♠️الجزء 17
شفت مع الساعة لقيتها 3 وليت نضت دوشت توضيت وخرجت لقيت ليلى ولعجوز فالشمبرة قعدت معاهم اذن العصر صلينا دخل هو قعد شاف معايا سندريلا نوضي جيبيلي فنجان قهوة راح نشربو مع الڨارو قاتلي ليلى يعيطلك سندريلا ضحكت قتلها لجين لي شافتني لابسة لاروب بلونش بقات تقولي روبتك تشبه لسندريلا قاتلي ااا هذيك مريضة بالسندريلا نضت رحت نديرلو شفت عواطف فاتت راحت لشمبرة خرجت طليت لقيتها لابسة روبة بالذرعين وشعرها مطلعاتو ڨاع يديرو خمارات قدام سلافهم حتى ليلى مالغري انتبهت بلي تهدر معاه نورمال ماتحشمش منو تحط خمارها على راسها والله ختي وسوستني شكون راح نعس مرتو ولا عواطف سمعتو يعيط ساندريلا هياااا قتلو هاني جاية درت بلا لينا كامل ورحت دخلت لقيتها مقبلاتو رجل على رجل لا حيا لا حشما لحت عيني ليه لقيتو مع تلفون حطيت البلا قاتلي انتي هي سندريلا قتلها ايه انا قاتلي وعلاه حتي يعيطلك سندريلا فاه تشبهيلها هز راسو عندها صح ماتشبهلهاش هي خير من سندريلا عوجت فمها سكتت هبط راسو كمل مع تلفون شفت مع ليلى ضحكت قالي هيا نجود خليني نروح فرغتلو عطيتلو وفرغت لينا حنا هزيت فنجاني وقعدت مع ليلى هو شعل ڨارو وقعد يهدرو مع يماه وانا وليلى قاتلي شفتيها واش ماتحشمش عسي راجلك منها قتلها علبالك انتي الثالثة لي تقوليلي هذه الهدرة قاتلي خلاص ملا عسي راجلك منها ملا راهي كلبة كبيرة ماترحم حتى واحد ناض وقف قالي لعجوز راني خارج كاش ما تحتاجي قاتلو والو تهلا في روحك برك شاف معايا وانتي سندريلا درتلو براسي ايه قالي واشنو سكت قالي اهدري واشنو مالقيت مانقول انا درت هكذا غير على جال عواطف سبحان الله الراجل راجلي وانا نغير عليه من عواطف واش دخل عواطف في راجلي حتى نغيرها هذا راجلي انا ماعندهاش حتى الحق تغير مني بقيت ساكتة تعڨنت قاتلو لعجوز اديها معاك ماهيش حابة تقول قدامنا دارلي براسو هيا ملا ناض خرج بقيت نشوف قاتلي نوضي الحقي راجلك نضت خرجت لقيتو مكاش فالهول ملا خرج جيت راجعة حتى سمعتو عيط نجوود درت ورايا لقيتو برا رحت حليت الباب لقيتو واقف قدام الباب تاع برا رجع الباب على طريق خرجت عندو قالي واش تحتاج سندريلا نجيبلها قتلو لالا والو قالي لا اهدري ماتحشميش قتلو لا والله مانحتاج حاجة قالي ولاه قلتي محتاجة قتلو قلت برك فتحلي ذراعو ارواحي هنا رحت عندو حط ذراعو على كتافي دارني تحت جناحو باسني على خدي ماشي محتاجة بوسة من عندي شفت معاه ضحكت قولي عمري حابتني نبوسك درتلو براسي ايه ولاه حشمانة هيا نبوس عمري بقا يبوس في وبعد بقيت نشوف فيه كي المسحورة قالي نجود قتلو اممم شوفي عمري من اليوم كي تحتاجي حاجة قوليهالي وحدي بيناتنا ماتقوليهاش قدام يما بالطريقة هذه ضك تزعف وتقول بلي يخبو عليا ياتهدري ڨاع واش حابة يا قوليهالي وحدي ماشي تمعنيلي بلي راكي حابة حاجة وماكيش حابة يما تعرفها قتلو يا والله ماقصدي هكذا قالي علبالي بصح هي ضك تفهمها هكذا بلي ماكيش حابتها تعرف قتلو خلاص والله مانعاود قالي خلاص ومن الافضل قوليهالي وحدي خير سورتو امور هذو كيما البوسات والتحضان وغمزلي ضحكت درتلو براسي ايه هيا عمري نخليك ممبعد نشالله قتلو نشالله جيت رايحة حكمني وين بوسي راجلك بستو على خدو رجعهالي على فمي هيا تهلاي قتلو باي حل الباب حطيت يدي على قلبي ونمشي كي الهيمانة يا يما قلبي راني نعشق هذا الراجل عندو قدرة عجيبة يطيرني لسابع سما وفي نفس الوقت يدفني في سابع ارض
