ماض وانتهي

٢

حسام: لين انا قلت كلمه و مش هتنيها

لين بعند : مستحيل

حسام : يعني ايه ي لين

لين بصراخ : انا مش هتجوزه ي بابا ، انتي عاوز تجوزني علشان صفقه عندك في الشغل

حسام : قلت لكي ميت مره متعليش صوتك عليا
،و بعدين ايه يعني علشان الشغل، هو علي ده فيه ايه يتعاب

لين : دا بني آدم سمج و بارد وانت جاي تقولي اتجوزه

حسام : عيب ي لين ايه سمج دي دا مهندس و معاه فلوس هيعيشك كويس

لين بصراخ : انا مش عاوزه ... مش عاوزه هو بالعافيه

آمن : بابا سيبها بقا، هي مش عاوزه و بعدين انت هتجوزها بالعافيه ، والصراحه علي ده انسان بارد و انا مش بحبه ولا بطيقه

حسام بحده : انتوا عيال لسه مش عارفين مصلحتكوا
فين ، يلا انت وهي من وشي

طلعت لين بسرعه علي اوضتها و طلع آمن وراها

_________________________________________
في اوضه لين

لين كانت قاعده متعصبه و هي مش طايقه نفسها
دي المره الخمسين ال ترفض فيها عريس

آمن: لين ... اهدي

لين بعصبيه : انت مش شايف ي آمن ده خامس عريس الاسبوع ده ، كله علشان ايه ، هو انا تقيله علي قلبه اوي كده ...

آمن: هو ميقصدش اكيد ي لين هو اكيد عاوز مصلحتك

لين : هو مش عاوز يفهمني .. هي المصلحه في الفلوس
انا هتجوز واحد يعرف يصوني و يقدرني و يكون عارف ربنا ... انا مش عاوزه فلوس علي فكره

آمن: اهدي بس ي لين هو يومين و هينسي الموضوع ده علي فكره

لين بضحك: و يطلعلي بعريس جديد

آمن بضحك : ايوه و تهربي تاني زي المره ال فاتت

لين بتفتكر : اخخ متفكرنيش المره ال فاتت لما سمعت كلامك و رحت البيت القديم... بس جابني برضو
هههه من قفايا

آمن بضحك : انتي فضحانا والله انتي مصيبه

لين ببراءه : انا .. دا انا معملتش حاجه

آمن: ست البريئه

لين : طب يلا من هنا ، يلا علي اوضتك يلا

آمن: بقا انا ي لين .. انا غلطان ان انا عبرتك اصلا

لين : صعبت عليا ... يلا بره

آمن: طب كده ماشي

لين : خد الباب معاك بالسلامه ..

_________________________________________

في البيت بره

آمن: ليه كده ي بابا ... هو احنا هنفضل كده

حسام : ايه انت معاها ولا ايه

آمن: انا مش مع حد... بس هي من حقها تختار علي الاقل

مروه : هي علي طول عنيده كده و هو ده ال هينفع معاها

آمن: انتي كمان ي ماما

مروه: ايوه ي آمن كده

آمن: انتي المفروض تكوني جمبها دلوقتي ي ماما مش قاعده بتتكلمي عليها هنا ... المفروض تحساسيها بالحنان انا فعلا مش فاهم ليه بتعملوها كده

مروه بتوتر : آمن دي بنتي اكيد بعاملها كويس

آمن بسخريه: لا واضح

حسام : خلاص ... علي اوضتك ي آمن

_________________________________________

عند لين

لين : الو ... ايه مش فاكره ان ليكي صاحبه... ي ندله
هونت عليكي

ريم : ايه ي بنتي راديو.. اهدي هرد عليكي وحده وحده
احكي براحه .... انتي عملتي ايه بعد ما رجعتي من البيت القديم

لين بلامبالاه : ولا حاجه بابا وصل ليا .. و جابلي عريس تاني انهارده واتخانقنا وانا في الاوضه اهو ..بس

ريم : ايه ي بنتي مفيش احساس خالص ، انتي مفيش ولا مشاعر عدت عليكي في حياتك مره

لين بسخريه : ي بنتي الحياه بتعلمك كتير
وبعدين اصلا هو ال قاعد مع مروه هانم و حسام بيه هيكون عنده مشاعر اصلا

ريم : انا معاكي ي قلبي

لين: انا مش عارفه القيها منك ولا من اخويا .. صبرني ي رب

ريم : خلاص ي بنتي ايه .... ربنا يهديكي
سلام بقا علشان ماما بتنادي

لين : سلملي عليها وحشتني اوي ... اول ما الحظر يتفك من عليا هاجي عندك اكييد

ريم : الله يسلمك .. مستنينك .. و هنعملك الاكل ال بتحبيه كمان يستي ... عدي الجمايل

لين : اهم حاجه راحه الكرش ... سلام ي اوختشي

ريم : سلااام
_________________________________________
في البيت

حسام: انا متأكده ان آمن مش هيسكت علي كده

مروه : محدش يعرف حاجه هو مين ال هيقوله

حسام : من معاملتنا مع لين اكيد هينخور في الموضوع

مروه : ابعدها بأي شكل لانه متعلق بيها اوي

حسام : ما انتي شايفه عملت ايه المرادي و المره ال فاتت هربت منا ...

مروه : اكيد هيجي وقت