لدن

لدنّ_21_

#الكاتبة_دجلة
#لدنّ

لا تنسون المتابعه والتصويت للبارت❤️‍🩹

قراءه ممتعه🫶

__________________________

أيهم: صحت على لدنّ اريد احجي وياها امي وتمارا استغربو

طلعت گدامها وكلتلها لحگيني عندي كلمة وياج

تمارا: تركت أمي ورحت اتسمع عليهم اتأكد من شكوكي
سديت صرت قريبة من الباب وهمه منطينا ظهرهم

لدنّ: رحت يمة وگفت

أيهم: لا توگفين فوگ راسي جيبيلج كرسي وگعدي يمي

لدنّ: عرفت ليش صاحلي واني بعد جنت منتظرتة

أيهم: التفتت عليها خليت عيني بعينها شنو قرارج

لدنّ: دمعت عيوني وگتلة اريد اشوفة واحجي وياه

أيهم: سمعيني لدنّ الله شاهد علية ومو قصدي اطلعج من البيت لو اريد اتخلص منج بس انتي تعبتي بحياتج هواي الموت الشفتية وكسرة الخاطر انا شفت بعيون سلطان حبة الج كل ما يجيب اسمج عيونة تلمع

الرجال لو حب عيونة تفضحة يبقى ما يشوف بدربة غيرها يسوي المستحيل حتى تصير اله

يتلكأ بأسمها گلبة ينطق قبل لسانه

اخذيها مني سلطان يحبج ومو حب عادي

لدنّ: دموعي ما توقفت صارت عيوني بعيونة بس خايفة

أيهم: انا موجود وراح ابقى وياج بكل خطوة ولو ما متأكد مستحيل افرط بيج

لدنّ: واذا صار شي

أيهم: لا توسوسين باجر اتصل على سلطان وخلي يجي تحجين وياه وتتفاهموم اريدج تنطينة فرصة يحجي كلشي بداخلة لا تقسين وياه

ترا بكلمتين سلطان يصير طفل بأيدج

صار وقت ترتاحين بعد التعب اكيد ما مستعدة ترجعين تتشردين بالمخيمات وتلطش بيج الدنية

ندگ الباب تركتها ورحت فتحت الباب طلع حسام دخلتة

لدنّ: بس سمعت صوت الباب رحت داخل البيت دخلت وصارت بوجهي تمارا مصدومة على عصبية ما عرفت افسر ملامحها

تمارا: سمعت كل كلمة بيناتكم هسة تحجيلي منو انتي

لدنّ: جنت امسح بدموعي تمارا .....

تمارا: تكولين منين انتي وتحجيلي كلشي لو والله العظيم هسه اروح اگول لأمي انتي وأيهم جنتو تضحكون علينة كل هاي الفترة

لدنّ: لا لا تمارا راح احجيلج تعاي وياي تقدمت عنها ورحت للمطبخ عبرنة من كدام خالة أم أيهم

ابتسمتلها وعبرنه

بلشت احضر بالضيافة لأيهم وصديقة واني افتر حجيت كلشي لتمارا