♠️الجزء15
بقيت رايحة جاية فالشمبرة نار شبت في ضلوعي ماقدرتش نركح خرجت غسلت وجهي وماقدرتش نركح بقيت غير رايحة جاية عييت نحكم بلاصتي انا هذا الذل مايساعدنيش عينو في يمات بنتو ومزال حابها ومتوحشها يطلقني ويروح الله يسهل عليه ماش داير فيا مزية باه يجيبني لدارو ويخون فيا قدام عيني وانا نشوف كالحية وليت حليت الباب خرجت رحت الكوزينة لقيتو مكاش رحت لشمبرة لعجوز قتلها وينو نعيم قاتلي هذاوين دا بنتو وخرج راح عندها ملا ايه يجي نتفاهمو ، درت شغلي درت لغدا حطيتو قعدت انا والعجوز بقينا ناكلو حتى لقيناه دخل لاح سلام رجعتلو يماه بقيت نشوف معاه واش تساليني طريحة بقيت نشوف معاه قعد بقا يشوف معايا واشبيك سكت قالي هيا نوضيني حطيلي ناكل ممبعد نهدرو بقيت غير نشوف معاه شاف مع يماه واشبيها هذه قاتلي واشبيك نوضي حطي لراجلك ياكل نضت جبتلو طبسي وجيت سربيتلو وقعدت بقا ياكل ويشوف معايا غير كملت قتلهم بصحتكم وخرجت قالها واشبيها هذه قاتلو ماعرف عليها كانت لباس عليها كملت لشمبرة بقيت رايحة جاية ونستنا فيه حتى حل الباب دخل غلقو دار عندي جا يمشي سبقتلو حطيت يدي على جنبي واش راح تضربني بقيت غير نشوف معاه قرصني من خدي اصبري نحي قشي ونحكم بلاصتي وافرغي قلبك علبالي راه معمر نحا قشو وحكم بلاصتو دار المخدة على ظهرو بقيت نشوف معاه قالي هيا هنا بقيت نشوف قالي هيا نجود ارواحي هنا عندي راني نسمع رحت طلعت لسرير قعدت على ركايبي بقيت نشوف معاه هيا راني نسمع قتلو انت لاه جبتني عقد حواجبو واشنو قتلو واش لي واشنو انت لاه جبتني عندك لاه تزوجتني مدام مكاش حاب مراة تدخل حياتك قالي كيفاه مانيش حاب مراة تدخل حياتي قتلو ايه جبتني حطيتني هنا ورحت خليتني قالي ايه رحت ورجعت وفاتت قتلو جاوبني لاه جبتني قالي واشبيك انتي قتلو مابيا والو بصح جاوبني بقا يشوف معايا قتلو جاوب قالي حاب نعاود حياتي معاك قتلو كيفاه تعاودها معايا وانا اصلا مانيش في حياتك قالي كيفاه ماشي في حياتي علاه حياتي انا واشنو قتلو ماعرف مافهمتش قالي حياتي هي بنتي ويما وداري وعايلتي وانا جبتك حطيتك في داري و مع بنتي ويما وسط عايلتي قتلو بصح انا حاسة بلي جبتني ليماك وبنتك ودارك ماشي ليك بقا يشوف معايا فتحلي ذراعو ارواحي هنا بقيت نشوف معاه هيا ارواحي واش تتفرجي فيا رحت رقدت على ذراعو باسني على خدي منين جبتيها هذه تاع انا ماجبتكش ليا ولمن جبتك ملا قتلو ماعرف بقا يبوس في وجهي والله جبتك ليا ولحياتي سندريلا تاعي انتي بقيت ساكتة شاف معايا صحا قوليلي ماتوحشتنيس سكت قولي ماتوحشتنيش ماتوحشتيس راجلك قتلو ماعرف ضحك والله ماتعرفش ملا جامي شفت وحدة قالها راجلها توحشتني تقولو ماعرف بقيت ساكتة
