في بيت عبد العزيز
علي السفره
عبد العزيز : حمزه انت نازل الشغل دلوقتي
حمزه : ايوه ي بابا محتاج حاجه
عبد العزيز: ربنا معاك ي ابني ، مش هتفطر
حمزه : لا ي بابا انا مضطر امشي دلوقتي
عبد العزيز : مع السلامه
حمزه : سلاام
_________________________________________
عند منال
منال : راحه فين ي اسيل
اسيل : ايه ي مامي من امتي وانتي بتسالي الاسئله دي
منال : من النهارده ي وكسه .. ايه مش عارفه تجيبي عريس زي بنت عمك ال كل يوم والتاني جايلها واحد
اسيل : يووه ي مامي ما انا مبسوطه اهو و بخرج الله
منال : ي غبيه فكري شويه مش عارفه توقعي حمزه
ولا حتي آمن و تتنغنغي في الفلوس بتاعتهم
اسيل : هما مش مهتمين ي ماما اصلا انا هرمي نفسي عليهم
منال : ي بت شوفي الواد حمزه اهو وكيل نيابه و مش هيبقي لكي ولا حماه ولا عنده اخت
و معاه فلوس و شقه
اسيل : اعمل ايه ي ماما يعني
منال : اسمعي كلامي انا و انتي تكسبي
اسيل : طيب انا ماشيه و نتكلم بليل
منال : خليكي ي موكوسه اما واحده تخطفه منك
اسيل بزهق : سلام ي مامي
منال : بالسلامه ي اختي
جه عاصي واسيل ماشيه
عاصي : ايه ي منال هي اسيل راحه فين
منال: مع صحابها
عاصي : طيب هي خارجه كده ليه ، ايه اللبس ده
منال : ما البنات كلهم بيلبسوا كده
عاصي : كل البنات بقت ماشيه منغير هدوم في الشارع
منال : اسكت خليها تجيب لها حتت عريس
عاصي بقله حيله : هو العري بقا بيجيب عرسان ي منال
ما هي في بنات محجبه و كل يوم يجي لها عريس
منال: انا مالي ماتروح تقول لها كده
عاصي: عليه العوض
_________________________________________
كانت مي ماشيه في الشارع مش عارفه تروح فين
بتدور علي اي بيت صغير تقدر تعيش فيه هنا
لغايت ما خبطت في حد و هي مش واخده بالها
مي بسرعه : انا اسفه .. انا اسفه جدا
ريم : لا ولا يهمك انا كنت بتكلم في التليفون و مش مركزه
مي : انا كمان كنت سرحانه الصراحه
ريم : مش مشكله .. بس انتي من هنا انتي باين عليكي جديده علشان يعني بتبصي حواليكي زي اول مره يعني
مي بابتسامه : ايوه الصراحه انا لسه جايه و بدوى علي سكن و شغل هنا
ريم بتفكير : امم احنا عندنا شقه صغيره ممكن نأجرها لكي .... بس صح اسمك ايه
مي بابتسامه : اسمي مي .. وانتي
ريم : اسمي ريم
مي : عاشت الاسامي
ريم : طيب يلا تعالي اوريكي الشقه
مي بابتسامه : احم شكرا ليكي
ريم : علي ايه ي بنتي
و راحوا عند ريم الشقه
_________________________________________
في شقه ريم
ريم : ي اهل البيت أين أنتم
سمر: ايه ي بنتي الهيصه ال انتي عملاها دي
ريم : احم احم احب اقدم لكي صحبتي مي
سمر بحنان : ازيك ي بنتي
مي بخجل : الحمد لله ي طنط
ريم : كنت عاوزه اقولك حاجه ي سموره
سمر : خير استر ي رب
ريم : هو الصراحه مي جايه هنا جديد و بتدور علي
شقه ف انا علشان طيوبه و كده انت عارفه عرضت عليها تقعد في الشقه ال تحت
سمر : والله ي بنتي مفيش مشكله مفيش حد تحت ساكن بس الشقه قديمه زي ما انتي عارفه
مي : مش مشكله ي طنط انا اكيد هنضفها كويس و مش مهم اي شقه
ريم : انا اكيد هنضف معاكي
سمر : هنساعدك طبعا ي بنتي
مي : ملوش لزوم ي طنط انا مش عاوزه اتعبكم معايا
سمر: ولا تعب ولا حاجه يابنتي
ريم : ايوه طبعا احنا معاكي
مي : شكرا ي جماعه ، انا مش عارفه اشكركم ازاي
سمر : علي ايه دا انتي زي بنتي بالظبط
_________________________________________
عند لين
لين : آمن
آمن: ايه ي بنتي
لين بترجي : انا عاوزه اخرج ي آمن بالله عليك انا اتخنقت
آمن: اسكتي ي مجنونه لو بابا شافك هيجيب لكي عريس كمان ولا ممكن يصمم علي "علي"
لين : لااااا علي لا
آمن بضحك : انتي حره يقا
لين : انا زهقت علي فكره بقا .... خرجني الجنينه حتي
آمن: طب يلا ي اخره صبري
لين بفرح : حبيبي ي آمن
آمن: دلوقتي حبيبي ي آمن... يلا كلها مصالح
لين بضحك : انت حبيبي علي طول ي امونتي
آمن بضحك : انا الباشمهندس آمن يتقالي امونتي
لين : يعني انا غلطانه ان انا بدلعك ...
آمن: قلبي ي ناس
_________________________________________
أنت تقرأ
ماض وانتهي
Romanceحبيبتي لِما تبكين علي ذنب ليس ذنبك و تحملين من الاحزان اوزاناً .. انا هنا لأجلك سابدل حزنك فرحا و نلقي من الأفراح اكواماً. روايه باللهجه المصريه
