ه
وصل وقت لعشا تعشاو نص روح ونص بقا راحت ختي ومرت خويا تعشاو جات عندي لعجوز جابتلي حبة بقلاوة قاتلي هاكي كوليها انتي ممبعد تتعشاي مع راجلك واذا جعتي نحيبلك قتلها مكلاه راني شبعانة حكمت عليها حبة بقلاوة كليت منها شوية عييت نكمل الشهية مغلوقة ڨاع خلصو لعشا وجاو ڨاع قعدو فالصالو وصلت ل 10 سمعتو طبطب الباب وعيط يمااا ناضت خرجت عندو سمعتها قالها 10دقايق تطلعو ڨاع الفوق مانلقا حتى وحدة هنا قاتلو كيفاه وين يروحو قالها كيفاه وين يروحو لاه من قلة شنابر يطلعو الفوق ولي جاو مع نجود طلعيهم يباتو عند ليلى الفوق الباقي يتقسامو مانحب حتى وحدة هنا وراح دخلت هي قاتلهم سمعتوه واش قال هيا تقاسمو كل وحدة وين تبات قالولها بصح علاه واش فيها كي نبقاو هنا ياك هما وحدهم قاتلهم عواطف واشبيكم مافهمتوهش حاب ياخذ راحتو و يسمع عياط مرتو وحدو وضحكت تخنزرت فيها العجوز احشمي على روحك قاتلها واشبيك يا العجوزة راهي باينة خلاص قاتلها واش دخلك وروحي عشي ولادك راهم يبكيو من الجوع جات عندنا ليلى قالت لختي وسعاد هيا نديكم تباتو عندي دارت عندي مرت خويا ماتخافي ماوالو همستلي في وذني حوايجك صباح لميهم ماتمديه حتى لواحد حتى نجي انا نديهم وكي تفريها عيطلي علبالي خوك يبات يعيط عليا ويسقسي بلي كلش لباس قتلها واش دخلو هو قاتلي نجود هذا شرف وحنا عند الناس من حقو يخاف قتلها لاه مايعرفش تربيتي قاتلي ماشي شاك فيك بصح في ليلة دخلة ناس كل تخاف بدار لعريس بدار لعروس يخافو يمرضو ولا كاش مايصرا سورتو الراجل راه يمرض قتلها زدتي خوفتيني قاتلي ماتخافي ماوالو مهم ابدايها بالصلاة برك بلاك تدخلو هكذاك بقات توصي فيا وراحو زاد خرجو هما ڨاع مابقا حتى واحد نسمع غير في صوتو يهدر مع يماه نضت وقفت لقيتو دخل مع لجين جا عندي قالها اقعدي papa قعدت قالي اقعدي انتي لا واقفة قعدت وقعد هو قالي مزال ماتعشتيش درتلو براسي لالا قالي من صباح ماكليتي والو قتلو جابتلي يماك حبة بقلاوة كليتها قالي البقلاوة كلات بقلاوة ضحكت قالي نحي عليك البرنوس هذا السخانة والشمبرة لاه سخونة ماشعلتوش كليماتيزور نضت نحيت البرنوس هو ناض غلق التاقة والباب وشعل الكليماتيزور وقعد قابلني طلعت راسي عندو لقيتو يشوف معايا هبطت راسي قاتلو لجين papa روبة تاعها كيما تاع سندريلا قالها انتي تموتي على سندريلا هاني جبتهالك بصح هذه خير هذه عندها الخدود شفت معاه بقا غير يشوف معايا ضحكت قالي ياعمري عندها لي فوسات قاتلو papa واشنو لي فوسات قالها غمزات قاتلو واشنو هذو قالها نوضي تشوفيهم ناضت جات عندي حط صبعو على خدي قالها شوفي هذو هما بقات تشوف قالها papa غمضي عينيك قاتلو لاه ولا حطو يدو علي عينها باسني على خدي وبعد تكا على الفوتاي واش حمرت حشمت بقا غير يشوف معايا راح ياكلني
