ماض وانتهي

٣٠

عند لين

لين : انا مسمحاكم  ..

مروه قربت منها و قالت ...بدموع : اوعدك هعوضك عن كل حاجه...

حضنتها مروه لأول مره .. حست لين بإحساس الدفا والأمان قرب منهم حسام و حضنهم هما كمان ..

آمن: عال اوي ي ست لين .. من لقا احبابه بقا

حمزه : دا انت عيل فصيل

آمن: شكرا ي كبير ... دي شهاده اعتز بيها

لين : بوظت اللحظه الدراميه ..

آمن: حيث كده بقا .. احب أعلن لكم عن خبر حصري

حمزه : و ياتري ايه الخبر المهم ده

آمن: احمم .. قررت اخطب ي جماعه ..

مروه بسعاده : بجد ي آمن ولا بتهزر ..

آمن: جد الجد كمان

حسام : و مين سعيده الحظ بقا

حمزه : اكيد امها داعيا عليها ..

آمن: انا هتجاهل تعليقاتكم السلبيه دي ..بس علشان انا مبسوط

لين : هي مين بقا ي امونتي

آمن: ريم .

لين بفرحه  : بجد .. 

آمن: بس انا لسه معرفش رأيها... انتي عارفه ال حصل معاها مكنش سهل .. و مش هتتقبل الوضع بسرعه

لين : ريم دي انسانه طيبه جدا مش هتلاقي زيها ..
وانا واثقه انها هتوافق ..  سيبها عليا انا

آمن قرب من لين : قلبي ي ناس

حمزه : بطل تلزيق بقا و ابعد عن مراتي يلا

آمن: متزقش .. ي عم الحبيب

لين : بس ي جماعه .. انا للجميع

حسام : حوش التواضع ال بينقط

لين : شكرا شكرا ي جماعه ..

حسام : خلاص انا هتصل افاتح فهمي و ناخد معاد و ان شاء الله خير

_________________________________________

عند ريم

كان مالك و مي بيتكلموا و جت ريم

ريم : ايوا بقا ي استاذ مالك .. نسيت اختك حبيبتك ... تهون عليك العشره كده .. والعيش والملح

مالك: ايه حيلك حيلك .. راديو فتح

ريم: وحشتني ي ملوكتي

مي بضحك : بتقولك ملوكتي... ههههه

مالك بضحك : البنت تقول علينا ايه دلوقتي ..

ريم بدراما : خلاص ي بيبي كل حاجه بانت .. اخدتني لحم و رميتني عضم ...  اهيء اهيء

مي بضحك: درما كوين ف نفسك اوي

فهمي بمقاطعة : احمم.. في موضوع مهم عاوز اتكلم فيه ..

مالك بجديه : اتفضل ي بابا

فهمي : هو الموضوع يخص ريم ..

ريم : خير ي بابا

فهمي : عمك حسام اتصل و اخد معاد بليل علشان يطلب ايدك لامن ..

سكتت ريم بتوتر ..

مالك : آمن انسان كويس و اهو نعرفه و نعرف أخلاقه

فهمي : والله انا معنديش مانع بس رأي ريم اهم حاجه

ريم استأذنت و دخلت الاوضه ... منغير كلام

سمر : انا خايف لترجع تاني .. مصدقت خرجت من الحاله ال كانت فيها

مالك : ربتا يستر ..

_________________________________________

عند اسيل

خرجت اسيل من المستشفي و بدأت حالتها تتحسن

عاصي : عامله ايه دلوقتي ي حبيبتي

اسيل : بخير الحمد لله ... بابا انا عاوزه أسألك علي حاجه ..

عاصي : امم  اتفضلي ي اسيل

اسيل بتوتر : هي ماما فين .. انا من ساعه ما خرجت و انا مشفتهاش

عاصي : انا مش هخبي عليكي .. بس انا و مامتك انطلقنا..

اسيل : كل ده بسببي ..انا

عاصي : انا ومامتك من زمان ي اسيل مش بسببك
انا مش همنعك تزوريها لأنها والدتك بس احنا مش هينفع نرجع لبعض .. انا اديتها خبر انك كنتي ف المستشفي ..

اسيل بحزن : و مجتش

عاصي : انا معاكي و هفضل معاكي علي طول ...
و دي والدتك ف الاول و الاخر ..

اسيل : ربنا يديمك ليا ي بابا ... ي احلي اب ف الدنيا كلها

عاصي حضنها و قال .. : انا ال ضيعت لحظات كتير ... كنت لازم ابقي موجود فيها.. انا اسف ي بنتي

اسيل : المهم انك موجود دلوقتي ..

_________________________________________

عند ريم

كانت ريم قاعده ف اوضيتها لوحدها
كانت بتفكر ف موضوع آمن...
هل هي هتقدر .. ولا هتستسلم للماضي
كانت خايفه لتعيد نفس التجربه مره تانيه ..
قاطع تفكيرها صوت الباب ..