لدن

لدنّ_12_

#الكاتبة_دجلة
#لدنّ

لا تنسون المتابعه والتصويت للبارت❤️‍🩹

قراءه ممتعه🫶

__________________________

لدنّ: الليل كله وانا افتر على روحي من گالي ٱنس الصبح نطلع بعد ما ضل بية صبر شوكت يطلع علية الصبح الأنتظار طويل ومُتعب  تعبت واخيراً راح ارتاح واول شي اسوية وي سلطان ادور على أبوي  تعتب وانا افتر ب مكاني گعدت من التعب بديت اقرأ ايات حتى يتسهل دربي واسبح وأدعي  ورا ساعات اخذني التعب ونمت بدون ما أنتبة لنفسي

گعدت على صوت الناس باوعت حوالي ما لكيت المرة طلعت ادور عليها لكيتة وي مجموعة نسوان وتسولف ابتسمت ورجعت لملمت الملابس العندي واخذت التراجي حتى أبيعهن والفلوس نروح بيهن للبصرة

طلعت ورحت للمكان الي نگعد بية أني وٱنس انتظرت هواي وقت وأنا وأگفة ومنتظرة يا رب بس لا نساني لو راحت علية نومة أكيد راحت علية نومة

تعبت من الوگفة وگعدت انتظرة حسيت باليأس دمعت عيوني ليش تأخر

خفت ما نروح لو يصير شي وأني باقية على أعصابي سمعت صوت خطواتة نهضت بسرعة من مكاني وأنا احجي علية بصوت عالي

لييييششش تأخرررت تعبت وأني منتظرتك موتتني من الخوف خفت تنساني لو تتركني لوحدي للييييش هيج تأخرت أحجي

ٱنس: تقربت منها مسكت أدينها وحضنت أدينها للگلبي اششش ليش البجي على شوية تأخير مو مهم هسة أنا أجيت

ورايحين

حطيت أيدي بأيدها وطلعنة اول شي دورت على محل ذهب حتى ابيع التراجي طلع سعرهن ٣٠٠ بس

رحت على لدنّ وگلتلها هذا سعرهن

خذتهن مني بسرعة وگالت اي هذا هوه كافي علينة نوصل وزيادة
  بعدها توجهنا للكراج بعد ما گضينا الطريق كلة بس نسأل وگالولنة   السيارات أول شي تطلع لبغداد وبعدها مناك نصعد للبصرة

صعدنة المنشئات بس جان خوفي الوحيد اللي ماكل گلبي هوه ما عدنة جناسي وهالشي ما حجيتة لدنّ ما اريد اوترها وأخوفها أكثر هي ما عليها ما يشوفون جنسيتها ولا يسئلون عنها الباقي علية شلون يخلوني أعبر طول الطريق وأني شايل هم السيطرة وبعد تقريباً أكثر من ساعة ما انتبهت للوقت شكد التوتر جان المُسيطر  توقفنا يم سيطرة

گلبي صار يدگ بالثانية ألف اكيد راح يركزون بينة أشكالنة ابد مو طبيعية
لدنّ لابسة دشداشة وعليها جاكيت ولابسة حذاء ولافة حجابها شلون ما جان

وانا لابس تراك وقميص ونعال بهذا البرد

ولدنّ كل ما ألتفت عليها أشوفها تغفى على نفسها من التعب

ما أعرف وين وشلون راح نوصل لو على هذا التعب راح تلگة الي أسمة سلطان لو نرجع أدينة فارغة تصفگ بالهوا