ماض وانتهي

١١

عند حسام

حسام  : اتفضل ي حمزه

حمزه : شكرا  ي عمي

و دخل حمزه و لين عند حسام

علي السفره

حسام : ازيك ي حمزه عامل ايه ي حبيبي و والدك اخباره ايه

حمزه : الحمد لله بخير ي عمي

حسام بفتور : انتي عامله ايه ي لين دلوقتي

لين باختصار : الحمد لله

و انتهي الكلام بينهم علي كده ، لاحظ حمزه برود العلاقه بين لين و بباها و مامتها ، و كان مستغرب ان لين مش بتتكلم معاهم زي مابتتكلم مع بباه و آمن

آمن لاحظ نظرات حمزه المستغربه و شاور له بمعني
هبقي افهمك بعدين

بعد ما خلصوا ، راحت لين تظبط الاكل مع مروه و حسام قعد في الصالون ، اتبقي حمزه و آمن

حمزه : مش هتفهمني ايه ال بيحصل ده
لين من ساعه ما عرفت ان احنا جايين و هي مش
علي بعضها .. والمعامله الغريبه بينهم دي انا معنتش فاهم حاجه

آمن: الصراحه هما العلاقه بينهم غريبه حتي انا مش فاهمها ... لين الأفضل تحكيلك لان انا فعلا مش عارف

حمزه : انا مش فاهم هما كده من زمان

آمن بتنهيده حزن : انا من زمان و انا طفل وانا بشوف العلاقه بينهم فيها فتور غريب... هما اكيد مش بيكرهو لين بس في سر ورا الحكايه و سر كبير كمان
لين كانت علي طول ماما بتبعدها عننا
يعني مش بتاكل معانا و لا تقعد معانا غير و هما بيتخنقوا .. علشان كده لين فضلت تقعد في اوضتها لوحدها  رغم أنها بتكره الوحده  و بتخبي كل ده ورا الابتسامه و الضحك 

حمزه حس بالشفقه علي لين
حمزه : بس ايه ال ممكن يخليهم يعملو كده ي آمن

آمن بشرود : والله ماعرف بس قريب .. قريب اوي

لين بضحك : انتو بتخططوا لايه انتوا الاتنين كده
و هو ايه ال قريب ي استاذ آمن

آمن بابتسامه حزن : لين حبيبتي انتي جيتي امتي

لين بشك : ممم مش مرتاحه لكوا انتو ال اتنين

حمزه : ايه ي بنتي هو احنا عملنا حاجه دا احنا قاعدين لا بينا ولا علينا اهو

لين بابتسامه : هحاول أصدق

_________________________________________

عند مي في المستشفي

الدكتور : اتفضل حضرتك المدام فاقت

ريم : هي..

مالك بسرعه : تمام شكرا حضرتك ، يلا ي ريم

ريم باستغراب: انت مقلتش له ليه انها مش مراتك

مالك : يلا ي ريم احنا ف ايه ولا ف ايه  

عند مي في الاوضه

مي كانت نايمه بتعب و بتفتح عنيها براحه

ريم بابتسامه : حمد لله علي السلامه ي قلبي انتي عامله ايه دلوقتي

مي بتعب : الحمد لله انا كويسه

مالك : حمد لله علي السلامه ي انسه مي قلقتيني
....اقصد قلقتينا عليكي

مي بخجل : انا اسفه ي جماعه تعبتكم معايا

ريم : انتي متعرفيش احنا قلقنا عليكي قد ايه

مي ابتسمت لها بخجل : شكرا.. بجد انا مش عارفه اشكركم علي تعبكم معايا ازاي

ريم : احنا اخوات و مش هقولك كده تاني متزعليش منك

قاطع كلامهم رن تليفون ريم

ريم : الو السلام عليكم  ازيك ي لين

لين : مال صوتك ي بنتي فيكي ايه

ريم بهدوء : انا في المستشفي

لين بخوف : ايه في المستشفي  !!!
مالك ي ريم انتي كويسه

ريم : انا الحمد لله مي تعبت شويه و انا جيت معاها

لين : طب استني انا جايه حالا

_________________________________________

عند لين

آمن بقلق : ريم مالها ... اقصد ايه ال حصل ي لين

لين بضحك : ايه ي ابني انشف كده

آمن: هو ده وقته ي لين

حمزه : في ايه ي لين

لين : مي صاحبه ريم في المستشفي.... وانا عاوزه اروح لها ي حمزه

حمزه : اكيد بس انا جاي معاكي مش هينفع تروحي لوحدك

آمن: ايوه انا جاي انا كمان

لين بضحك : اتهد بقا ي بني ... يلا بينا

_________________________________________

في المستشفي

لين : ريم هي فين مي هي بخير دلوقتي

ريم : الحمد لله ... اتفضلوا ي جماعه

آمن بتوهان : شكرا

حمزه ضرب آمن بخفه في رجله و قال : انشف يلا كده

لين : الف سلامه عليكي ي مي

مي : شكرا ي لين مكنش له لزوم تتعبي نفسك

لين : ايه ي بنتي احنا أصحاب ي بنتي
_____________________________
بعد فتره روحت لين وأمن و حمزه البيت

حمزه : سلام ي آمن احنا مضطرين نمشي المره الجايه تبقا عندنا

امن: ان شاء الله

لين : سلام ي اموني

آمن: متقوليش ليا الاسم ده قولتلك

لين بضحك : ماشي ي اموني

آمن: غوري ي بت من وشي حالا

_________________________________________

عند اسيل

شهاب : ايه ي قلبي مش هتيجي

اسيل : انا جايه اهو بس اقنع بابا

شهاب : مستنيكي ي قلبي ...