ماض وانتهي

النهايه

انا كده اقدر اقول انه اسدل الستار علي الروايه ...
بس الحياه لسه مخلصتش .. لسه في لها بقيه
احنا اكيد مرينا بموقف زي ال حصل .. او شفنا حد مر بموقف مشابه مثلا ..

انا كتبت الروايه دي لفكره معينه او لهدف معين
اي كاتب بيعمل كده ... اساس الروايه بيبقي الفكره
مش الشخصيات و الحوار

الفكره من الروايه ايه بقا ..

- هو في الأول اتكلمت ف الروايه عن نوعين من الأسر غير السويه

النوع الأول هو .. ال بيبقي في فتور بين أطراف العيله
علاقتهم بارده مش بيشاركوا لحظاتهم مع بعض مفيش اي مشاعر دافيه بينهم ..
دا بقا بيولد انعزال ..وحده .. و قله ثقه ..
دا بتخليهم يلجئو ل انهم يستخبوا ورا قناع مزيف
زي قناع الضحكه .. و حجات كتير..

النوع التاني بقا و هو الاسره المهمله
ف دي بقا الاسره مش علاقتها بارده .. دي الاسره مش بيجمعهم ببعض غير ..لاسم ف شهاده الميلاد ..
دي بقا مصيبه ف حد ذاتها
بحيث ان الأطفال مفيش حد بيوجها للصح او يمنعها عن الغلط ..
وده بتخليهم يدوروا علي الحنان و النصيحه من بره
ودلوقتي بقا في اكتر من مصدر .. زي السوشيل ميديا
و المصدر ده اكيد في الكويس بس في المش كويس برضو .. و بقا كل حاجه في متاحه..
بقينا ناخد الغرب قدوه و نتبعهم في كل حاجه ..منغير منشوف هي هتناسب مجتمعنا ولا لا
.. وغير السوشيل ميديا في بقا أصحاب السوء
ودول بيخدوك علي طريق مسدود نهايته الموت..
الموت مش بس المعروف لا ... دا موت الروح و العقل و حتي القلب
بتبدأ بحاجه بسيطه .. زي سجاره مثلا و بتنتهي بجرعه زايده تخلص
او مثلا تبدأ بخلع الحجاب و تنتهي ب حجات و ذنوب تانيه ...

- تاني حاجه و هي البعد عن الدين
الدين ده هو الحل لبناء مجتمع سوي...هو الحل الوحيد
البعد عن الدين بيخلي الانسان يستحل اي حاجه
ما هو مفيش ال يحرم و يحلل و كل حاجه بالنسبه لهم حلال ..
انك تقتل اخوك علشان الطمع ف شويه فلوس
او انك تاذي حد لمجرد انك شايفه احسن منك ..بدل ما تطور نفسك
انك تتخلي عن عاداتك و تقاليدك لمجرد انك تقلد الناس البتشوفهم ع السوشيل ميديا ..
و الخيانه ال كنا فاكرين انها ف الأفلام بس ..
كل الحاجات دي انتشرت بسبب البعد عن الدين و عن ربنا ..
_________________________________________

             بسم الله الرحمن الرحيم

  وَأَنَّ هَذَا صِرَاطِي مُسْتَقِيمًا فَاتَّبِعُوهُ وَلَا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ
                            

بسم الله الرحمن الرحيم

إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا فَلَا خَوْفٌ عَلَيْهِمْ وَلَا هُمْ يَحْزَنُونَ
 
  صدق الله العظيم
_________________________________________

* عن العرباض بن سارية قال : صلى بنا رسول الله صلى الله عليه وسلم الصبح، فوعظنا موعظة بليغة ذرفت منها العيون، ووجلت منها القلوب، فقال قائلٌ : يا رسول الله ! كأنها موعظة مودع، فأوصنا، فقال : «أوصيكم بتقوى الله والسمع والطاعة، وإن كان عبدًا حبشيًا، فإنه من يعش منكم فسيرى اختلافًا كثيرًا، فعليكم بسنتي وسنة الخلفاء الراشدين المهديين، عضوا عليها بالنواجذ، وإياكم ومحدثات الأمور، فإن كل بدعة ضلالة»(أخرجه الإمام أحمد في مسنده وأبو داود والترمذي).

_________________________________________

النهايه ♡