تملكتـنـي .!

Part | Fifteen

-صحى من نومه على صوت المنبه حق جواله، مد يده وهو مغمض يطفيه

تلمس شي تحت راسه غير الوسادة ، ألتفت بسرعة وهو يفتح عيونه ..

ماكان حاس على نفسه وهو نايم على يد رعَـد ، جلس وعيونه على

ملامح رعَـد الي واضح عليه الأرهاق وقلة النوم من الهالات الي تحت عيونه

مَد يده رافع خصلات شعره الاسود من على وجهه .

" يزعلني غيابك،وبُعدك وقلة إهتمامك..بس مو بيدي، صدقني مو بيدي..

انت جيت لي العَوض بعد مافقدت كل شي حتى شغفي بالحياة..

مابي تتركني ، مابي تنساني ، مابي تهتم بأحد اكثر مني .."

مع كل كلمة ينطقها بقلبه ، تنزل دمعة تحرق عينه اكثر..لين قام بسرعة

رايح على حمام غرفته حتى مايتأخر على موعد دوامه .

بعد ماتروش وغير ملابسه، اخذ شنطته ودخل على غرفة رعَـد

شافه على نفس وضعيته لذا ماتكلم بشي واكتفى بأنه يناظره شوي

وطلع بعدها ليلاقي السواق تحت ينتظره.

كان سرحان طول الوقت بالسيارة لين وقفت عند باب الشركة .

نزل وهو لابس الوجه الجاد كالعاده ، استقبله عند الباب

الشخص الي يدير الشغل حاليًا ويعلمه شغله بعد ماكان ابوه يوثق فيه

أتم الثقة ومسلمه منصب و أسرارالشركة والصفقات عنده .

، رغم شخصية عَـدن الي كانت ضعيفة ، منهارة ، مهزوزة

الحين كل شخص يوقف احترامًا له من باب الدخول لين مكتبه

فرض إحترامه وقوة شخصيته على الكل وكانت هذي اول نقطة تعلمها

وطبقها من قبل حتى لا يباشر بتعلم أساسيات العمل وغيرها .

.
.
.

— بعد مرور مايقارب الأسبوعين-ثلاث أسابيع .

- مــرّت فترة الأمتحانات الفاينل بصعوبة على طلابنا بدأً من

سرمَد الي كان مختفي تمامًا عن حسن ، لا كلام ولا لقاء.

ناصر كان مبتعد شكليًا عن خالد بس كل شوي متصل يسأله عن شي