صل على الحبيب المصطفى 'صل الله عليه وسلم '
وتستحقُّ قُلوبُنا أن تُحمَلَ على كُفوفٍ من الحُبِّ ' ونستحقُّ نحنُ ألا نَهونَ أو يُسْتهَانَ بنا..♥️🦋
الأم : رنا عايزه تقولك رأيها؟!
قالت ذلك ونظرت لها...
أما هي فكانت محرجه بحق، تمنت أن تنشق الأرض وتبتلعها....
ما أن قالت والدته ذلك نظر لها ولم يتفوه بكلمة كأنه يخبرها بأن تتحدث فهو يسمعها....
الأم : اتكلمي يا حبيبتي متخافيش
رنا بتوتر : أنا .....
الأم بضحك : يا بنتِ انطقي مالك
رنا : أنا موافقة
ما أن قالت ذلك دلفت سريعًا للداخل دون أن تنتظر رد، ضحك عمر ووالدته على فعلتها فمن يراها يظن أنها اول مرة ستتزوج...
عمر : معلش يا ماما بعد اذنك عايز اتكلم معاها في كام حاجة قبل العقد
رنا : حقكم طبعًا
عمر : معلش ناديها
الأم : حاضر
دلفت الام للداخل تنادي عليها، وأتت تمشي بهدوء وتنظر للأرض تتحاشي النظر إليه، فحقًا كأنها لم تتزوج من قبل ولم يكن لديها طفلة...
تركتهم الام و دلفت للمطبخ على مقربة منهم لانه لا يصح الجلوس بمفردهم...
صمتت رنا ولم تتحدث حتي قاطع هو الصمت حينما تحدث...
عمر : بصي يمكن انتِ متعرفنيش اوي أو شبه تعرفيني، المهم أنا مش هشكر في نفسي لكن ربنا شاهد أن الشخص الي معايا مش بيشوف مني غير الاحترام والتقدير طالما هو حد كويس، واكيد بتعصب زي اي حد في الدنيا لأننا بشر وبيجي علينا وقت وبنتخنق وممكن نطلع خنقتنا دي في اي حد قدامنا، عايز اقولك انك مش لوحدك من الدقيقة الي هنكون فيها زوج وزوجة من بعد كتب الكتاب هشيلك فوق دماغي وهدعمك وهكون جنبك في كل حاجة، شغلك زي ما هو براحتك معنديش اي مشكلة،
بكرة هغير عفش الشقة، ولو عايزة اي تعديلات فيها أو عايزة تغير الالوان والديكور مفيش مشكلة براحتك لكن مقدرش اقولك اني هجيب شقة غيرها لأن حاليًا مش هقدر، بالنسبة ل نورسين وحمزة، يعني على قد ما تقدري تراعيهم راعيهم من قلبك مش لاني بطلب منك ده او كأنه واجب، مقدرش افرضهم عليكِ...
كانت صامتة تستمع إليه إلا أن انتهي من حديثه حتي تحدثت...
رنا : حقيقي انا بشكرك جدًا على كل حاجة قدمتها ليا ولبنتي، وحمزة ونورسين دول ولادي وبشم فيهم ريحه ملك، وربنا يقدرني واقدر اعوضهم عن احساس الأم، بالنسبة لموضوع الشقة عادي إلى تشوفه مناسب اعمله ومتكلفش نفسك فوق طاقتها كل إلى طلباه أن الفرش بس يتغير اي حاجه تاني براحتك...
أنت تقرأ
ما تُخفيه الأنفس
Mystery / Thrillerليس كل ما يظهر دائمًا للجميع هو نفس ذات الشيئ الذي يَكمنُ بداخلنا، فَ كل ما تُخفيه الأنفس كان أجدر ويستحقُ أن يُرىٰ حتي تصمت بعض الألسنة عن حديثٍ يُدمر مشاعر البعض كَ العاصفة التى تأتي دونِ سابق إنذار تُدمر جدران بُنيت من حديد، فـَ ليست كُل إبتسامة...
