حبها أقرب لقلبي من الوريد

البارت التاسع

الصباح
كانت العنود ونجد بالمطبخ يساعدون نوريه بالفطور والعيال جالسين بالمجلس
تركي:يبه انا بعد شوي ماشي للرياض عندي شغل لازم اخلصه قبل الاحد
عبدالرحمن:طيب دام سند اعتذر عن الغداء وسافر
تركي :راكان بتروح معي
راكان وهو فيه النوم:لا بطلع مع عبدالله الدمام وبعدين ارجع لرياض
تركي:تمام اجل بنمشي انا وغيث
افطور وبعدها مشى عبدالرحمن وخالد للعزبه وعبدالله وراكان للدمام عشان يطلع له تأشيرة لباريس
وتركي الي سلم على امه وخواته ومشى هو وغيث لرياض
بالرياض ببيت ابو حمد
متعب:يمه دام توأمي بيسافر السبت الجاي بأجل الافتتاح لين تجي
هناء:على خير يامي
وريد:يمه تكفين ودي اروح مع جمان لباريس احب باريس تكفين
جمان:يابنت رحلة من الجامعه لو على حسابي اخذتك
وريد:اففف ليه مايسون لنا مثلكم
حمد:خلاص السنه الجايه تروحين
وريد:كل سنه كذا كلامك
متعب:اقول اجلسي بارياض افضل شي

بالطريق عند تركي وغيث
تركي:يالله مادري كيف بتكون الشقه بدون راكان
غيث: كم يوم بيجلس
تركي: ليته كم يوم احتمال اسبوعين او شهر
غيث بضحك: انا اجلس عندك لو اني مااخذ مكانه
تركي:افا والله كلكم عينين براس
ووصلو لرياض ورجع غيث لبيته وتركي نام
وعند عبدالله وراكان بعد ماوصلو ونامو راحو يكملون اوراق راكان وكان متحمس وبنفس الوقت خايف
مرت الايام وجاء يوم السبت الي بيسافر فيه راكان بعد ماجهز كل شي ركب مع تركي وغيث وهم يوصلونه للمطار ويودعونه
تركي وهو يضمه:انتبه لنفسك وحاكيني لاوصلت واستودعتك ربي
راكان:ابشر وانت انتبه لنفسك واذا طلعت النتائج حاكيني
وودع غيث وهو يوصيه على نفسه ومايخاف واذا احتاج شي يكلمه ودخل البوابه ورجعو تركي وغيث للشقه
اول مادخل شاف القروب حقهم مجتمعين ووقف عندهم
عند جمان ركبت مع وريد ومتعب بعد ماسلمت على امها وابوها وحمد وودعتهم  ووصلو المطار وهي تناظر للساعه
جمان:يوووه تاخرت وانا الي بشرف على جوزاتهم
وريد:لاتتوترين يمديك تلحقين
سلمت عليهم وهم يوصونها واذا صار لها شي تعلمهم وتوجهت للبوابه وهي تركض لهم
لف انظاره راكان للبيت الي جايه تركض وهو يضحك من شكلها لفت له وعطته نظره انه خير تضحك عقد حواجبه وهو يحاول يتذكرها وهي ماعطته بال وبدت تجمع جوازتهم
ووقفت عنده وهي تبتسم:ممكن جوازك استاذ راكان
راكان وهو يبتسم:تفضلي استاذه
ابتسمت وهي تقول :جمان
راحت وهي تقول بنفسها: يالصدف يدرس قانون ومعي بنفس الرحله وبعد ليكون بجنب المقعد وش نستنتج من ذا وضحكت وهي تعطي للدكتور الجوازات
ركبو الطياره وهو يتذكر كل شي قاله له عبدالله كيف يلقى مقعده وكل شي يسويه بالطياره لانه اول مرا يركب الطياره مشى ولقى مقعده الي كان بجنب الدريشه جلس وهو يحاول مايتوتر
جت جمان وهي تشوف ان مقعدها بجنب مقعده وهي تضحك وتجلس لف لها مستغرب انها تضحك
راكان:لا الصدف تجمعنا كثير
جمان:صدف جميله انشاءالله
راكان بابتسامه:انشاءالله
اعلنو عن الاقلاع اخذ نفس وهو يربط حزامه لفت له من شافته مشبك يدينه ببعض
جمان بهدوء:راكان
راكان:سمي
جمان: تخاف من المرتفعات
راكان وهو يغمض عيونه:اذا استقرينا خبريني
ضحكت وهي تتامل ملامحه كانت فعلاً منبهره من جماله ومن اخلاقه ضحكت وهي تعدل جلستها وهي تقول :استاذ راكان تقدر تفتح استقرينا بالجو
ضحك وهو يفتح عيونه بدون لايقول لها شي لف يناظر لها وهي كانت مندمجه مع الفلم الي تشاهده بالايباد كان يناظر لعيونها وحواجبها وغمازاته الي واضحه بقوه لف وجهه وهو يتعوذ من الشيطان سكر عيونه عشان مايناظر لها ويغض البصر عنها
وصلو مطار دبي ونزلو وقالو لهم ان بنجلس يوم هنا تقدرو تروحون اي مكان وبكرا الساعه٩:١٥الصباح الطياره لباريس كل واحد راح لغرفته الي كانو مرتبين لها دخل وهو يرمي نفسه على السرير دق على تركي وهو يقوله انه وصل لدبي وبكرا رحلتهم لباريس ولا قاله بخصوص جمان شي قام وهو يدخل الحمام الله يكرمكم عشان يتسبح ويصحصح خلص وهو كان لابس شورت سماوي وقميص ابيض ومشط شعره كله على وراء وكان شكله حلو وعند جمان بعد ماخلصت وهي تسوي شعرها وتلبس وودها تتمشى وهي تتذكر ان من بداية رحلتهم ماتكلم مع احد من الموجودين بالرحله واستنتجت ان مايعرفهم وهي ماكان احد من صحباتها معها راحت تدق على وريد تستشيرها تاخذه معه او لا دقت على وريد
جمان:الو وريد وصلت دبي حمدالله اذا عندك احد قومي بسرعه بكلمك ولا توضحين لهم انه انا بسرعه
وريد قامت وهي تقول اي لتين وش صار دخلت الغرفه وهي تقول:يمه جمان فيك شي تكلمي
جمان:لا مافيني شي بس بشاورك بشي
وريد بعبط:وش عسى خير
جمان:تذكرين راكان الحلو الي قلت لك عنه اني اخذت جواله اكلم متعب يوم رحت لزهره ببيتها
وريد:الي كنتي ميته على عيونه وعلى ابتسامته
جمان بضحك:اسمعي تكفين تدرين انه معي بالرحله يدرس قانون
وريد بصدمه:كذابه معك معك بالرحله
جمان:والله يابنت معي والصدمه الكبيره انه عرفني وكان مقعده جنب مقعدي
وريد بضحك وصدمه:يمه ايش ذا الصدف تكفين
جمان :مدري مدري انا شفته خفت بس اسمعي تخيلي انه مايعرف احد من الموجودين وكلهم طلعو مع بعض يتمشون بدبي وانا تعرفين صحباتي ماجو معي
وريد:اي افهم من كلامك بتروحين تطلعين معه
ضحكت جمان:يافاهمني صح عليك
شوي وطق الباب جمان وهي تكلم وريد وتضحك دقايق بنتي بس بشوف مين وكان الي يطق الباب راكان بيسالها اذا بتطلع معها فتحت الباب وهي كانت لابسه شورت وبلووزه  قصيره فتحت الباب وهو انصدم من شوفتها كذا وهي سكرت الباب بصدمه وهي تشهق وريد:بنت جمان اسم الله شفيك
جمان وهي ترجف:مافيه شي اكلمك شوي
سكرت من وريد وراكان الي انصدم وكان واقف عند الباب وماتحرك من الصدمه ومن جمالها كانت لابسه شورت اسود وبلوزه قصيره بنفس اللون وكان جسمها جميل وشعرها سكتت وهي تشوفه من الفتحه الصغيره اذا كان موجود وفعلاً كان موجود ماتحرك اخذت نفس وهي تلبس وتطلع له
جمان:نعم ياراكان بغيت شي
راكان بعصبيه:فيه احد يفتح الباب بدون لايقول مين
جمان بخوف بس ماتبينه له:مو انت الي تعلمني ايش اسوي تفضل بغيت شي
ناظر لها نظره هزتها كلها وهو يروح عنها وهي تدخل وتنسدح وتضرب راسها اه منك ياجمان وش سويتي
دخل غرفته وهو يتنهد ومايدري ليش عصب عليه بس كان يقول لو شافها واحد مايخاف ربه ودخل عليها وسكت وهو ينسدح
عند تركي وهو يدور بالرياض بالسياره بعد ماقال له غيث انه مشغول ومايقدر يجي جلس يدور وهو يشد انتباهه الكفي الي اعجبه شكله الخارجي راح للرجال الي واقف
تركي:سلام
لف له حمد:وعليكم السلام سم اخوي
عقد حواجبه وهو يقول اعرفه ذا والله اعرفه ولا تغيرت ملامحه بس طلع له شنب ولحيه ولا كما كان حمد الي يعرفه
حمد:اخوي تبي شي
تركي:حمد فيصل  انت
حمد باستغراب:اي ياحبيبي حمد فيصل من انت
تركي وهو يضحك:معك تركي بن عبدالرحمن
حمد:دقيقه تركي من ديرة السعد صح ولا غلطان
تركي :اي اي وصلت خير
سلم عليه وهو يضمه وكان تركي مبسوط واخيراً لقيت اثر لهم
حمد :اجلس يارجال كبرت والله وش جابك بالرياض مو ابوك مايحبها
تركي بابتسامه:اي مايحبها بس انا احبها وجيت احقق حلمي فيها
حمد:ووش حلمك
تركي:ادرس طب طال عمرك وباقي القليل واصير دكتور
ابتسم حمد وهو يقول :الله يوفقك امش معي تقهوى بينبسط ابوي اذا شافك
تركي وهو منحرج:ماتقصر يابوي الجايات اكثر بس عندي شغل وانشاءالله المره الجايه
حمد: دام عندك شغل عاذرك بس ترا ان ماجيت ابوي بيزعل عليك
تركي:ابد على خشمي ولا نرضى بزعل ابو حمد
مشى تركي وهو كان طاير من الفرحه انه لقى احد منهم واخذ رقم حمد ركب سيارته. وهو مبسووط لابعد حد.