لدن

لدنّ_3_

#الكاتبة_دجلة
#لدنّ

لا تنسون المتابعه والتصويت للبارت❤️‍🩹

قراءه ممتعه🫶

__________________________

سمعت صوت الصياح والهجمات القصف والرمي يرج المكان ويه كل ضربه حيطان الغرفه تهتز ويختل توازني

تقربت من فتحه بالحايط ردت اشوف وماكو بس التراب يتعالى والصياح ما جنت افهم شنو يصيحون والنداءات ما ميزت

ويه كل ضرب صاروخ تهتز الگاع اذاني ما احس بيها صارت توجعني حسيتها تتمزق من داخل ابجي واصرخ حتى صوتي بالگوه اسمعه

ينزل عليه التراب من فوگ

كعدت واني الوجع سيطر عليه كلشي بجسمي يوجعني حسيت نفسي مقيده حضنت نفسي مثل الجنين بزاويه الغرفه

باوعت على باب الغرفه خشبي مكسر ابسط ايد تمسكه تحطمه

نزلت دموعي وبقيت اردد ايه الكرسي ودموعي ما توقفت وشهگاتي جانت تسحب بروحي ما بيدي شي اسويه غير الدعاء

صوتي رايح وما اسمع بوضح لا اكدر اصرخ ولا احجي

صرت عباره عن جثه

بنص هذا الخوف والرعب كله طلعت من الغرفه البيها ما جنت اعرف شنو احساسي بوقتها

شفت واحد منهم ميت بعدني ما تعديته رجعت وقررت اخذ ملابسه ااي اي ملابسه حتى لو شافوني من بعيد ما يموتوني ولا يلاحگوني كل اللي شفتهم لابسين نفس الشي

اخذت قميصه جان طويل كلش هوه لوحده صار كافي ما احتاج اي شي بس بس لثامه اخذته وغطيت راسي ووجهي

وتحركت بسرعه اركض ما اعرف وين اتوجهه بالضبط لاي مكان

بعد ما ركضت مسافات طويله شفت همرات عسكريه من بعيد شلون حسيت بكميه امان وضحكت حسيت الحياه رجعت

توجهت بسرعه لناحيتهم

واني اركض حسيت بسحبه من ذراعي شاغت روحي منها طحت بالگاع وحسيت بثقل على ظهري

صرخت بصوت كلش عالي يمااااااا اااااخ صار وجهي بالتراب اختنگت درت وجهي للصفحه الثانيه اريد اتنفس

شفتهم تجمعو عليه

رفعني لفوك ونزل اللثام من وجهي

جانت الدهشه واضحه عليهم اللي جان ماسكني بقت قبضه ايده عليه بس حسيته تراجع

اجه الضابط مالهم من بعيد بس شفته كعدت اتوسل

دخيلكم ساعدوني ابوس بلأدين بس اريد اي رده فعل اطمن گلبي لكن لا حياه لمن تنادي

يتبادلون النظرات واشاره وحده من الضابط صار يجرجرني واني خفت اتسحب احاول افك روحي

بعدها تذكرت اني شنو لابسه لا يا الله