هـــــوس ريــــــجــا/أريج ريجا ♠️الجزء08
طبطب الباب ناض مزية ناض كي دار يمشي شفتو لابس سروال ليطوال فالنوار وقمجة بيضة وفاست كلاسيك نوار حل الباب كانت يماه هازة بلا نحاهولها قالها لاه خليتيها لهذا الوقت بلا عشا قاتلو حبيت تتعشاو مع بعض خير قالها كون جبتيلها تعشات وعاودت معايا جاب البلا حطو نحا الفيستا جات خارجة قالها ارواحي تاكلي معانا قاتلو كولو وحدكم خير ناض جبها باسها على راسها هيا نتعشاو مع بعض جات قعدت معايا قاتلو هاني جبتلك مراة تهنيت على الاقل تروح لدار تلقا لقمة سخونة سكت بدينا ناكلو وهي بقات معايا كولي بنتي كولي ماتحشميش بقات توكلني قالي شفتي لاه قتلك تهلاي فيها خاطر غير هي لي راح تتهلا فيك مليح قاتلو لاه انت ماتتهلاش فيها قالها مهم تتهلاو في بعضاكم انا خرجوني منها هدرتو نشعتني كيفاه خرجوني منها كل مرة يأكدلي بلي جابني لبنتو ويماه ماشي ليه ثم ثم نقلبت حوالي شاف معايا حتى هو فهمها طايرة قالي اذا خلصتي نروحو درتلو براسي ايه هز لجين قالها papa انتي تروحي ترقدي مع جدة ياك قاتلو لالا نرقد معاك قالها جدة مريصة تخليها وحدها شكون يعسها لازم انتي تعسيها دارت عند جدتها قاتلها مريضة قاتلها ايه هيا تروحي معايا باه تبقاي معايا ماحبوش يرقدو معايا باست باباها وهبطت راحت عندها ناضت لعجوز قاتلنا هيا تصبحو على خير دات لجين في يدها وراحت خرجت قالي نغلق الباب ونجي راح خرج وانا نضت وقفت قلت خلي نهز البلا نديه للكوزينة نصت هزيتو وخرجت قالي خلي خلي من يدك هما صباح يدوه قتلو نورمال مافيها والو قالي هاهي الكوزنية ملا رحت ليها جاية قدام الباب بعد رحت دخلت حطيت البلا على البوطاجي كبيرة فيها طابلة فالنص دخل عندي قالي هذه كوزيتنك من اليوم سكت قالي هيا ارواحي خرجت للهول قالي هاهي شمبرتنا قتلو ايه شفتها جاية غير وحدها وصالو مسمياتو شحال من شمبرة والكوزينة مسمايتو صالو كبير وتولات دوش قالي هذوك شنابر 3فرغانين ديما مغلوقين وهذيك شمبرة يما وهذاك صالو لي كنتي قاعدة فيه كل خميش نسهرو فيه بقيت غير نشوف قالي هيا ارواحي نروحو لشمبرتنا قتلو نجيب البرنوس تاعي ونجي قالي ماعندك ماديري بيه سكت حط يدو على ظهري رحنا مشينا حل الباب لقيت كولوار بقيت نشوف وينهي شمبرة ملا رحت نمشي لقيت باب مغلوق قالي هذه الشمبرة وزاد مشا شوية لقيت باب مقابلني مغلوق حلو شعل الضو جاية كشغول هول جهة دار فيها دوش وتوالات حلي الباب طلبت لقيت قسمو على نص توالات ودوش فيه بينوار وباب تاع زجاج غلق الباب درت ورايا لقيت جهة فيها فوتاي كبير وطابلة تاع فايونص ومع طابوريات تاع تاع فايونص بالابيض والاسود ومرجوحة فالوسط تاقة كبيرة مغلوقة قالي هذه درتها لبنتي تلعب فيها سكت قالي هيا ارواحي لشمبرة رحت نمشي وهو ورايا حليت الباب دخلت شعل الضو لقيتها ڨاع مزينة بالقلوبة والورد سرير غطا تاعو بيض مرسوم عليه قلب بالاحمر وشكاوي في كل بلاصة وع الحيط مرسوم قلب كبير بالورد بقيت نشوف شمبرة رومانسية قالي عجباتك قتلو ايه تهبل قالي مليح هيا ملا ندوش ممبعد انتي قتلو ايه راح فتح الخزانة دا قشو وراح خرجت وجدت انا حوايج حطيتهم وبقيت ندور فالشمبرة عجبتني الشمبرة واسعة مصبوغة فالڨري والنوار الخزانة تاع حطب من الجوانب بينان والوسط مراية على شكل قلب الكوافاز جايين 5دروج فوق بعضاهم وفوقهم مراية طابوري السرير واطي بزاف لرض تابل دونوي عليهم زوج كوادر وحدة تاعو وحدة مع بنتو ويماه التلفزيون بلازما معلق فالحيط سجادة ڨري فالوسط تابيات على الجنب ڨري كاشريدو ڨري مخدة صكاي ڨري غير سرير بيض ومرسوم بالاحمر الشمبرة معمرة شكاوي نص لاصق فالحيط ونص مرمي في لرض زعما هذه شمبرتو لقديمة وهذه الخزانة ديكور تاع مرتو لقديمة اواه تبان جديدة لقيتو دخل لابس تريكو كحل وبرميدا كحلة قالي هيا روحي هزيت حوايجي وخرجت دخلت نحيت الروبة فكيت شعري لميتو دخلت لدوش غسلت جسمي برك ووجهي وخرجت توضيت ومكييت لبست ديزابي غلقتو لبست فوقو حجاب درت خماري لميت حوايجي حطيتهم وخرجت ،دخلت عندو لقيتو قاعد على السرير مع التلفون طلع راسو شافني كملتي قتلو ايه ناض حط تلفون هاز سجاد عطاني وحدة ليا فرش هو وانا وراه صلينا وكملنا تالمو هو يتعامل ببرود وعادي جدا حتى الخوف ماخفتش
