بعد ما عيشني احلى ليلة في عمري عاملني بكل حنان لدرجة ماحسيت بوالو طول بالو معايا حتى خلصنا بصح غير خلصنا تبدل بعد عليا باسني على جبيني قالبي مبروك وجبد عليا الغطا هيا ارقدي وناض قتلو وين رايح قالي خارج هنا برك ندير ڨارو ونجي لبس وخرج وليت نبكي لاه وراح خلاني نورمالمو هذه ليلتنا لولى يديرني في حظنو ويبقا معايا راح خرج خلاني حسيت بيه دخل درت روحي رقدت طفا الكليماتيزو وجا حكم بلاصتو عطاني بظهرو ورقد ماهدر معايا ماحوس عليا رقدت بدموعي باين هذا الراجل راح نعاني معاه ،صباح كي فطنت لقيتو مكاش فوتت صبحية وتغدينا وروحو دارنا ودرنا لعشا تعشينا وسهرنا ورحت لشمبرة حكمت بلاصتي ستنيت ستنيت ستينت مكاش حتى غفيت جابتني الفطنة لقيتو مكاش نرقد ونفطن نلقاه مكاش طلع الصباح فطنت درت ورايا لقيتو مزال ما جاش جيت في بلاصتي ونبكي بكيت بكيت حتى نشفو دموعي نضت غسلت وقضيت صلاتي وخرجت رحت الكوزينة لقيت عجوزتي صبحت عليها قتلها خالتي البارح نعيم ماروحش ماعلبالكش وين راح قاتلي ماروحش؟ لاه وين راح قتلها ماعرف قاتلي اووو كيفاه يخليك وحدك ويروح سكت هزت تلفون عيطتلو صونا صونا ماحبش يهز قاتلي واش بيه كيفاه خلاك في الصبحية وراح سكت قاتلي كي يجي نهدر معاه روحي انتي ترقدي قتلها اواه شبعت خلي ندير شغلي خير قاتلي كيما تحبي بصح ابداي بشمبرتك هي لولى ورواحي هنا رحت فرزت شمبرتي ريڨلت قشي سيقتها وجيت لقيتها دير فالغدا قتلها لاه درتي كنت جاية ندير قاتلي انتي ياربي لحكمتي الميناج وانا ضك ندير لغدا قتلها معليش ضك ندير انا برك قاتلي نورمال واش فيها هاني قاعدة وندير خليتها رحت فرزت شنابر لخرين وصالو وسيقتهم خلصت مع وقت لغدا حطينا الغدا قتلها وينها لجين قاتلي راهي الفوق عند عمومها
