—
صحى من نومه على الساعة 9 تقريبًا ، رغم أنه مو متعود ينام
لكذا وقت بس ارتفاع حرارته و الأدوية خلته ينام من غير
ما يحس بنهار او ليل .
قام غسل و اخذ شاور بعد ما خفت حرارته ، وراح يسوي
له كوب قهوه اخذها بيده وجلس بالصالة ، معدته بالعادة ما تساعد
ياكل اي شي الصباح خصوصًا لما يطلع فصارت عادة له وأكتفى بالقهوه ،
بس قاطع هدوئـه صوت الجرس.
عقد حواجبه وقام وهو يسحب بنفسه ، محد يجيه بالعاده .
فتح الباب و فهى مكانه ..: شجابك الحين ؟
ناصر ابتسم ورفع كيس بيده : قلت اجيبلك شي يمكن ما تقدر
تقوم تاكل او شي .
خالد دخل قدامه وسحب نظارته يلبسها : ما عندك دوام الحين ؟
ناصر راح للطاولة وطلع كوبين قهوه و علبه فيها بانكيك كان يحبه يفطر فيه
: بس محاضرتين اليوم ، الأولى خلصت قبل لا اجي والثانية محاضرتك .
خالد طالع فيه وجلس : اوكـي.
ناصر جلس قدامه : صرت أحسن ؟
خالد هز راسه وكمل يشرب من قهوة ناصر بدل الي سواها .
ناصر ابتسم ونزل راسه من غير ما يتكلم .
خالد انتبه له : فيه شي؟
ناصر رفع راسه : لا ، بس تذكرت شي .
خالد ونبرته تحولت للجدية شوي.
: اسمع ، انا عارف أنك جيتني من باب المساعدة وانا أشكرك
على هذا الشي صراحةً لكن انا ببقى دكتورك وانت طالب عندي ،
يعني لا تعاملني كأني واحد من أصحابك و...
ناصر الي أختفت ابتسامته مع بداية الكلام الي سمعه ، أستوقفه
وهو ينطق أسمه .
: خالد ، انا ما أخترت انك تكون دكتوري او لا بس أنك
تكون كـ صديق لي تقدر تختاره بنفسك وما أضن ان فيه مشكلة ؟
خالد : وليه تبي هالشي انت ؟ أنا أكبر منك اول شي و انت ماكنت
حتى طايقني .
ناصر : اي ماكنت اطيقك بس الحين ألي أبيه هو أني ابقى قريب منك
كصديق كطالب اي شي تقدر تختار .
خالد عقد حواجبه : كيف يعني ..؟!!
ناصر ابتسم وحط يديه على الطاولة: مِن الأخر ، ماراح أطلع من
حياتك مهما كان قرارك .
أنت تقرأ
تملكتـنـي .!
Romance- تـشابهَـتَ انتَ وقهوتــي ، بالِلـذة والمَـرارةِ والأدمــان . . . . . - مثليّة -ماتحب هذا النوع لا تقرأ من فضلك . -لا تحتوي اقتباس من اي رواية اخرى واي تشابه هو مجرد صدفة .
