♠️الجزء14
هبطت راسي لبست روبتي وخرجت نبكي قاتلو واشبيك معاها بالشوية برك قالها باه ماتزيدش تعاودها رحت الشمبرة ياريتو ماروحش كنت نستنا فيه يروح بصح كون غير قعد ثم نحيت الغطا ورقدت بروبتي ديراكت دخل جاب بنتو نحا الغطا قالي وضك لاه مافهمتش واشبيه حط بنتو بيناتنا وراح خرج انا غطيت راسي كملت رقادي حسيت بيه كي دخل بقا يهدر مع بنتو ويبوس فيها ، صباح فطنت لقيتو محظن بنتو وراقد بقيت نشوف معاهم كيفاه راقدين حتى غرت منهم دايرني غريبة عليهم نضت رحت لدوش غسلت وجيت بدلت وخرجت لقيت لعجوز صبحت عليها لقيتها دارت ديجا الفطور قعدت فطرت بالساكتة قاتلي واشبيك قتلها والو علاه قاتلي راكي غير ساكتة قتلها مكان والو قاتلي كاش ما دارلك نعيم قتلها اواه قاتلي ماتزعفيش جسيت غار قتلها واش درت حتى يغير قاتلي كي دخل لقاك بالفيزو خاف لا يدخل واحد على غفلة ويشوفك هكذا سكت بقينا نفطرو بالساكتة حتى لقيتو دخل هاز بنتو قالنا صباح الخير رجعتلو العجوز وانا مهبطة راسي وساكتة وانتي ماترجعليش شفت عندو قتلو صباح النور دار بنتو في حجرو وقعدو يفطرو وانا نضت لميت لماعن نغسل تاع البارح فالليل كي يهبطو يسهرو ڨاع يدخلو يطيبو ياكلو واش يحبو ويخليو لماعين هكذاك وصباح نوض نغسلهم بقيت نغسل وهما بقاو يهدرو سمعتو قالها راح ندي لجين ليماها كيفاه زعما لياماها يعني يتلاقاها يشوفوها ماعرف واش صرالي خبطت لماعين وخرجت عيط عليا واشبيك رحت لدوش بقيت نترعد اكبر غلطة تدي مطلق بولادو مستحيل تتهناي وماتغيريش ياكلك التوسويس مزال يحبها مزال يشوفها يتوحشها يحن ليها والخلية الكبيرة لعاد هي مزال تحوس عليه تهبلي نورمال بقيت نهدن في روحي غسلت وجهي ركحت وحليت الباب خرجت لقيتو دخل جا عندي واشبيك قتلو والو قالي كيفاه والو مريضة انتي قتلو لاه حتى مريضة قالي واش صرالك حتى نضتي تخبطي فالماعين وخرجت قتلو ماصرالي والو هبطت راسي بقا يشوف معايا قالي ارواحي وجديلي حوايج لجين نديها عند يماها قتلو تديهالها انت قالي وشكون راح يديها قتلو ولاه ماتبعثهاش مع كاش واحد قالي تحوسي نفسدلك خليقتك انتي كيفاه نبعت بنتي مع واحد باباه وين راح قتلو ولاه تروح عندها انت ياك راكم مطلقين قالي وامبعد مطلقين نروح نبعث بنتي مع ناس قتلو ولاه تروح عندها انت ابعتها مع كاش واحد قالي طيري عليا منا لا ندخل فيك صباح ربي شفت معاه هياااا طيري قدامي دخلت الشمبرة وغلقت الباب كلب راح عندها يجري ماصدقش غير وصل وقت روحة بنتو جا روح غير باه يشوفها سير توحشها باينة
