ماض وانتهي

كابوس مرعب ٢٦

لين : ... و ... كنا بنلعب
...لين وأمن... وهي ... هي موجوده ... وبتلعب

حمزه : هي مين دي

لين : هي ... هي ..لمي ..
لمي بتضحك و تلعب معانا

___________________مشهد من الماضي

لين وأمن بيضحكوا و يلعبوا

لين بطفوليه  : مش هتعرفي تمسكيني ... انا بجري اسرع منك ..

لمي بعناد  : لا انا بجري اسرع منك واقدر امسكك

بدأت لين تجري بسرعه وسط الزحمه و المطره

مروه : تعالي هنا ي لين كده غلط... هتتعوري ي لين

لين بعند: لا ي مامي انا بعرف اجري اسرع من لمي

لمي وهي بتجري ورا لين بتحدي : همسكك ي لين

مروه جريت وراهم علشان تلحقهم ..

مروه : اهدي ي لين علشان العربيات  بالله عليكي

لين كانت مستمره في الجري و مش بتقف و لمي كانت بتجري وراها لغايت أما عربيه كبيره اوي كانت معديه و لين جريت بسرعه بس لمي كانت بتجري وراها و ...ملحقتش تجري و بعدين ..
العربيه داست لمي

مروه بصراخ  : لميييييييي
كل الناس اتلمت عليهم و حسام جه ..

حسام  : فين لين و لمي ي مروه ... ها انطقي ... متقوليش ان هي ..

مروه كانت في حاله اقل ما يقال عليها انها شعور الموت

جت الإسعاف و اخدت جثه لمي

اما عند لين .. لين كانت في ركن حاضنه نفسها و بتعيط اختها التوأم ماتت قدام عنيها ...
بدأت لين تعيط وتغمض عنيها و تقول ... الدم ... لمي ...الدم ...لمي

و اغمي عليها

في المستشفي

بعد تصريح الدفن و الشرطه و الاجراءات الكتير دي
اندفنت لمي و راحت للأبد ...

مروه كانت مش مستوعبه ال حصل ...

مروه بهستريه : انتي السبب ... انتي السبب

كانت مروه كل اما تشوف لين تقول انت السبب
لين كانت نسخه من لمي نفس الشكل .. الشعر .. العيون
كل حاجه نفس بعض

لين فقدت الذاكره بعدها فقدان مؤقت .. بس الكوابيس عن الحادثه دي مش بتفارقها

صوره لمي و الدم حوليها مستحيل تتمحي من الذاكره ابدا ... شعور انك فقدت روحك ... هو ده نفس الشعور

الشعور ده و كمان شعور الاتهاض و الظلم و الفتور في المعامله من باباها و مامتها ... كان بيموت بالبطيء

هل من العدل ان هي تستحمل ذنب موت لمي
ولا ده كان ماضي و انتهي ....

________________مشهد ثامن  ~استرجاع الذاكره~

فاقت لين من التوهان و هي بتصرخ و تقول : لمييي
انا السبب ... انا السبب

كان حمزه مزهول من كل ال سمعه.. هو ده السر
هل ممكن تكون هي دي الحقيقه فعلا ..
هل هما بيعاقبوها علي ذنب موت لمي
هل ده فعلا عدل و ان هما غصب عنهم
ولا ده غلط وان لين هي الضحيه ..

لين بانهيار : حمزه ... انا قتلتها...

حمزه كان لسه ف صدمته و مش بيرد علي لين

لين ببكاء هستيري : انت كمان ي حمزه هتكرهني ...
انت معاك حق انا قتلتها .. انا المفروض اتعاقب ..
انا كنت السبب ف كل ده ...
انت هتبعد عني خلاص .. انا معدش ينفع اعيش تاني
انا مجرمه .. انا قتلتها .. ..

حمزه : اهدي ي لين .. انا مش هسيبك .. انا معاكي ي لين مش هتخلي عنك

لين بعياط  : لا .. انا مستحقش انك تفضل معايا ... انا قتلت توأمي انا مجرمه.. لازم تعاقبني ..

و اغمي عليها ...

حمزه نقلها علي السرير

و اتصل بامن ..

حمزه : آمن انا عاوزك حلا .. ضروري

_________________________________________

عند مي

كان يوم كتب كتاب مي و مالك ...
كان الكل مبسوط و سعيد ...
مي كمان كانت مبسوطه رغم خوفها الأكيد من المستقبل الا انها لقت الاسره ال تحتمي فيها و تلاقي الحب والسند معاهم .... ولقت مالك ...
الراجل الحق ال يعرف يحميها و يصونها

قاطع تفكيرها صوت المأذون بكلماته المعتاده

المأذون :  بارك الله لكما وبارك عليكما وجمع بينكما في خير

عند ريم كانت واقفه مع مامتها و .. جه آمن عليهم

آمن: ازيكووو ي جماعه ... الف مبروك

سمر : لسه فاكر ان لك خاله تسأل عليها ..

آمن: مشاغل الدنيا بقا ي سموره انتي عارفه

سمر : اه ثبتني بكلمتين

آمن:  قلبك ابيض بقا ي سموره

و بص ل ريم وقال : ازيك ي ريم عامله ايه

ريم بخجل : الحمد لله

آمن: والدراسه عامله معاكي ايه

ريم : الحمد لله خلصت بس بدور علي شركه اتدرب فيها

آمن: عيب عليكي وانا رحت فين

ريم : احمم علشان محدش يقول واسطه و كده و كمان لاني لسه متخرجه

آمن: ملكيش دعوه ... وانا هستناكي ف الشركه وقت ما انتي عاوزه

ريم : شكرا بجد ي آمن

آمن: علي ايه ي بنتي دي حاجه بسيطه

ريم : امال لين فين انا بقالي كتير مشفتهاش

آمن: عمو عبد العزيز  كان تعبان وكده ف هي مقدرتش تيجي

ريم بتفهم : ايوه... ربنا يشفي

قاطع كلامهم صوت تليفون آمن

آمن: الو

حمزه : من انا عاوزك حالا ضروري

آمن: انا جاي هو ....