صونا تلفونها راحت هزت قاتلي راجلك عيط جات عندي وهزت عليه قاتلو لباس وينك من البارح مابنت خليت مرتك ورحت قالها يما انا عندي شغل راح نطول مانروحش قاتلو كيفاه ماتروحش واشبيك انت ومرتك قالها راهي قاعدة عندك حتى نرجع قاتلو كيفاه راهي قاعدة عندي انا جبتها باه تقعد عندي قالها يما واشبيك راني نقولك عندي شغل وراح نطول غير نخلص نرجع قاتلو ومرتك قالي واشبيها مرتي راهي قاعدة معاك مهم اتهلاي فيها وماتخليهاش ترقد وحدها ديما ترقد عندك وجامي تغيب على عينك وبلاكي تخرجي من الدار وتخليها وحدها وين تروحي اديها معاك لولاد ممنوع يدخلو عندها بقيت غير نشوف كوبا عليها قتلها مايروحش قاتلي ايه قالك مطول طحت ثم نضرب في راسي ياخاه واش درت لعمري شكون هذو وليت نعيط يا الخداعين يا الكذابين خدعتوني لمن جبتوني ضك ترجعوني لدارنا خدعتوني وليت نعدد بالصوت العجوز ابنتي واشبيك ديري هكذا قتها ضك ترجعوني لدارنا خدعتوني لمن جبتوني انتما الراجل راح خلاني جبتوني باه ديروني خديمة ليكم والله ما نبقا عندكم قاتلي لاه حتى نخدعوك نورمال راجلك عندو خدمة كي يخلص يرجع قتلها بركاي ماتكذبي عليا واش من خدمة من صبحية العرس راح خلاني والله مانبقى عندكم عيات معايا والو غير نرجع لدارنا قاتلي ابنتي واش من داركم الله يهديك كي ترجع لداركم واش يقولو ناس عليك والله ياكلو وجهك بالهدرة قتلها مايهمنيش فيهم ضك ترجعوني دخلت ليلى عليا جات تجري عندي واشبيك قاتلها اهدري معاها راجلها خرجتلو خدمة ويطول باه يرجع شوفي كيفاه دير قاتلي نورمال كي يخلص ضك يرجع قتلها بركاو ماتكذبو عليا واش من راجل لي خلاني رقدت في ليلة عرسي وراح خلاني ممبعد يعيط يقول راني مانروحش ضك ترجعوني لدارنا قاتلي وين تروحي لداركم الناس واش تقول والله مايرحموك قتلها مايهمنيش ضك ترجعوني دبرو راسكم ولا نخرج نروح وحدي بقاو يقنعو فيا والو قلبت الحالة على راسهم ولات هزت العجوز التلفون بيباتلو عاودلها قاتلو ارواح دير حل لمرتك ماحبتش تقعد راهي تقول رجعوني لدار قالها واش من دار ماعندها وين تروح تقعد في دارها حتى نجي قاتلو ماحبتش راهي تقول اديوني ولا نروح وحدي قالها اعطيها تلفون عطاتهولي قتلها نحي عليا مانهدرش هيا اديوني عند بابا خرجت رحت لشمبرة تاعي خداعين وخدوني كون صارحني نهار لول والله مانقبل دخلت لعجوز قاتلي هاكي حاب يهدر معاك قتلها مانهدرش قاتلي في خاطري هاكي اهدري مع راجلك بالشوية واتفاهمو سكت عطاتهولي حكمتو وهي خرجت قتلو الو قالي وي سندريلا تاعي واشبيك مهولة الحالة هكذا علواه قتلو لاه كذبت عليا وما صارحتنيش قالي فاه كذبت عليك قتلو لاه ماقلتليش بلي راح تخليني في دار وحدي وتروح قالي وين رحت والله راني غير هنا جسيت عندي خدمة حاب نكملها كامل باه نجي عندك قتلو ماتفاهمناش هكذا انت كذبت عليا وانا راجعة لدارنا قالي اتحركي والله نهبط ليك نحشلك رجليك وليت نبكي عمري ساندريلا تاعي ماتبكيش والله غير نكمل لي في يدي ونرجعلك ونعوضك على كلش بقيت غير نبكي عمري الزينة تاعي لاه ديريلي هكذا واش فيها كي تستنايني حتى نرجع قتلو كذبت عليا قالي والله ماكذبت عليك غير فترة وجوز اصبري شوية سكت هاه عمري واش قلتي قتلو راح نروح لدارنا قالي واشبيك مهبولة انتي ماتخافيش على سمعتك وسمعتي كي ترجعي واش يقولو عليك ناس قتلو واش دخلني فالناس قالي كيفاه واش دخلك والله مايرحموك تحوسيني نقتل ونباصي سكت هاه عمري اقعدي مع يما ولجين حتى نرجع سكت نجود اهدري عمري الزينة تاعي قتلو ماعندي ما نقول قالي معليش اصبري شوية عليا حتى نرجع ونراضيك ونعوضك على كلش سكت اك عمري سكت نجود تفاهمنا قتلو تفاهمنا قالي صحيتي عمري والله يامات برك ونرجع عندك انتي غير اصبري شوية قتلو نشالله قالي صحا عمري نحبك ديما تسمعيلي الهدرة سكت نجود قتلو اممم قالي تهلاي في يما وبنتي ديرهم يماك وبنتك قتلو نشالله قالي تهلاو في بعضاكم وكوبا كان اخر اتصال بيناتنا دارها بيا وخلاني معلقة ماعرفتش واش ندير نرجع في صبحيتي ولا نبقا هنا خديمة وخلاص
