عند الجده
الجده : اممم هي دي بقا العروسه
حمزه : احمم نسيت اعرفك ي تيتا .. دي لين مراتي
لين : ازاي حضرتك ي تيتا
صفاء : بخير ...
سكتت لين ف رد صفاء كان بارد معاها
حمزه: حققت أمنيتك اهو و اتجوزت
صفاء: ايوه ... بس شوفتها فين ي واد ..دي شبه رغد بالظبط
حمزه : ما دي بنت خالي حسام ي تيتا
صفاء بنبره غريبه و نظرات أغرب: ايه بنت حسام ..
حمزه بستغراب: ايوه ي تيتا في حاجه
صفاء : لا ي حبيبي خد مراتك و ارتاح الطريق اكيد كان طويل
حمزه : تمام
طلع حمزه و لين الاوضه
لين : حمزه هو انت اخدت بالك ان جدتك وشها قلب ميه و تمانين درجه اول ما عرفه أن انا بنت حسام
حمزه : اخدت بالي ... بس مش فاهم برضو ليه
لين بحزن : مش فارقه ... عددهم زاد واحد
حمزه : والله تيتا طيبه بس هي مش متعوده عليكي
لين : ممم .. ممكن
_________________________________________
عند مي
كانت مي بتفكر في كلام مالك...
هو فعلا مالك شاب كويس بس هي متعرفش عنه أي حاجه... بس هو انقذها ....
كانت مي مشاعرها ملخبطه
قررت تصلي استخاره و تتوكل علي الله ..
وقالت في نفسها " لعل الله يحدث بعد ذلك أمرا "
________________________________عند مالك
مالك: بابا انا عاوز اقولك علي موضوع كده
فهمي : اتكلم ي مالك انا سامعك ي بني
مالك : احمم انا قررت اتجوز
فهمي : تتجوز مره واحده كده
مالك: انت عارف ي بابا انا هتجوز علي طول و انتوا تعرفوا العروسه كمان
فهمي : مي ؟
مالك: ايوه بس لسه معرفش رأيها
فهمي : بس انتوا متعرفتوش علي بعض... ي بني علي طول كده
مالك : هنتعرف بعد الجواز ...
فهمي : ربنا يقدم ال فيه الخير ي بني
مالك بضحك : لسه بقا اما نشوف سموره رأيها ايه
سمر و هي جايبه لهم القهوه
سمر : في ايه بقا ي استاذ مالك .. طبعا ما هو انا اخر من يعلم
مالك : والله يست الكل انتي الأصل
فهمي : بقا كده ..ماشي ي كلب
سمر : قول بقا ي مالك هتعمل ايه ي بني
مالك : هتجوز
سمر بفرحه : ايه .. بجد ي مالك ولا بتهزر .. قول والله ي ابني
مالك : بس هي توافق الأول ي سموره .. دعواتك بقا
سمر : اكيد هتوافق ي قلبي ان شاء الله و افرح بيك و اشوفك عريس كده
مالك : انتي متحمسه اكتر مني ي سموره
سمر : امال ي واد مش ابني
حضنها مالك و بأس اديها و قال : ربنا يحفظك ليا ي ست الكل
فهمي: وانا مش هينوبني من الحب جانب
مالك : دا انت الحته الشمال ي حج
فهمي : بكاش ي واد
_________________________________________
عند لين
كانت لين قاعده بتتفرج علي بره من الشباك و هي سرحانه
حمزه : مالك ي لين انتي مضيقه
لين بابتسامه : لا ي حمزه ما انا كويسه اهو
حمزه : طب تعالي ننزل شويه
لين : ي .. يلا
تحت عند الجده
حمزه : ايه ي تيته عامله ايه ي صفصف
صفاء : زي الفل ي بني ... تعالي ي لين قربي
راحت لها لين
صفاء بحنيه : خلي بالك من حمزه ي لين ... ده ابن ابني الوحيد واغلي واحد علي قلبي .... هو عصبي و غبي شويه بس قلبه طيب و هيصونك
لين بابتسامه : عارفه والله ي تيتا
حمزه : امممم يعني انتوا بتتفقوا عليا .. كده ي صفصف
صفاء : بس ي واد ... مش ناوي تتجدعن كده و تجيب ليا حفيد افرح بي
لين اتكسفت اوي و سكتت
حمزه بخث : دعواتك معانا بقا
صفاء : نفسي افرح بولادك كده قبل ما اموت ي بني
حمزه : ربنا يديكي الصحه ي تيتا و تفرحي بي كمان
لين : ربنا يحفظك ي تيتا
صفاء : ربنا ما يحرمني منكم ابدا ... و يحفظكم لبعض
لين بمرح : بعد جو المشاعر الفياضه ده .. تحبو تشربوا شاي بالنعناع
بس ايه لازم تدوقي ي تيتا دا غير اي شاي جربتيه فحياتك
صفاء بضحك : مممم نجرب
حمزه : انا خايف عليكي
لين : نعم
حمزه : اقصد خايف عليكي تدمني الشاي بتاعها اصله تحفه
لين : كنت بحسب
صفاء : يلا انت و هي هو انا قاعده مع أطفال
لين : هو ال بدأ ي تيتا .... بارد
حمزه : مستفزه
_________________________________________
عند اسيل
عاصي كان بيخبط علي الباب .. بس اسيل مكنتش بتفتح الباب و ......
أنت تقرأ
ماض وانتهي
Romanceحبيبتي لِما تبكين علي ذنب ليس ذنبك و تحملين من الاحزان اوزاناً .. انا هنا لأجلك سابدل حزنك فرحا و نلقي من الأفراح اكواماً. روايه باللهجه المصريه
