ماض وانتهي

٢٨

عند آمن

كان آمن قاعد في الاوضه بيفكر ف كل ال حصل و كل ال عرفه
هو ظلم لين و جرحها ف اكتر وقت محتجاه جمبها
كان بيلوم نفسه كل لحظه علي ال عمله معاها ..
مش كفايه ظلم مروه و حسام لها
اخد آمن قراره و قرر يواجهم بالحقيقه

عند حسام

كان حسام و مروه قاعدين .. قاطعهم صوت آمن بيقول

آمن: انا عرفت كل حاجه .... كل حاجه بانت و السر انكشف

مروه بخوف : ي يعني ايه .. ايه ال انت بتقوله ده

حسام : سر ايه ي آمن

آمن: انتو لسه بتخبو.. لين افتكرت كل حاجه

مروه: ازاي ده حصل

آمن: هو ده ال فارق معاكوا بجد ... دي بتموت بالحيا
وانتي كل ال همك .. عرفت ازاي

مروه : وبعد ما عرفت مقدرتش موقفي و حسرتي ساعتها علي بنتي

آمن: لين ملهاش دخل ده نصيبها ... ده قدر و اعمار ملناش دخل فيها

حسام : اهدي ي آمن... هي أم برضو

آمن: ام مين ال بتكلم عليها ... بنتها ماتت و هي موتت التانيه ... بدل ما تقرب منها و تعوضها عن ال حصل

مروه بدموع : غصب عني ي آمن.. كل اما اشوفها افتكر كل حاجه بتحصل قدامي

آمن: الكلام ده يتقال ل لين .. ولو ان الكلام مش هيصلح حاجه حصلت

_________________________________________

عند لين

كانت لين ساكته مش بتتكلم ولا بتاكل ايه حاجه
و عايشه علي المحلول بس ..
كانت هزيله معندهاش اي طاقه للكلام ولا للحركه ولا اي مشاعر حتي

حمزه : لين.. فوقي لنفسك .. انتي كده بتموتي نفسك بالبطيء

لين : معتش عندي القدره علي الكلام حتي... انا ميته من جوا فعلا

حمزه مسك اديها و قال : هو انا مش فارق معاكي للدرجه دي

لين بتنهد : انت الانسان الوحيد ال قدر يحتويني و يحسسني بالأمان و متخلاش عني ...

حمزه : طب حاولي تكملي علشان خطري عندك

وسرح حمزه و قال : انتي عارفه انا حاسس بيكي
انا عديت بفترات كده بس كنت بفوق علشان بابا
كان لازم اكمل علشانه ..

لين بتساؤل : انت كنت بتعيط و تنهار !!

حمزه ابتسم بحزن و قال : انا ممكن ابان من بره بارد و قاسي ... بس انا كنت بزعل فترات و كمان بعيط
الراجل بيعيط ..علشان هو بشر و بيحس و عنده مشاعر

لين : انت محتاج تفضفض ي حمزه ... انا سمعاك

حمزه بحزن : انا كمان لما كنت طفل مامتي اتوفت و انا عندي ٦ سنين .. كنت متعلق بيها جدا .. كانت هي كل حياتي
بابا حاول يعوضني بعدها بس ..الام مبتتعوضش
بابا وهب حياته كلها ليا و متجوزش تاني بعدها
كان هو بالنسبالي كل حاجه ف حياتي
كان الام و الاب و الحنان و القسوه
..كان هو كل حاجه ..

لين : انا اسفه ي حمزه .. انا فكرتك

حمزه : دي حجات مش بتتنسي بس لازم نعيش و نكمل علشان ال بنحبهم ..

لين و هي بتبص لحمزه : انا هكمل عل..علشانك..

حمزه بيبصلها : ها .. قولي تاني

لين : انا بحبك و هكمل علشانك

حمزه : لين .. انتي كويسه و مدركه لل انتي بتقولي

لين : يمكن تستغرب ال انا قلته .. بس صدقني تصرفاتك هي ال اجبرتني علي كده
كل حاجه بتعملها معايا .. اهتمامك بيا .. خوفك عليا
كل ده اجبرني علي الخضوع ..

"الحب مش كلمه بتتقال في وقت رومانسي و جو السعاده .... الحب تصرفات بتبان في أشد المواقف صعوبه "

_________________________________________