ماض وانتهي

١٧

عند مي

عصام اتصل عليها و كان مالك معاها و قالت

مي بتوتر : عصام بيتصل اعمل ايه

مالك : اعملي زي ما اتفقنا بالظبط و اوعي تحسسيه انك متوتره او حاجه .. خليكي طبيعيه

مي ردت علي الاتصال و فتحت الاسبيكر

عصام : ايه ي قطتي عملتي ايه ... فكرتي كويس في العرض ولا لسه منشفه دماغك

مي : ا انا موافقه ..

عصام : ايوه كده احبك وانتي بتفكري

كان مالك بيغلي من جوه بسبب عصام بس حاول يتماسك علشان الخطه

مي : هنتقابل امتي

عصام : الله انتي مستعجله ي قلبي

مي : انت عارف ال فيها ي عصام ... انت هتكدب الكدبه و تصدقها ولا ايه

عصام : مسير البعيد يقرب و القلب يحن ي ميوش

مي بهمس: غور في شكلك و انت شبه الفار المسلوق

مالك حاول يمسك نفسه من الضحك علي مي

عصام : بتقولي حاجه ي ميوش

مي : بكح ..

عصام : طب اسيبك بقا تجهزي نفسك ي عروسه

مي : في داهيه

عاصم : ايه

مي : .. اقصد بالسلامه

عاصم بسماجه: انا هسامحك المره دي بس بعد كده كل كلمه بحساب ي ميوش قلبي

انتهت المكالمه مع عصام و مالك قال ..

_________________________________________

عند حمزه و لين

حمزه : راحه فين ي لين

لين : عاوزه اشم شويه هوا ي حمزه اتخنقت

حمزه : ي بنتي انتي لسه تعبانه

لين : انا كويسه اهو ي حمزه

حمزه : طب استني جاي معاكي

نزل حمزه و لين الجنينه و قعدوا شويه

عبد العزيز: ايه ال منزلكم دلوقتي ي ولاد

حمزه : لين كانت عاوزه تشم شويه هوا و تغير جو

عبد العزيز: حمد لله علي السلامه ي لين

لين : الله يسلمك يا عمو

عبد العزيز: صحيح ي حمزه يارا رجعت من السفر و جدتك عاوزاك تقضي معاهم كام يوم ... علشان تتعرف علي لين وكده

حمزه : يارا جت من السفر امتي

عبد العزيز: اول امبارح ..بس انا معرفتش اقولك يعني لان لين كانت تعبانه

حمزه بتفهم : اهاا ..... هنشوف كده و نروح نقضي معاهم كام يوم ...علشان و حشوني جدا

لين بغيره : وهي مين يارا دي بقا ان شاءالله ... ال هنروح نقضي معاها كام يوم

عبد العزيز: دي تبقي..

حمزه بسرعه : قريبتي و هنروح نقعد عن جدتي ي لين

لين بغيره : اممم قريبتك

حمزه بيحاول يمنع الضحك: ايوه

عبد العزيز ضحك عليهم و سابهم و مشي

لين : و ناوي تروح امتي بقا ي حمزه بيه

حمزه : امم هشوف كده و اقولك

لين بغضب : ماشي ... انا طالعه

حمزه بضحك : ايه ي بنتي احنا لسه جايين

لين : اتخنقت

حمزه : استني انا جاي معاكي اهو

لين بحده  : ليه خليك شم هوا

حمزه بضحك: لا انا جاي معاكي  ..

لين بغضب طفولي : انت عمال تضحك عليا ليه بقا
ان شاءالله

حمزه : انا مش عارف انتي مضايقه ليه من ساعه يارا

لين : وانا مالي اضايق ليه يعني

حمزه بخبث : غيرانه مثلا

لين بتوتر : لا لا مستحيل... انا اغير لا طبعا انت فاهم غلط

حمزه بضحك: ايوه ايوه ..  طب يلا نطلع

لين : اووف مستفز

حمزه ببراءه : هو انا عملت حاجه ي بنتي

لين و هي ماشيه : بتعصبني

حمزه واقف  يضحك و بيقول : والله مجنونه

لين بصوت مسموع : انا سمعتك علي فكره

حمزه : احنا اسفين ي باشا

_________________________________________

عند اسيل

كانت اسيل قاعده في الاوضه من ساعه ما رجعت من عند شهاب

كانت سرحانه و بتفكر اذا كان ال عملته صح ولا غلط ولو باباها او مامتها عرفت ايه ال هيحصل

قاطع تفكيرها صوت الموبايل

اسيل بشرود : الو

شهاب : ايه ي قلبي مالك مشفتكيش من فتره

اسيل : معلش ي شهاب بابا مشدد عليا اليومين دول

شهاب : طب ايه مش هتيجي تاني ولا انتي معنتيش
بتحبيني ي سيلا

اسيل : لا طبعا انا بحبك بس..

شهاب : بس ايه ي سيلا ... انت وحشتيني اوي

اسيل : هشوف كده واجي

شهاب : مستنيكي ي قلبي ...

_________________________________________