♠️الجزء 19
سمعتو حل الباب دخل شفت معاه يااا راكي بصحك وتبكي وانا لي حسبتك تتمسخري علاش هذا ڨاع جا عندي جبد طابوري تاع الكوافاز قعد قدامي واشبيك انتي والله واش صرا حتى هبلتي ڨاع هكذا قتلو واش كنت تستنى فيا نتقبل هذا الشي قالي واش تتقبلي واش كاين حتى تتقبلي سكت بقا يشوف معايا نجود شوفي انا مرتي القديمة مابيناتنا حتى حاجة وماتربطنا حتى حاجة غير لجين كي تروح بنتي عندها نعيط باه نسقسي على بنتي برك هذا مكان انا كون عيني في مرتي كيما راكي تقولي مانطلقهاش اك ونهار قررت نطلقها متاكد بلي مانيش حابها في حياتي انا كي نفوت ونخرج واحد من حياتي مستحيل نزيد ندور عندو والله ونموت يعني كي نقولك بلي مخرجها من حياتي يعني مخرجها مكانش هدرة وانتي حرة حابة تصدقي حابة تكذبي الشي شغلك شفت معاه قتلو هيا نوض ديني لدارنا قالي يعني ماكيش مصدقتني قتلو ايه مانيش مصدقاتك ومتاكد الف بالمية بلي انت في بلاصتي مستحيل تصدق ومستحيل تتقبل هذا الشي ديجا معليش انت كون تلقاني نهدر مع خطيبي القديم ونقولك هذا الكلام راح تصدقو وتتقبلو بلعط عينيه فيا اعدلي فمك لنخبطك بكف قتلو لاه حتى تخبطني ياك راك تحاول تقنع فيا بلي نورمال قاني انا حاجة وانتي حاجة قتلو مهما اختلفنا في الاسباب بصح النتيجة وحدة وهي راح يدخل شك بيناتنا واحد مايتقبلها واذا انت تتقبلها هذيك حاجة اخرى قالي أطفلة اعدلي فمك لا نريبلك فمك اعرفي مع من راكي تهدري هبطت راسي سكت قالي شوفي يا بنت الناس انا لي عندي راني قلتهولك وانتي حرة تصدقي ولا ماتصدقيش شفت معاه مانصدقش وهيا نوض ديني لدارنا بقا يشوف معايا قالي كيما تحبي راني نستنا فيك وخرج نضت لبست حجابي لميت حوايجي وخرجت تلاقيت بالعجوز قاتلي واشبيك انتي حابة تخربي دارك على جال والو ياوو كون جا يحبها مايطلقها قتلها ماتقوليليش مايحبهاش علبالي يحبها قاتلي ماحبهاش من قبل حتى يحبها ضك قتلها لاه زعما ضك واش تبدل قاتلي ضك عندو انتي قتلها وامبعد وليدك يا خالتي مراهش ڨاع شايفني وين راني بصح كون غير صارحتيني بلي مزال يحب مرتو لاه حتى تخدعوني قاتلي والله غير انتي مريضة علبالك بالعقلية هذه راح تخليه يولي يحبها هو ناسيها وانتي ضالة تفكريه فيها قتلها كشغول نساها حتى يتفكرها هيا تبقاي على خير وخرجت لقيتو فالطوموبيل فتحت الباب ركبت حطيت الكابة ملور درت السانتورا شعل الطوموبيل مشا ماهدر معايا ماهدرت معاه بقينا ساكتين حتى وصلنا لدار ڨارا طوموبيل دار عندي حابة ترجعي دارك قدامك عيطيلي نجي نديك درت عندو قتلو انا لي نرجع من الفوق ؟قالي انتي لي خرجتي منها ماشي انا لي خرجتك منها انتي حاوزتي روحك شفت معاه وسكت بقا يشوف معايا وليت نحيت السانتورا حليت الباب هبطت حليت الباب ملور جبدت كابتي وغلقت الباب ورحت نمشي للباب طلعت على الدرجة درت لقيتو يشوف معايا قدم عندي بالطوموبيل حل الكارو هيا طبطبي ازربي ادخلي تباتي هنا طبطت الباب حل وليد خويا الباب دخلت هو راح
