ماض وانتهي

المواجهة ٢٩

عند اسيل ....

جري عاصي علي الدكتور بلهفه و قال

عاصي : طمني ي دكتور..

الدكتور : احنا عملنا ال علينا .. بس ادعيلها ال٢٤ ساعه الجايين دول يعدو علي خير ...

عاصي  : اقدر ادخل لها

الدكتور: حاليا لا بس اما ننقلها اوضه عاديه تقدر ..

عاصي شكر الدكتور و رجع مكانه تاني يدعي انها تفوق علي خير

عاصي : ي رب .. يرب نجيها ليا ي رب و متحرمنيش منها ..

_________________________________________

عند حمزه و لين

جه آمن و حسام و مروه ل لين

حمزه : اتفضل ي عمي

حسام : شكرا ي حمزه ... لين كويسه ..

مروه : هي فين ي بني

حمزه : جوه اتفضلوا

دخلو كلهم ل لين

لين كانت ساكته و مش بتبص لهم خالص

مروه : لين .. انا اسفه ي لين ... سامحيني .. ي قلبي والله غصب عني

حسام : لين .. احنا اسفين ي لين ... سامحيني ي بنتي

لين كانت بصه الناحيه التانيه و مش بترد

مروه بدموع: هي مش بترد عليا ليه ي حمزه 

حمزه : انا اسف ي طنط بس .. يعني حضرتك مقدره
إل هي بتمر بيه

قرب آمن من لين و قال : لين بصي ليا ي لين اجوكي
انا اسف سامحيني ...

لين لا رد

آمن:  اعملي ال انت عاوزاه  عيطي و زعقي و طلعي ال جواكي.. بس متسكتيش ي لين .. سكوتك بيوجعني اوي..

لين بصت له و ف عيونها دموع مكتومه و قالت بصوت ضعيف : ليه .. ليه اتخليت عني ف الوقت ده .. ليه

آمن: والله غصب عني الموضوع مكنش سهل عليا بس والله انا عارف انك مش السبب ده قضاء ربنا ...
انا اسف ي لين عاتبيني زي ما انتي عاوزه بس متبعديش عني و تسكتي ..

وحضن لين

قربت مروه من لين و قالت بدموع : انا عارفه ان صعب عليكي انك تسامحيني .. بس قدري موقفي.. انا كل مره كنت بشوفك كنت بفتكر كل حاجه .. ال حصل كان صعب عليا ... انتي هتقدر موقفي لما تبقي ام و تحسي بابنك .. لو بس اي حاجه حصلت له تحسي ان قلبك خرج من مكانه ...  ما بالك بقا بال انا شفته

حسام : لاسف مش هيعوضك عن سنين عمرك ال ضاعت و لا هيعوضك عن الحنان ال انتي فقدتي ولا عن أي حاجه ...  احنا دمرنا حياتك .. بس اوعدك هعوضك عن كل حاجه ... انا اسف ي بنتي..سامحيني

لين كانت بس بتعيط و مش بتقول ايه حاجه خالص
و بصت لحمزه .. ال كان واقف بصمت

حمزه مسك ايد لين وقال لها
: انتي ف ايدك تصلحي كل حاجه .. انا مش هضغط عليكي ... لو اي حد ف مكانك كان هياخد وقت و يزعل بس... دي الحياه لازم نقوم و نكمل ..قبل ما نخسر الناس ال بنحبهم للأبد..

عرفت لين انه بيتكلم عن والدته المتوفيه
وحست بالحزن فعلا ...
هل هتقدر  تتقبل الوضع ولا ايه ..
هل هي الجاني ولا المجني عليه ..
بس  .. هي محستش بالوالدتها حست بيه .. فعلا انك تفقد حد من أولادك دي فكره حتي صعب انك تتخيلها
هي لازم متبقاش انانيه و تفكر ف نفسها بس ..
لازم تقدر موقف ال حوليها و تحط نفسها مكانهم ..

لين بدموع : انا مسمحاكم

وسط صدمه الكل ب كلام لين ...

_________________________________________

عند عاصي .. في المستشفي

في اوضه اسيل

عاصي كان قاعد جمب اسيل علي كرسي و ماسك اديها

عاصي : ليه عملتي كده .. ليه غلطي ف حق ربنا و ف حقي الغلط ده .. ليه

بس انا ال غلطان .. انا ال سبتك منغير ما اسأل عليكي
انا كنت ماكينه فلوس بس ف حياتك ...
محسستكيش ان انا اب و اننا اهتم بيكي و اكلمك ..
كنت فاكر ان الفلوس بتعمل كل حاجه ...
انا استحق كل ال حصل ليا
بس قومي و انا هاعوضك عن سنين الحرمان...
متسبنيش لوحدي ..

حس عاصي ان اسيل بتحرك صوابعها و بدأت تفتح براحه

عاصي نادي للدكتور

عاصي : دي بتتحرك ي دكتور

الدكتور: الحمد لله هي عدت مرحه الخطر و هتفوق
ان شاء الله ... بس حاول تبعد عنها أي ضغط منعا للمضاعفات

راح عاصي ل اسيل ال بدأت تفوق و قعد جمبها

عاصي : فوقي ي اسيل .. انا جمبك و مش هسيبك ابدا

اسيل بوهن : ..ب..بابا ..

عاصي : متتعبيش نفسك ي اسيل .. ارتاحي

اسيل بضعف : انا اسفه .. انا السبب

عاصي : هسس .. متتكلميش ف الموضوع ده تاني ..
ده موضوع و انتهي ...
واكمل بتنهد : قربي من ربنا ي بنتي .. واستغفري علي الذنب ال انتي ارتكبتيه ف حق نفسك ..
و هو هيهديك و يصلح حالك .. ويقدم ال فيه الخير

اسيل : أقرب من ربنا .. ازاي بس .. وانا ارتكبت ذنب زي ده ... انا مفقتش غير بعد ما ضيعت نفسي و ضيعت كل حاجه ...
كان نفسي اكون زي البنات ال بره عندي الحريه المطلقه 

-الحريه ف اللبس البس ال انا عاوزاه و اشتري فساتين عريانه .. مهمنيش نظرات الناس المحرمه ليا .. مصنتش جسمي ال ربنا أمرني استره ..

_ الحريه ف التعامل مع الشباب .. اكلم شباب و نهزر
اسهر معاهم ... اصاحبهم ... حتي وصلت بيا ارتبط بيهم كمان منغير اي صفه

_ حتي حريه التفكير... انا كنت فاكره لو انا عشت زيهم و عملت زيهم هبقا مبسوطه ... بس طلع العكس
انا مش مبسوطه .. ومش راضيه عن نفسي ..
انا ضيعت كل حاجه حلوه ف حياتي...

عاصي : ربنا بيغير كل الذنوب ي بنتي ...
هو ال هيصلح حالك و هيفرحك و هو ال هيعوضك
خلي عندك امل و ثقه ف ربنا ..
وكل ال حصل ده .. كان ماضي و انتهي ..
و ربنا قال ..
                   بسم الله الرحمن الرحيم

قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ
                 صدق الله العظيم