#الكاتبة_دجلة
#لدنّ
لاتنسون المتابعه والتصويت للبارت❤️🩹
قراءه ممتعه🫶
_________________________________
سمر: جنت انظف بالمطبخ وسمعت صوت الباب رحت وانشف بأديني بملابسي
بدون ما اگول منو فتحت الباب بوجهي سلطان اصلاً منو يجينا غيرة
سلطان: استغفر الله ماكو غيرها يفتح الباب
حجيت امي وين
سمر: امي جوه تفضل ادخل مو غريب انته
سلطان: صيحيلها اريد اسلم عليها اريد التحق
سمر: بس انته توك اجيت ليش بسرعة راح ترجع
سلطان: الوضع متأزم ولازم الكل يلتحق
سمر: مديت ايدي مسكت ايدة وعيوني غورگت بالدمع
لا تروح سلطان والله گلبي ما مرتاح الله يخليك لا تروح
سلطان: نترت ايدي منها وسحبتها فكري بالي سويتية سمر غلط وغلطج ما ينغفر
انا بس ارجع بالسلامة راح اتزوج وطبعاً مو انتي
سمر: احجي واناشغ مثل الطفل لا تگول هيج من عرفتك وانا ما اشوف غيرك كل يوم أگول راح يحس بية ويفهم شكد احبه جنت اخاف ابادر بس دست على نفسي وعلى كرامتي لأن احبك وما اريد غيرك انته تعرفني كلش زين شنو انا تعرف اخلاقي ومنو الربتني كبرت كدام عينك مراهقة وياك وشبابي اريدة بحضنك لا تحرمني من الشي الوحيد الصح بحياتي
سلطان: احنة ما نصير لبعض افهمي وركزي بحياتج ومستقبلج
سمر: والله اموت نفسي اذا تزوجت غيري
سلطان: خذتني الدهشة ما اعرف شنو ارد
فجأة سمعنا صوت ام سلوم
ام سلوم: منو بالباب
سلطان: انا يمة
ام سلوم: ادخل يمة ليش واگف بالباب
سلطان:دخلت وسلمت عليها حبيتها براسها وادينها يمة ادعيلي انا رايح التحق وما ادري اذا ارجع لو لا
ام سلوم: حبيبي لا تگول هيج الله ومحمد وعلي وياك
سلطان: مسحت على راسي طلعت واسمعها تدعيلي وتبجي
رحت للبيت انام كم ساعة خليت المنبة على الساعة 3 ومجهز كل غراضي بس اكعد واطلع كلشي تمام
بعدني ما نمت رن تلفوني برسالة رفعته هاي سمر شتريد
رديت عليها
سمر:الو سلطان كاعد؟
سلطان: شتردين؟!
سمر: ما اريد شي بس اريد اعرف منو الي تريد تتزوجها
سلطان: هههههههههههه روحي نامي شي ما يخصج
سمر: لا يخصني
سلطان: شفت رسالتها ورجعت نمت عقل طفلة والله هههههه
أنت تقرأ
لدن
Krótkie Opowiadaniaبين الفزع والدماء فتاة تحكي رحلتها الطويلة للنجاة بحياتها من بين ايدي (د١١عش) التي جعلت من الدين غطاء تتستر به تُنهي حياة الإبرياء لتقع تلك اللينة بعدها ضحيه..؟؟؟ بداخلها حرب وظاهرها سلام ملامحها رقيقة وردود فعلها صلبة من ارض الموصل اقدم لكم ...
