ماض وانتهي

١٣

عند لين و حمزه

لين : مش هتنام ي حمزه

حمزه : لا معايا ورق مهم للشغل بخلصه و هاجي

لين : اعملك حاجه تشربها

حمزه : قهوه مظبوطة

لين : حاضر

راحت لين تعمل القهوه و رجعت ل حمزه و لسه بتحطها علي المكتب وقعت غصب عنها

حمزه بغضب و صراخ  : ايه ال انت عملتيه دا

لين بخوف : ا اناا ..

حمزه بصراخ : اطلعي بره ي لين

لين : استني انا هنضفها ..

حمزه بغضب : بره ي لين علشان انا ماسك نفسي بالعافيه

خرجت لين و قعدت في البلكونه و الجو كان بيمطر
كانت لين بتعيط في البلكونه لغايت ما نامت

الصبح
خرج حمزه يدور علي لين  ملقهاش في الشقه ...

_________________________________________

عند مي

ريم حضنت مي و بتهديها

ريم : مالك ي مي اهدي فيكي ايه

مي بشرود و عياط : هيقتلني ... هيقتلني

ريم : متخفيش ي مي احنا معاكي ... هو مين ده ال هيقتلك

مي كانت منهاره و متقولش غير .. هيقتلني ..

ريم اتصلت بمالك

ريم : الو الحقني ي مالك

مالك بخوف : ايه ي ريم في ايه

ريم : مي صحيت من النوم منهاره من العياط و انا مش عارفه مالها ... الحقني بالله عليك

مالك لبس بسرعه و نزل هو و سمر و فهمي
دخلوا عند ريم ... كانت حاضنه مي و هي بتعيط و منهاره

مالك : ايه ال حصل ي ريم

ريم : انا كنت نايمه و سمعت صوتها بتزعق مع حد
رحت الاوضه لقيتها بالشكل ده و عماله تقول هيقتلني

مالك : هو مين

ريم : والله ماعرف

راحت سمر لمي و اخديتها في حضنها و قرأت عليها قرأن لغايت ما هديت و نامت

ريم : شكلها كانت بتتكلم في التليفون

مالك : بس مين ال بيهددها ده .... والله ماهسيبه

سمر : اما تهدي الصبح انشاء الله هنعرف كل حاجه

_________________________________________

عند اسيل

شهاب : اتفضلي ي اسيل ده البيت نور

اسيل بتوتر : هو احنا كده مش بنعمل حاجه غلط

شهاب بخبث : ي بت انتي مراتي .. انا قلت هتجوزك ولا انتي مش واثقه

اسيل بسرعه : لا طبعا واثقه فيك ي قلبي

شهاب بخبث : طب ايه مش يلا بقا

اسيل بتوتر : ها .. ي ..يلا

بعد فتره
تليفون اسيل كان عمال يرن بس شهاب قفله قبل اسيل متاخد بالها

اسيل : انا حاسه ان انا بخون ثقه بابا كده 

شهاب : دا وقته ي اسيل خلينا ف الجو الرومانسي بتاعنا ده

اسيل : حاضر ي قلبي .... و كملوا

_________________________________________

عند منال

عاصي : امال اسيل مش بترد عليا ليه ي منال

منال بعدم اهتمام: هتلاقيها مع اصحابها و مشغوله

عاصي : يعني ايه هي متعوده علي كده

منال : انت هتحقق معايا هي حره

عاصي : ربنا يهديكي انتي وبنتك ... بس اما تجيلي

منال : انت واجع دماغك ليه ي عاصي .. زمانها جايه

عاصي: اما نشوف اخرتها معاكي

_________________________________________

عند لين و حمزه

حمزه دور علي لين لقاها نايمه في البلكونه .. حاول يصحيها

حمزه : لين ..لين

لين : امممم

حمزه : لين قومي

لين بنوم : اممم

لاحظ حمزه ان هدوم لين متغرقه مايه

حمزه شال لين و دخلها الحمام و حط مايه علي وشها

لين بفزع : في ايه ايه ده انا فين

حمزه : انتي نمتي في البلكونه و هدومك كلها مايه
من المطر

لين بعطس : انا شكلي نسيت و نمت

حمزه : يلا غيري علشان متتعبيش
وانا ماشي علي الشغل

لين : تمام
دخلت لين غيرت و راح حمزه علي الشغل

بعد فتره

عبد العزيز: رايحه فين ي لين

لين بتعب : راحه ل حمزه

عبد العزيز باستغراب: راحه لحمزه الشغل ... وانتي تعبانه كده

لين بتعب : انا كويسه الحمد لله ي عمو

عبد العزيز: خلي عم سيد يوصلك ي بنتي

لين : حاضر ي عمو

راحت لين لحمزه الشغل
_________________________________________

عند حمزه

العسكري : في وحده بره ي باشا ندخلها

حمزه : مين دي

العسكري: مش عارف بتقول انها عاوزه سيادتك

حمزه : دخلها

دخلت لين و كان باين عليها التعب

حمزه : لين !

لين : انت مشيت منغير فطار و انا جبت لك اكل معايا

ولسه بتقرب من حمزه حست بدوخه و كانت هتقع
حمزه قام بسرعه و لحقها

حمزه : انتي كويسه ي لين

لين بتعب : ا ايوه ااانا ك..
و مكملتش كلام و اغمي عليها ...