فات الفوينصاي تاعي ومن هذاك النهار تاع ال
راح مازاد بان ستنيت ضك يجيبلي تلفون ضك يطلب نميرو تاعي باه يهدر معايا توصل كاش مناسبة نقول كي يجيبولي المهيبة ضك يجي يجبلي تلفون ضك يطلب يشوفني والو مايجيش ڨاع تجي غير يماه مع خوه الكبير كل مرة هكذا بقيت نشري في قشي كي قاتلي العجوز مانطولوش ونهزو نشري ونلم مليت دار والعجوز كل ماجي بعد شهرين نهزو بعد رمضان نهزو بعد العيد الكبير فالخريف فالربيع حتى ضربت عام ومكان والو نلم فالقش نشري والراجل مكاش بديت نتوسوس وينو الراجل هذا لاه جامي جا عندي لاه جامي طلب يشوفني لاه ماطلبش يهدر معايا فالتيليفون لا ماحوسش يتعرف عليا افكار يدو ويجيبو ولي قتلني هدرة ناس كل ماتلاقيت واحد وقتاش عرسك ولاه طولتي هكذا ولي معاك ڨاع دخلو بقيتي غير انتي زيري عليهم شوية بعدها عادو يهدرو عليا هي تشري القش والراجل ماشي مقيمها ڨاع مايجي ليها مايحوس عليها وهي لاصقة وين رايحة داها خديمة ليماه ولبنتو جامي جا عندها ولا سقسى عليها تقول ماشي مرتو حاسبها كلبة سمعت سمعت حتى تنفخ قلبي من هدرتهم وليت ماناكل ومانشرب حتى صحتي راحت وليت عمود غير من هدرتهم لي تسممني صبرت صبرت ورحت لخويا هدرت معاه قالي بركاي ماتبعي في هدرة ناس ، بعدها بداو يوصلني اخبار بلي الراجل يخدم خدمة غير قانونية يبيع السلاح يبيع فالطوموبيلات بطرق غير قانونية و راه فالحبس وخباو عليها كل مرة يخرجولي حاجة شوهولي صورة هذا الراجل حتى خلاوني مرعوبة ومرهوبة حتى عقدوني وليت غير نبكي رحت هدرت مع خويا ماحبش ممبعد كي شاف حالتي وشاف بلي طول عام كومبلي ما بان والو ولا هز تلفون عيط لخوه لكبير قالو ارواح ديو حوايجكم وربي يكملكم في جهة خلاف قالو اليوم ضك يروح هو خاطر ماهوش هنا لعشية نشالله نجيو ونتفاهمو لعشية جا هو وخوه قالو خويا ادي حوايجك وربي ينوب عليك في بلاصة خلاف قالو علاه واش كاين قالو كيفاه واش كاين راكم كملتو العام لي معاها ڨاع دخلو ماكش حاب الطفلة مكاش حاب تم زواجك ربي يسهل عليك ماتخليهاش معلقة معاك قالو شكون قالك مانيش حاب الطفلة ومانيش حاب نتم زواجي جيست كانو عندي مشاكل وكنت معول غير يدخل لخريف ويبرد الحال ندخل بصح كعاد هكذا ضك نحددو لادات 28 فالشهر العرس وجدو رواحكم بصح بعد واش بعد مارسمولي صورة باشعة على هذا الراجل رعبوني منو و خلاوني نافرة منو عطاولي ابشع صورة ليه مانيش ڨاع متحمسة لعرسي صماطلي كلش غير تخمام قاتلني شينت وليت مطرڨ غير نشوف روحي فالمراية نزيد نهبل هذه ضك عروس وتروح عند ناس كيما هذوك كون ماشي ختى ومرت خويا يضلو موريا ويدابزو فيا وزربو داوني رقاوني راني نجري فالطرق هذه هي حالة لي يتبع هدرة ناس حتى ناس ماترحمش ماتعرفش حاجة اسمها جبر الخواطر يعرفو غير يكسرو الانسان من داخل
