♠️الجزء20
عندي سمانة وانا هنا في دارنا غير انا وسعاد وولادها خاوتي في زوج مكانش الكبير رجع يخدم يروح من شهر لشهر غير والصغير رجع لجامعو يقرا ويخدم حكيت لمرت خويا قاتلي راكي موسوسة في باطل مافهمتش لاه خليتي دارك وجيتي هنا جيتي تلصقي فيه باه يحبك ويوالفك ومايستغناش عليك وليتي هربتي هنا وعجوزتك عندها الحق هو ناسيها وانتي ضالة تفكريه فيها قتلها واش ندير قاتلي ارجعي لدارك قتلها والله مانولي وحدي قاتلي انتي لي جيتي وحدك ماشي هو لي حاوزك قتلها ولو مانرجعش وحدي هو لي يجي يديني قاتلي ماشكيتش يجي ديجا راه قالك اذا حابة ترجعي عيطيلي قتلها مانعيطش هو لي يجي قاتلي وكفاه ضك انتي ماتعيطيش وهو مايجيش تبقاي هكذا قتلها خليني راني قاعدة ديجا راه عاجبو الحال ماهوش حاب نرجع ملي جيت ماعيطلي قاتلي وين يعيطلك وتلفون ماعندكش سكت قاتلي نوضي عيطي لراجلك قتلها والله مانقدر راح نطيح بروحي ضك يقول راحت راحت ورجعت وحدها كي الكلبة قاتلي لاه يقول هكذا قتلها علبالي يقول بقات تشوف معايا قاتلي علبالك كون جينا كيما انتي رانا قاع طلقنا مهم ديري سبة وعيطيلو ومعنيلو قتلها واش نقولو بقات تخمم قاتلي مدام ماكيش حابة تقوليلو ارواح ديني خليه هو يجي يديك قتلها كيفاه قاتلي عيطيلو قوليلي راني رايحة نقعد عند ختي خاطر راني غير مع مرت خويا وهي راهي رايحة لدارهم وراح نقعد غير وحدي وانا مانقدرش نقعد وحدي بقيت نخمم والله صح خلي نجرب وليت جبت تلفون مرت خويا عيطتلو بالماسكي ماحكمتوش حاطو فالروجوتي وليت عيطتلو بالنميرو ريبوندا عليا الو وي شكون قتلو انا نجود _اااا اهلا نجود تاع من نميرو هذا قتلو تاع مرت خويا _اااا معليش قتلو مهم عيطتلك باه نقولك راني رايحة عند ختى _واش ديري عند ختك قتلو راني غير انا ومرت خويا وخاوتي مكانش هنا ومرت خويا راهي رايحة لدارهم مانقدرش نقعد وحدي _وقتاش تروح مرت خوك قتلو غدوا صباح _ملا وجدي روحك بعد لعشا نجي نديك قتلو لاه انا رايحة عند ختي _واش قلنا على ختي وخالتي وعمتي ماعنديش ممنوع قتلو بصح مانيش راجعة قرصتني سعاد _قلت وجدي روحك بعد لعشا نجي نديك وكوبا بقيت نشوف مع التلفون شوفس كوبا في وجهي قاتلي واشبيك انتي ديري فالمشاكل معاه قالك نجي تديك خلاص اغلقي فمك الهدرة الزايدة لاه ،بعد لعشا كنت قاعدة نستنى فيه طبطب الباب راح وليد خويا فتح وجا قالي عمتي قالك راجلك هيا نضت لبست وهزيت حوايجي قاتلي سعاد بلاكي كاش ماديري وارمي عليك توسويس بقيتها على خير وخرجت ركبت لحت عليه السلام رجعلي وشعل الطوموبيل ديراكت لدار مكان حتى هدرة بيناتنا وصلنا حطني برك وراح هبطت سلمت على العجوز لقيت لجين روحت قعدتهم معاهم شوية ورحت لشمبرتي نحيت حوايجي و حكمت بلاصتي وقعدت نستنى فيه
