—
ناظر للشخص الي جالس على المقعد الي جنبه .
: إذا متضايق إننا راجعين ، كان يمديك تبقى معهم.
لؤي رفع عينه من على الكتاب الي في يده.
: مب متضايق ، بعدين انا ابي ارجع..
وسام ناظره شوي ورجع عيونه على الطريق.
: مدري عنك ، لك ساعة ماتكلمت .
لؤي سكّـر كتابه : مو متضايق بس مابي أكلمك.
وسام استغرب : ليه؟ سويت شي يزعلك؟
لؤي لف وجهه على الشباك : لا.
وسام : أجل؟؟
لؤي : مافيه شي.
وسام بحدة شوي : لؤي لا تختبر صبري، إذا فيه شي تكلم
وبنلقى حل مو بالسكوت!.
لؤي عض على خده من داخل : ليه قررت ترجع الحين؟.
أعرف آن أساسًا بكرا الكل راجع بـ..بس من تكلمت فـ الجوال
وانت مب طبيعي.
وسام شد بيده على الدركسون : صديق لي.. عنده مشكلة
وضروري اروح آخذه.
لؤي لف عليه : صديق؟ وتاخذه؟..مافهمت.
وسام : بيجي يسكن معنا كم يوم .
لؤي : معنا ؟ انا وانت ؟
وسام هز راسه ، لؤي تجهم وجهه وعبس.
: ومتى كانت النية تخبرني ؟.
وسام : المشكلة مب راضي يبقى بمكان ثاني وحده، اصّر ما يبقى
الا معي..
لؤي : بقيه معك بس انا بروح عند ميّاد ولا إلياس.
وسام وقف السيارة ولف عليه .
: وليه !! كلها كم يوم واساساً مافي أحد موجود اليوم.
لؤي رفع أكتافه ونزل فتح الباب الخلفي ، سحب شنطته الصغيرة
ومشى متجاهل وسام وراه.
أول ما دخل الغرفة ، حس بخطوات سريعة وراه .
ما امداه يتحرك الا والباب يتسكر و ينسحب لورا.
ظهره لاصق بالباب و الثاني يديه حوله محاوطه بمكانه .
نزل راسه وانحنى اكثر ليقابل وجه لؤي .
: وش أفهم من رد فعلك ذي؟.
لؤي عقد حواجبه : افهم الي تبيه؟
وسام بتحذير : لــؤي؟!.
لؤي زفر نفسه ورفع يديه على صدر وسام يدفعه عنه
: ولا شي، متى يجي الأخ؟.
وسام ماتحرك من مكانه: بروح له بعد شوي.
لؤي : بعد شوي؟ لاا ، روح الحين أحسن.
أنت تقرأ
تملكتـنـي .!
Romance- تـشابهَـتَ انتَ وقهوتــي ، بالِلـذة والمَـرارةِ والأدمــان . . . . . - مثليّة -ماتحب هذا النوع لا تقرأ من فضلك . -لا تحتوي اقتباس من اي رواية اخرى واي تشابه هو مجرد صدفة .
