:ممكن اسالك
تركي:سم اسال
غيث:وينها هذي الي تدعي انها تكون من نصيبك
تركي بابتسامه:راحت ياغيث وقال لغيث السالفه كلها
غيث بابتسامه:تكفى للحين تحبها ومانسيتها
تركي: كيف انساها ياغيث وهي نبض هالقلب
غيث:الله يكتب اللقاء
تركي:تدري ياغيث ان القلب صعب والله وودي اصير جراح قلب لجل افهم هالقلب
غيث:وانت تقدر ياتركي وانا معك
تركي:انشاءالله
غيث:طيب عطانا ياتركي قصيده سمعت من راكان انك شاعر
ضحك تركي :وهو يقول مو شاعر شاعر هه يعني
غيث :اي بس يلا عطني
تركي وهو يلعب بسبحته اجل اسمعي جديدي
"راحت بعيد وانا احبها وابيها
انا اشهد بالله ان يوم فراقها هز بقلبي براكين
لو قلت بتصبر واحاول انساها مالقيت بنبرتي دليل
بعد فراقها وحالي كسيره ودي بشوفها ومسكة يديها
لاكن يقولون ان الوصل والديار بعيد
يارب اطلبك وارجيك تعجل بالقاء وتجبر قلبن يرجيك"
غيث وهو يصفق: اجل مو شاعر صح لسناك يارجال
تركي بضحك:لاتخليني اشوف حالي بس
غيث اجل اصبر مو بس انت عندك مواهب وهو يقوم ويروح لسيارته ويطلع منه العود
تركي :الله الله فيها عود اكيد صوتك حلو
غيث الحين تشوف وبداء يعزف غيث وتركي كان منبهر من عزفه الحلو المتقن وبدا يغني بصوته غيث مقطع من اغنية ابو نوره الله جابك وبدا يغني ويقول المقطع الي يوصف فيه حال تركي كثيرر
"من رحلتي والليالي السود تشرب من ضلوعي
من رحلتي كل حزن بهالفضاء يسكن دموعي
من رحلتي وانا يابس في ثيابي وكان ما عندي مكان
استبيحه غير بابي
من رحلتي وانا والليل ونجومه في عناد وفي عناد وفي عناد
من هو اللي ثار أول هو انا والا الزناد
من هو اللي غاب أول هو انا والا البعاد
من هو اللي سمع الثاني نحيبه
من هو اللي ضاع من سبة حبيبه
ومن هو اللي عن بكاه ضم جفنه وارتكاه
واحترق لهفه وآه من غيابك"
بعد ماخلص وهو يشوف تركي الي سرحان غيث وهو يهزه: ولد وين رحت
تركي بتنهيده :اه ياغيث جبتها على الجرح اي والله اه من غيابك اه
غيث وهو يضحك:بيكتب ربي لقى صدقني
تركي: يارب يارب
ورجعو للبيت قبل الفجر ورجعو ينامون نجد كانت جالسه بالحوش وهي تسمع صوت السياره وعرفت اني تركي رجع هو صاحبه وهي تدخل داخل وهي مانامت بسبب غيث الي وترها وبتعرف مين هذا