♠️الجزء 13
تعشيت انا وعجوزتي ولجين هذه الطفلة عاقلة بزاف كشغول مكاش فالدار تضل عند عمومها الفوق تلعب تهبط غير وقت لغدا ولعشا تحب تاكل معانا كملنا لعشا هما راحو لشمبرة وانا قعدت غسلت فالماعين دخلت عليا ليلى قاتلي واش ديري قتلها نغسل قاتلي هاتي نعاونك قتلها لا مكلاه قريب كملت بقيت نهدر معاها قتلها ليلى تعرفي مرت نعيم لولى قاتلي ايه نعرفها قتلها شابة شحال في عمرها وصفيهالي قاتلي لاه قتلها هكذا قاتلي عندي فوطواتها متصورة انا وياها فالعرس قتلها نخلص برك وريلي نشوفوها قاتلي بصح واش فكرك فيها قتلها هكذا برك غير خلصت لماعين طلعت انا وياها ورتهالي فالفوطو شابة شقرة و شعرها صفر وعينيها خضر تبان ڨاورية تشبه لبنتها غير لجين شعرها كحل تبان قد عواطف فلاج فالثلاثيات ديجا باينة قبيحة كيما عواطف قتلها تهبل قاتلي انتي خير منها قتلها في وجهي قاتلي لالا والله انتي شابة عليها ومسرارة السر يقطر منك هي سامطة بزاف حكمت فوطوها وبقيت نقارن في روحي بيها مانعرف لاه نشوف فيها بوبية وغرت منها سير مزالو يحبها هذا الزين مايتنساش قتلها ليلى نعيم مزالو يحبها قاتلي كون جا يحبها مايطلقهاش قتلها وامبعد فترة وفاتت محال ينساها قاتلي انتي ماشفتيهمش كيفاه كانو عايشين صينو ماتهدريش هكذا قتلها لاه كيفاه كانو عايشين قاتلي غير المشاكل كون يصيب مايشوفهاش مايطيقهاش يعطيها طريحة ويديها لدار باباها يرميها بالشهربن و3 حتى تروح العجوز ترجعهالو قتلها بلاك ضك تكون تعقلت وحنو لبعضاهم قاتلي هي مانعرف بصح هو على ضمانتي والله مايحبها قتلها قاتلي عواطف بلي هي حابة ترجعلو قاتلي حذاري تسمعيلها وتنوضي تخربي دارك راهي غير تكذب حتى واذا صح مايهمكش فيها قتلها كيفاه اذا صح مايهمنيش فيها واذا هو يحبها وحاب يرجعها انا كيفاه ندير قاتلي ياوين ترجع عيات من قبل ترجع وماقبلش صاي خرجها من حياتو قتلها ماعرف بديت نتوسوس قاتلي ماتوسوسي ماتعمري راسك وعواطف ماتزيديش تصدقيها راهي تحوس تخلي دارك ،هبطت التحت لقيتهم روحو ولجين رقدت على الكانابي والعجوز في لرض وانا على الكنابي دوزيام رجعت الباب نحيت روبتي ورقدت بالبيستي والفيزو ،نسمع فالعجوز تهدر فالهول مادرتش عليها كملت رقادي حتي حسيت بواحد قعد ورايا ويد على شعري كي قالي نجود حليت عينيا درت على ظهري لقيتو هو واش سندريلا هاني رجعت قالولي درتي مندبة ورايا سكت دخلت العجوز قاتلي هاو جا راجلك لي درتيلي حالة على جالو قالها واش دارت قاتلو كيفاه واش دارت قلبت عليا الدار بالعياط والبكا ضك ترجعوني لدار بابا خداعين كذابين شاف معايا حنا خداعين وكذابين سكت ناض راح عند بنتو بقا ينوض فيها نوضي papa راني جيت ناضت تبكي هزها حطها في حجرو رقدت على صدرو بقا يبوس فيها خلاص ارقدي papa انا درت كملت رقدي هيا نوضي انتي بقيت ساكتة قاتلو خليها برك راهي راقدة قالها اواه تنوض وزيد لاه ترقد هكذا بالفيزو لاه ماغلقتوش باب الشمبرة كون يدخلو عليها يلقاوها هكذا قاتلو شكون راح يجي ڨاع طلعو رقدو قالها كيفاه واحد مايطلع وديجا لاه تتعرا ترقد بروبتها قاتلو واش فيها راني غير انا قالها ماتزيديش تخليها تتعرا ولا غلقو الباب ثم ثم قلق عيط عليا هياااا نوضي انتي درت عندو قتلو راح نرقد هنا تخنزر فيا وليت نضت قالي لاه راقدة هكذا قتلو وباه نرقد قالي وتزيدي ترجعيلي فالهدرة شفت مع عجوزتي قاتلو واشبيك انت راح تستر روحها مني قالها مانيش عليك انتي شاف معايا تزيدي ترقدي بهذه اللبسة نفسدلك خليقتك
