لدن

لدنّ_8_

#الكاتبة_دجلة
#لدنّ

لاتنسون المتابعه والتصويت للبارت❤️‍🩹

قراءه ممتعه🫶

__________________________

لدنّ: باليوم الوصلنة للمخيمات حسيت بالغربة والخوف گعدت من نومتي الطويلة وانا بس دموعي تجري وگلبي يريد يطلع من مكانة من شهگاتي ما جاي استوعب كل الصار كلشي راح مني بلمح البصر خايفة اتحرك من مكاني ارجف من الخوف من الغربة من البرد سحبت البطانية ولميت رجلية لصدري باردة حيل على صوت شهكاتي

كعدت المرة الي شاركتني بالخيمة انتبهت الها

خالة اني اسفة خاف گعدتج من نومتج

_ليش يا يمة هي هاي نومة لو حالة

غمضت عيوني وگلت الله المستعان

_والنعم بالله

شفتها تريد تگوم بس بالگوة تتحرك عاونتها

لدنّ: خليني اساعدج خالة

_انطيني ايدج بنيتي

لدنّ: تحركت من مكانها وطلعت سئلتها خالة وين طالعة بهذا البرد

_يمة أشوف لگمة ناكلها ماي نغسل منه

لدنّ: تركتها براحتها انا ما بية طاقة ولا نفس اتحرك گلبي محترگ وروحي مكسورة الخوف وصوت الموت والصرخات كلها براسي ما تطلع

بقيت منتظرة شوية ودخلت المرة بيدها كرتون وداخلة اكل معلب وشوية خبز

گالتلي أكو ماي برة طلعي غسلي وجهج ومسحي دموعج البجي ما يفيد الصار صار

لدنّ: أسمعها تحجي بس هي ما تعرف النار الشاعلة بگلبي خليتها تحجي وطلعت

غسلت وجهي وانا اغسل تذكرت سلطان وينه هسة عايش لو مات مثل كل الأحبهم راح الكاه لو لا

رفعت راسي للسما ودعيت ودموعي تنزل يا رب ما بقالي لا امل ولا حياة احفظه الي

رجعت للخيمة ولكيت المره فاتحة العلب وحاطة الخبز

_تعاي يمة اكلي

ردت اكل بس كلش بارد ما ينوكل جبرت روحي شسوي تعبت گمت من اوگف ادوخ

خلصنة والمرة سئلتني وين اهلي ليش انا لوحدي

لدنّ :ماتو كلهم ماتو باقيلي بس ابوية وما ادري وينة نزلتي دموعي بدون ارادتي خذتني بحضنها حسيت بدفو وحنية حطيت راسي بحضنها وهي بقت تمسد راسي

احس ماكو شي بالدنية يهون علية ولا يبرد گلبي

لدنّ: خالة انتي وين عائلتج

_يمة انا من دار عجزة شردونة وقتلو هواي من كبار السن هناك ما رحمو شيبتهم

خالة شلون طلعتي