ماض وانتهي

١٨

عند لين و حمزه

حمزه: لين

لين : نعم

حمزه: يارا جايه انهارده تقعد معانا شويه و بعدين نبقا نروح عند جدتي

لين بغيره : هي هتقعد كتير

حمزه : ممم معرفش لسه

لين بغيره :  اها تمام ..... تشرف ...

بعد شويه جت يارا البيت

يارا : ازيكوا وحشتووني اوييي

عبد العزيز: ازيك يا يارا

يارا جريت عليه : ازيك ي زيزووو و حشتني

لين ف نفسها : زيزو ... لا دي واخده علي اوي

يارا راحت ل حمزه و حضنته كمان و قالت : وحشتني ي باشا .... معنتش بتسأل ي زوز

لين في نفسها بغضب : لا كده كتير ..كتير اوي

راحت  يارا ناحيه لين و قالت : ازيك ...مم لين صح

لين : ايوه

يارا : ازيك ي لين ... انا يارا

لين : اتشرفنا ... ي يارا

حمزه : احمم ي جماعه هنفضل واقفين كده

يارا : انت بتعزم عليا يعني

حمزه : لا طبعا البيت بيتك

ودخلو جوه البيت في الصالون

لين : تشربوا ايه ي جماعه

يارا : متتعبيش نفسك ملوش لزوم

لين : لا طبعا ازاي ... تشربوا شاي بالنعناع

يارا : خلاص تمام

و راحت لين و هي بتحاول تمسك نفسها..هي حسه بالشعور ده لأول مره في حياتها

يارا بضحك: ولا ي حمزه هي مش طيقاني ليه كده ... اوعي تكون مش قايل لها

حمزه : خلينا نضحك حبه 

يارا : حرام عليك ي حمزه .... قولها بقا

لين بحده: ما تقول ي سي حمزه ايه ... دي شكلها مراتك وانت كنت مخبي ... انا عارفه..  قولي الحقيقه

حمزه: اهدي ي لين دي ...

لين بتحاول تمنع الدموع : انا كنت حاسه من معملتك معاها ...

حمزه : استني بس ي بنتي دي عمتي الصغيره..... اخت بابا فاهمه

لين بسرعه : انا كنت حاسه .... ايه ! عمتك

حمزه : ما انتي لو كنتي استنيتي كنتي عرفتي

لين : حمزه اانا انا

يارا : خلاص ي جماعه حصل خير

لين : احمم انا اسفه جدا .. انا ..

يارا : محصلش حاجه .. حمزه برضو غلطان انه مقلكيش

باليل عند حمزه و لين في الاوضه

حمزه : ...

_________________________________________

عند مي

مي : انا خايفه اوي ي مالك ... انا مش هاقدر اروح
كل ما اشوفه هافتكر ال حصل

مالك : لازم تكوني قويه علشان تقدري تجيبي حق والدك ووالدتك ي مي

مي : هحاول ..

مالك : متقلقيش وانا معاكي مش هاسيبك

مي اتصلت ب عصام

مي : الو

عصام : الو ي روح قلبي

مي : أنجز المعاد

عصام : انتي داخله حاميه كده ليه ... اهدي ي حبي

مي : خلصني ي عصام ... المعاد فين و امتي

عصام :  في البيت القديم ال علي الطريق

مي بخوف بتداري : مش بعيد ده

عصام : ده هيبقي بيتنا ي حبي

مي بزهق : خلصني والمعاد

عصام بسماجه : اهدي عليا كده بس ... الساعه ٦
و متجبيش مخلوق معاكي ... مفهوم

مي : ما انت عارف انا مش معايا حد

عصام : انا بس بقولك اهو

مي : تمام ..

و قفلت معاه

مالك : اهدي وركزي ي مي انا وراكي متخافيش

مي : ربنا يعديها علي خير

مالك : انشاء الله

_________________________________________

عند اسيل

شهاب : انتي مش هتيجي ولا ايه ي حبيبتي

اسيل : لا انا هستاذن من ماما و جايه ... و بابا ف الشغل

شهاب : احسن علشان نقعد براحتنا

اسيل : انا هاشوف ماما و ي رب ترضي

شهاب: ماشي ي حبي مستنيكي

اسيل : باي ي بيبي

عند منال

اسيل : ماما انا عاوزه اروح النادي شويه

منال : باباكي نبه متخرجيش

اسيل : مش هتاخر اوعدك .. هاجي قبل ما يجي من الشغل

منال : متتاخريش علشان انا مش حمل كلمه كده ولا كده

اسيل :  تمام ي مامي ..... باي

_________________________________________

عند شهاب

اسيل : انا جيت اهو بس مينفعش اتأخر علشان بابي منبه عليا مخرجش

شهاب: متقلقيش ي قلبي ... مش هنتاخر خالص

اسيل : ممم تمام ي بيبي

شهاب بخبث :  احنا هنفضل كده ما تيجي ندخل

اسيل بدلع : يلا ي بيبي

بعد شويه كان في صوت تخبيط علي الباب

شهاب : مين الرزل ال بيخبط ده

اسيل : روح شوف مين ي حبيبي وانا مستنياك هنا

قام شهاب يفتح الباب و ......