ماض وانتهي

٢٤

عند مي

كان الكل بيجهز ل فرح مالك و مي

مي مش هتنكر انها مبسوطه بس جواها مشاعر مختلطه ... هل مالك ممكن يتغير معاها.. هل ممكن ف يوم يسيبها و ترجع لوحدها من تاني

الوحده ... الوحده اكتر حاجه ممكن تقتل روح الشخص
الوحده بتستنزف روحك ببطيء .. لغايت ما تبقي سراب

الخوف من الوحده اكيد اجبرها علي الجواز منه
بس ال غصبها علي قبوله هو نفسه ... تفكيره .. وجهات نظره .. شجاعته ... حدوده و احترامه
شخصيته ال اجبرتها علي الغضوع رغم محاولاتها الكتير في المقاومه

النصيب هو ال جمع شخصين بنفس العقل .. التفكير ..ووجهات النظر
التفاهم شيء واجب في الجواز .. لازم يكون في تفاهم و قبول علشان العلاقه تستمر ...

فاقت مي من شرودها علي صوت ريم

ريم : مالك ي مي سرحانه ف ايه ي قلبي

مي بابتسامه : ولا حاجه انا معاكي اهو

ريم : طب ايه رايك بقا

مي : ها رأيي ف ايه .. معلش ماختش بالي

ريم : مش بقولك انتي مش معايا ... علي العموم انا كنت بسألك علي المعاد ال تحبي ننزل نشتري في الحجات ال نقصاكي و الفستان

مي : بس انا محتاجه اسحب فلوس من البنك الأول

مالك بحده : ليه هتتجوزي سوسن

مي : انا مش قصدي بس دي أقل حاجه المفروض اجيبها

مالك : ملكيش دعوه بحاجه .. انتي اختاري ال انت عاوزاه بس

مي : بس..

مالك : منغير نقاش 

ريم و مي طلعو يشوفو ايه ال حجات الناقصه عند مي

_________________________________________

عند حمزه

المتصل : حضرتك ي استاذ حمزه ... احمم .والد حضرتك في المستشفي

حمزه : ايه .. انا جاي حالا

لين : حمزه في ايه... ايه ال حصل

حمزه : مش وقته يلا بسرعه معايا هنرجع القاهره تاني

لين : طب فهمني بس في ايه

حمزه : لوسمحتي لين امشي معايا و هتفهمي

لين : حاضر

روحت لين و حمزه عند الجده و اخدو حاجتهم و راحو القاهره

في العربيه

لين : هدي السرعه ي حمزه شويه كده هنعمل حادثه

حمزه كان في عالم تاني كأنه مغيب

لين : اهدي بس ي حمزه ان شاء الله خير

بعد فتره وصل حمزه و لين عند ال المستشفي بتاعه عبد العزيز

جري حمزه بسرعه علي الاوضه بتاعته

حمزه : هو عامل ايه دلوقتي

الدكتور: الحمد لله بقا كويس دلوقتي تقدر تدخل له

حمزه : شكرا

و دخل حمزه بسرعه لوالده

حمزه بخوف : انت كويس ي بابا .. عامل ايه

عبد العزيز: اهدي ي حمزه ي بني انا كويس اهو زي ما انت شايف

حمزه: كده ي بابا قلقتني عليك

عبد العزيز:  معلش ي بني

حمزه : متتعبش نفسك ي بابا ...

عبد العزيز: حاضر ي حمزه

لين : حمد لله ع السلامه ي عمو

عبد العزيز: الله يسلمك ي بنتي

بعد شويه روح عبد العزيز البيت هو و حمزه و لين

حمزه : ارتاح ي بابا وانا جمبك لو عزت حاجه

عبد العزيز: ربنا يحفظك ي ابني

لين : يلا ي عمو علشان تاكل

عبد العزيز: شكرا ي بنتي تعبتك

لين : ولا تعب ولا حاجه يلا بس علشان تتحسن

بعدها جت يارا و معاها راجل و طفل

يارا : ايه ي زيزو قلقتني عليك اوي ينفع تعمل ف اختك كده

يوسف (زوج يارا ): الف سلامه عليك ي استاذ عبد العزيز

عبد العزيز: الله يسلمك يبني

زين : زيزوووو

عبد العزيز: وحشتني ي صغنن انت عامل ايه

زين بطفوليه : انا حمد لله

حمزه : كده مش تسلم عليا ... زعلان منك

زين : حمزه ... وحستني

حمزه : وانت كمان ي قرد

زين بغضب طفولي: انا مس قلد ...

حمزه : لا قرد

زين : نينيني

وراح عند لين و قال

: مين دي ي خالو حمزه

حمزه : دي مراتي

قربت لين من زين وقالت : ازيك ي عسول ي صغنن انت .... وشالته

زين : انا مس صغنن ... انا كبير اوي

قعدت لين تهزر و تضحك مع زين و اندمجت معاه اوي

وحمزه كان بيبص عليها

يارا : يلا بقا ي زينو علشان نمشي

زين : لا .. انا عاوز اقعد مع لي لي شويه

يوسف : الوقت اتأخر هتيجي مره تانيه

زين : مع سلامه ي لي لي انا هجيلك تاني .. وعد

لين بابتسامه : وانا هستناك ماشي .. وعد

حمزه قرب منها وقال : بتحبي الأطفال اوي كده

لين : طبعا الأطفال دول احسن حاجه في الحياه
كنت بحب العب مع الأطفال اوي علشان هما عندهم براءه بتسحرك وتخليك مش عاوز تسيبهم

حمزه بخبث : طب مش عاوزه واحد

لين بخجل: اسكت ي حمزه

حمزه: هو انا قلت حاجه...

_________________________________________