الشرع الحرام

part 1

الشرع الحرام ❌

مساء العافيه 🌸

بقلمي...ايات احمد
A...q

..........................................................

الروايه للنساء فقط ولااحلل قراءه الرجال رجاءا

...................................

حلا
صارت ب2 الضهر يلا طلع الاستاذ ..بسرعه لميت غراضي وگلت لأيمان يلا
وطلعت امشي

ـ ايمان .... ع كيفج لج شجاج تركضين
ـ حلا ... يمعوده وسام واكف ينتضرنه خبصني كل شوي يدگ وارفضه....ماصدگت كمل هاذه اليوم اخرنه كلش ...گمت كلشي ماستوعب ...دماغي وگف فوگ ماهو واگف

دحگت ايمان بساعتها وحجت

ـ حييييل هاي شگد متأخرين ..يالله ابد محسيت بلوكت ع گد مايفهم ....والله زمن ايمان تفهم رياضيات ..مجنت متوقعه بيوم افهم هالماده الكشره ..تدرين حلا همزين تلاحگنه رواحنه وگضينه الرياضيات بدوره التقويه ..تدرين لو باقيين ع شرح ست احلام السعلوه ولاننجح بحياتنا ...اخ لوبيدي الزم كل المواد واتقوه بيهن بس شسوي العين بصيره والايد گصيره

ـ شنسوي غير اهلنه ع گد حالهم و هاي قدرتهم ..موزين منهم خلصونا من الرياضيات ..حمدي ربج احنه ادبي مواضيعنا كلها حفضيات ومگدور عليهن جا لو علمي جان شسوينه ..هسنه نضغط ع روحنه كلش ونقره زين وننجح بيهن
ـ هم يجي يوم وننخلص من سادس
ـ يجي يجي بس كون تبطلين صفنات بلاستاذ ..باجر عگبه لو امتحنه ميفيدج وجهه
ـ هههه لاتخافين مو بس عيني مركزه وعقلي هم
ـ يي اذا هيج ميخالف...خلي ببالج لورسبتي برياضيات بذات اهلج راح يشوون ع اذانج بصل لان دفعو دم گلبهم بينا..
ـ ههه يي والله ...بربج ماشفتي طوله شحلووووو
ـ يمعوده شگد بطرانه وين حلاته تكول گصاب مو مدرس
ـ يي جا غير هو گصاب .... سمعت لبنات يحجون بي وبأهله يگولن حالتهم كلش فووول ..يشتغلون جنابيز يبيعون ويشترون بلمواشي ...فهو گصاب ومتعين مدرس وفوگاها يدرس خصوصي بلبيت وهنا هماته
ـ اضرب غير طماع هاذه
ـ وحلوو هم ..
ـ تؤ اني عگب هلجمال ماتشوف عيني ..وحركتلها بحواجبي على وسام ..
جان واگف براس الفرع و مرتجي ع سيارتن والوجه معرن من شمس ..رغم تونه شهر رابع 2019 بس جونه بديوانيه يموووت حر ..
حلفتج بلعباس ابو فضل هم شفتي واحد حواجبه معقود ومعصب هجي حلوو ..يبووو من رحت فدوه اني لهل حواجب المتلاگيه ..لج لا فدوه شنو والله رحت سبع فدوات
يعني وسام ويگطع السايدين
يعني الجمال كلوو
ـ اهووو دنجبي بلله هم گمتي اذبين شوباش ..حصره بگلبي اگلج فلان حلوو لازم تعزفيلي نفس الاسطوانه

تلگانه وسام وحجى

ـ جا لو نايمات هنا مو احسن ..شدعوه هالتاخير حلاوه
ـ والله لو ادري بيك من تتعصب هلگد تحلوو جنت يوميه اتأخر
لانت ملامحه وضل يفرك بوجهه ويأشر ع ايمان ..رديتلوو
ـ هاي شبيك غير خطيبي وبكيفي وغمزتله وصعدت..رد صعد وكال
ـ كلش تاخرتن اليوم ..من ساعه متانيجن ..واخابر تنطيني رفض ...ومنا الشارع فارغ مشفت بشر فات لو طلع من المعهد ..كلش قلقت
ـ يي حبيبي مو الاستاذ يشرح ومجاوبت كلت هسه نطلع لان انتهى لوالوكت ..وكل شويه اكول خلص ويرد يشرح لحد مصارت ساعه كامله ..طلع ماخذنه اضافي ومحجى ..وهسه بلغنه بعد يوميه ياخذنا اضافي لان متاخرين بلماده كلش وانت تدري مابقى شي للفاينل
ـ يلا مو مشكله مصار شي