صلِ على الحبيب المصطفى صل الله عليه وسلم
"لا تألفُ الروح إلا من يُلاطفُها
و يهجر القلبُ من يقسو ويجفاهُ"💙
بعد مرور شهر على زواج شقيقها، استقرت الأوضاع داخل المنزل قليلًا، لكن ضجيج العالم أجمع تربع وجلس داخل قلبها، فيئرق نومها وأصبحت عيناها البُنيتان بعدما كانت تُشع نورًا واملًا بوجه مُشرق جميل، الآن سيطر الحزن على عيناها والدموع تسكن مُقلتيها، و من كانت تظنهُ مسكن لاوجاعها هو الآن سبب لكل وجع وكل اهات الحزن بداخلها...
كانت تجلس علي فراشها مضجعه، وعيناها معلقه في سقف حجرتها تفكر كيف ستستمر حياتها مع شخص تاذمت الأمور بينهما وأصبحت الحياة مملة للغاية كلها تحكمات وأوامر صارمة ...
قطع تفكيرها رنين هاتفها معلنًا إتصال من صديقتها فأجابت بنبرة مُتعبة ....
جويرية : السلام عليكم ورحمه الله وبركاته
عائشة : عليكم السلام ورحمه الله وبركاته
عاملة اية يا حبيبتي؟
جويرية : الحمد لله بخير وانتِ عامله ايه ؟
عائشة: الحمد لله، مالك ؟ أنتِ صوتك تعبان لى؟
جويرية بتنهيدة : سلامتك مفيش حاجه
عائشة : احكيلي مالك يا حبيبتي
جويرية : أحمد
عائشة : انتو لسه مبتتكلموش؟
جويرية : لا حاولت اكتر من مرة وبردوا مفيش اي إهتمام
عائشة : طيب حاولى مرة كمان
جويرية : عائشة مينفعش كل مرة أنا إلى احاول وهو مبيحاولش ولا مرة علشاني كل مرة بيكون فيها غلطان مش بيتنازل وانا اتنازلت كتير علشان منوصلش لكده لكن هو مُصر يأذم الأمور ..
عائشة : طيب أنا مش عارفه لحد دلوقتي اي سبب كل ده وأنتِ حتي اهلك ميعرفوش ايه السبب
جويرية : قبل كده مكنتش حكيت حاجة وعمر كلمه بيسأله في ايه، بعد يقولي اني بحكِ لأهلى مشاكلنا وده إلى هيخلينا علي طول في مشاكل بسبب تدخل الأهل وانا متكلمتش أصلًا..
عائشة : طيب وبعدين آخرة ده أيه ؟
جويرية : مش عارفه حقيقي قالي سيبي الشغل مع أني مكنتش اتوقع اسيب شغلي لكن علشان ربنا أمرنا بطاعة الزوج فسيبت الشغل علشانه، ودلوقتي مش بيسأل ولا بيتكلم وكل ما بكلمه يقولي مشغول هرجع اكلمك تاني ومبيرجعش..
عائشة : طيب وأنتِ شايفه تصرفة ده ايه؟
جويرية : مش شيفاه غير قله إهتمام، ومش هتنازل تاني علشان اتنازلت كتير وكل مرة بلاقي رده معلش مشغول..
وبحسه مش بيساندني يعني لو نجحت في حاجة أنا بحبها عادي مش فارق معاه، بمعني اصح مش حابب اكون احسن منه، ولما طلبت اقدم دراسات عليا وأحضر دكتوراه رفض رفض قاطع معرفش في ايه ..
أنت تقرأ
ما تُخفيه الأنفس
Mistério / Suspenseليس كل ما يظهر دائمًا للجميع هو نفس ذات الشيئ الذي يَكمنُ بداخلنا، فَ كل ما تُخفيه الأنفس كان أجدر ويستحقُ أن يُرىٰ حتي تصمت بعض الألسنة عن حديثٍ يُدمر مشاعر البعض كَ العاصفة التى تأتي دونِ سابق إنذار تُدمر جدران بُنيت من حديد، فـَ ليست كُل إبتسامة...
