حبها أقرب لقلبي من الوريد

البارت العشرين

بباريس
نزل بعد ماخذ شور وشافها متمدده بالصاله ومندمجه على الفلم جلس قدامها وكان يتأملها انتبهت انه كان موجود وعدلت جلستها
جمان:شكراً على الورد
ابتسم راكان:رضيتي
ابتسمت جمان:شف راكان انت تدري مكانك ايش بقلبي بس مااحب احد يصرخ علي وخفت عليك
راكان:ادري ياروح راكان بس كان موضوع صاير بالديره عند الاهل وحمدالله كل الأمور تمام الحين
جمان:حمدالله كون دايم بخير ياراكان مابي اشوفك كذا انا اخذ قوتي من الله ثم منك
قام راكان وجلس جنبها وهو يمسك يدها توترت جمان اول مامسك يدها وهو يبتسم
راكان:وعد مني بكون بخير اذا شفت الابتسامه دايم على وجهك
بعدت يدينها جمان بتوتر :بكون دايم مبتسمه لو بعدت عن العبط الزايد ومشيت على اتفاقنا ان ناخذ وقت
ضحك وهو يسند ظهر على الكنب ويتابع معها الفلم

بالطريق لرياض
كانو مبسوطين مابين سوالف نجد واستفزازها لهنوف وبين شعر تركي وضحك وكانو مبسوطين مرا
تركي وهو يوقف عند المحطه:شتبون اجيب لكم من البقاله
نجد:تكفى بنزل معك تكفى
تركي:تبين تنزلين يالهنوف
الهنوف:لا
نجد:اي تبينا ننزل عشان يفضى لها الجو وتكلم حبيب القلب
الهنوف وهي ترمي عليها القاروره:اي انزلي يلا بسرعه
ضحك تركي وهو يتوجه للبقاله بعد ماعبى بانزين دخلو البقاله وبدو ياخذون مفرحات الطريق الي نعرفهم كلنا وبعدها رجعو للسياره وكملو طريقهم وبعد مسافه حس تركي ان السياره بدت يتغير صوتها
تركي:بنات تسمعون صوت غريب
نجد بخوف:اي وقف يمكن من السياره
الهنوف:الله يستر استودعتنا الله
نزل تركي واول مافتح كبوت السياره طلع دخان اسود واحترقت يده شافو نجد والهنوف الدخان وخافو ونزلو يشوفون تركي وشافو يده كيف كانت واضح الحرق فيها من الدخان
نجد بخوف على اخوها:تركي وش صار عطني يدك اشوف
تركي:مافيه شي بسيطه بسيطه
الهنوف:وين بسيطه عطني يدك اشوفها
مد يده وهي تحاول تنفخ عليها عشان يخف الالم لين يوصلون المستشفى
نجد:طيب شنسوي الحين
تركي:بكلم غيث يجي عشان اخذ سيارته ويجيب معه سطحه
دق على غيث وماكان منه اجابه كان جواله مغلق وقال لخواته ان جواله مغلق وجاء بباله حمد ودق عليه ووصله الرد
تركي:سلام حمد كيف الحال
حمد:يهلا بخير وين انت يارجال
تركي:والله بالطريق بس تعطلت علي السياره ومعي خواتي
حمد:وين انت فيه جايك الحين
تركي:برسل لك اللوكيشن
ارسل له اللوكيشن وهو ينزل فرشته وعزبته ويضحك ويقول لخواته:خيره عشان نتقهوى وناكل الشكولاتات الي اخذتهم نجد
ضحكو وبدو ينزلون معه الفرشه والعزبه ويضبط لهم قهوه وهم ينتظرون حمد

بالرياض
نزل حمد مستعجل وهو يبوس راس امه وكان ينتظر ابوه يجي بالجيب عشان يكفي لتركي وخواته بحكم ان سيارة حمد صغيره ماتكفيهم
وريد:اشفيك مستعجل وتدق على ابوي
حمد:تركي جاي بالطريق وتعطلت سيارتهم وبروح لهم
وريد:ليش من معه
حمد:خواته معه
وريد:بروح معك دام معه خواته
حمد:لا ماله داعي
وريد بعبط:حمد حبي تكفى والله طفشت من البيت
حمد:طيب يلا البسي قبل ابوي يجي
قامت وريد وهي مبسوطه انها بتشوف تركي ولا معه خواته يعني بتتعرف عليهم اكثر لبست وهي تنزل وطلعو هي وحمد على الطريق متوجهين لتركي وخواته.
بعد مسافه وصلو قام تركي وهو يشوف سيارة ابو حمد متوجه لهم بس استغرب من الي مع حمد وفز قلبه لانه اكيد انها وريد نزل حمد وجلست وريد بالسياره تناظر لهم سلم تركي على حمد وشهق حمد من شاف الحرق الي بيده
حمد:سلامات تعال اضمده لك معي مرهم
تركي:بسيطه ماتحتاج
حمد:وش ماتحتاج تعال بس
وقف تركي وراح حمد يجيب المرهم من سيارة ابوه الي فيها كل المستلزمات الطبيه بحكم ان ابوه حق صيد وكشتات وهذا وقتهم بالرياض دخل السياره وهو يحوس بغراض ابوه
وريد:وش تسوي
حمد:ادور المرهم تركي محترقه يده
وريد بخوف على تركي:قوي الحرق
حمد:يعني مو مرا
وريد:وين خواته
حمد:هناك روحي انزلي لهم عبال مانسوي السياره
وريد:تمام
نزلت وريد وهي متوجهه لخوات تركي تحت انظار تركي وكيف لابسه نقابها وكيف عيونها حلوين لف انظاره اول ماشاف حمد متوجه له وبدا يحط له مرهم وصلت وريد عند البنات وهي تسلم عليهم
نجد:يهلا بوريد كيف حالك
وريد:حمدالله بخير انتم اخباركم
الهنوف:يالله ياوريد كم صار ماشفنا الوجه الحلو
ابتسمت وريد:ياحبيبي انتي حمدالله الي جمعنا
نجد:دامنا بنصير جيران ابشري بالفعاليات
ضحكت وريد وهي ارتاحت لهم وقعدو يسولفون وتقول لهم عن الرياض وكيف اجواء الرياض وعن مزرعتهم الي بدا ابوها يرممها عشانهم
وعند حمد وتركي الي كانو منشغلين بالسياره بس تركي كان منشغل بعيونها وجمالهم وبالسياره يعني باله مو معه
حمد:تركي شكلها لازم ورشه
تركي:طيب وش السواه
حمد:شف انت خذ البنات ورح لرياض وانا ادق على سطحه تجي تاخذ السياره واروح معه
تركي:واختك
حمد:معك رجعها للبيت
تركي:ابشر يلا
راح للبنات وهو ينادي للهنوف
تركي:هنوف يلا بنروح على سيارة حمد
الهنوف:وريد معنا
تركي:اي يلا كلكم دخلو الأغراض بالسياره وتعالو
اخذ الأغراض ودخلهم بسيارة حمد وتوترت وريد كيف بتروح معه باقي على الرياض ١٠٥كيلو كيف بتكون معه بنفس المكان ركبو وركبت وريد وراء السواق والهنوف قدام ونجد وراء الهنوف وركب تركي بعد مااخذ الاغراض واعطى حمد المفتاح وشغل السياره ومشى نجد:تركي شغل لنا شي
تركي:وش تبين تسمعين
نجد:مدري خل نشوف الضيفه
وريد بصوت قصير:اي شي
نجد:يلا بلا حياء مين الفنان الي تحببن تسمعين له
وريد:ابو نوره
ابتسم تركي لانه هو بعد يحب ابو نوره وانبسط ان فيه شي مشترك بينهم وشغل اغنيه لابو نوره جرح الموده وبدو يسمعون الاغنيه ورفع على الصوت اكثر لما قال ابو نوره
"صابني بالعيون والحجاج الذبوحي
و أحمر المبسم اللي ما يعالج صوابه
منك روحي خطيرة يا حبيبي تروحي
الهوى يذبح العاشق وهو ما درابه
ليت عينك تشوف وليت مسمعك يوحي
يوم انادي ودمعي مثل وبل السحابه
اه من واهج اه بأقصى الضماير يفوحي
كل مااشرب عليه الماء يزيد التهابه"
توترت وريد وكنه افهمته فهمت وش قصده وكان ودها ان الخط ينطوي وتوصل للبيت بسرعه تسب حمد وتسب نفسها انها قالت بروح معك بعد ماخلصت الاغنيه وقف تركي يعبي بانزين وكان باقي قليل ويوصلون للبيت
تركي:تبون شي
نجد:ابي قهوه مصدعه تكفى
الهنوف:اي تكفى وانا
تركي:تمام وريد تبين شي
توترت وريد وهي تهز راسها بلا
نجد:يلا وريد اخلصي تبين قهوه ولا شاهي
وريد بحياء:شاهي
نجد:شكلك من محبين الشاهي مثل تركي
وريد هنا وده بس ان الارض تنشق وتبلعها من كثر التوتر الي حست فيه ضحك تركي وهو بصدره فرشات انها بعد تحب الشاهي مثله ونزل وجاب لهم قهوه ولها شاهي واعطهم وكمل طريق للبيت نزلت وريد وهي تودعهم تحت اناظر تركي الي ماشال عنها عيونه ابداً ونزل لبيتهم بس ماكان المفتاح معه دق على غيث ومايرد وقرر انه يروح يستاجر لان الوقت تاخر
نجد:انا قايله لك صاحبك غيث هذا يرفع الضغط
الهنوف:اقول اسكتي لا ادعي عليك تتزوجينه ترا مصدعه ودوني لبيتي
نجد:يهب ياوجهك انقلعي تركي ودها لحبيب قلبها لاتموت علينا وفكني منها مابقى الا المتكبر اتزوجه
ضحك تركي وهو يدق على سند عشان يرسل له اللوكيشن بينزل الهنوف عند زوجه وصل للبيت وهو ينزل يسلم على سند وحلف سند انه ينام عنده
تركي:لا ياولد بروح استاجر معي نجد
سند:حمار انت هذا بيت اختك يعني تنام هنا غصب
وافق تركي بعد اصرار من سند والهنوف دخلت الهنوف ونجد وكانت منبهره نجد من اختياراتهم للاثاث ودق تركي على حمد وقاله انه بالبيت وان سيارته بالورشه وبكرا يمره ويروحون للورشه ورجع يدق على غيث وماكان منه رد واستغرب وخاف عليه ونام وهو يفكر بوريد وعيونها وصوتها وكيف تستحي

عند وريد اول ماوصلت وهي تسلم على اهلها وتروح لغرفتها من كثر التوتر الي حسته اليوم يكفيها شهرين قدام وحست بحب لتركي قاعد يكبر كل مرا وتتاكد ان مشاعر تركي حقيقيه ومو حب مراهقه ونامت وهي تفكر فيه..