#الكاتبة_دجلة
#لدنّ
لا تنسون المتابعه والتصويت للبارت❤️🩹
قراءه ممتعه🫶
__________________________
لدنّ: اركض وجسمي الهزيل تعبت خارت قواي بكاملها اسمع صوت تبادل النار والأصوات المرعبه من كل جهه واني اركض على نفس الطريق ما غيرته
صوت الكلاب والاشجار اللي محاوطتني وحاجبه الرؤيه عني
جسمي صابته الرجفه اركض والف راسي لورا وما اشوف بس الظلام
توقفت ونزلت على ركبي من التعب بعد ما اكدر ماكو نهايه للطريق
كعدت ابجي
ليششش تركتني سلطان ليششش وصلت حد الهلاك ما اعرف اكمل لو استسلم
باوعت على المكان اللي اني بيه جثث حيوانات بكل مكان الريحه مو طبيعيه تخنگ
نزف انفي دم مسحته
الورقه اللي بأيدي حسيت ايدي متشنجه من كد ما ضاغطه على الورقه فتحتها وقريت العنوان لأول مره
وين الگاك ونزلت دموعي عيوني تحرگني حسيت راح انعمي
صرت اغمض وارجع بصعوبه افتح عيوني
حاله شبه من الأغماء بس الخوف جان كفيل يجبرني ما اغمض
___________________________
سلطان: استمر تبادل النار بين الطرفين خسرنه هواي اني جنت بعدني بصدمتي على موت نزار
بعدها صحيت على نفسي وصفيت ويه اصدقائي استمرت الأشتباكات لحد وجه الفجر بدون اي امدادات ولا ندائاتنه توصل
هدئت الأوضاع شويه بس بعدنه بلأستعداد تحركت من مكاني
وبدون قصد صحت "محد شاف نزار"
الكل ساكت استغربتهم شنو كلت اني وين نزار ما تحجون؟
حركت ايدي بلا مبالاه والتفتت شفت نزار بنفس مكانه بعيد علينه بس
مسكتني الرجفه وتذكرت شصار ردت اطلع اجيبه ما اخليه هيج ما تركوني
ربطوني تربط بس حتى ما اتهور واطلع واني اصيح بأعلى صوتي
والله والله كل قطره من دمك بألف واحد ما تكفيني
____________________________
مر علينه الليل بألف سنه حزن وقلق مغطي گلوبنه كل واحد بينه كاعد بصفحه ما ادري شلون طلع علينه الصبح
وصلت امدادات جانو بالنسبه النه طوق نجاة
اول شي سويته توجهت واني احس بكسر بروحي على نزار
شنو اگول لأمك شنو اكول لأخوانك غدر بيك الموت وتركني
اخذته بأديني واني امشي وطيف ذكرياتنه يمر گدامي
أنت تقرأ
لدن
Short Storyبين الفزع والدماء فتاة تحكي رحلتها الطويلة للنجاة بحياتها من بين ايدي (د١١عش) التي جعلت من الدين غطاء تتستر به تُنهي حياة الإبرياء لتقع تلك اللينة بعدها ضحيه..؟؟؟ بداخلها حرب وظاهرها سلام ملامحها رقيقة وردود فعلها صلبة من ارض الموصل اقدم لكم ...
