لدن

لدنّ_19_

#الكاتبة_دجلة
#لدنّ

لا تنسون المتابعه والتصويت للبارت❤️‍🩹

قراءه ممتعه🫶

__________________________

سلطان: رجعت للبيت بعد ما وصيت جبار يكتب هاي الجملة على نسخ الصور على امل تشوفها بمكان وتعرف يمكن الصورة مو نفس الشي اذا شافت هالكلمتين راح تفهم

وصلت للبيت تمددت واتأمل الصورة وبعدني بأمل بقيت بالساعات مغمض عيوني مو نايم اتخيل لدنّ بأي لحظه يجيني منها خبر واخذها بحضني مستحيل بعد اتركها لو تنهدم الدنيا مستحيل ابعدها عن عيني طال الوقت علية وكل ساعة اگول هالساعة يجيني منها خبر مر اليوم وانا اواسي روحي واضحك على نفسي بكلمتين صار الليل وغطيت بالنوم كعدت الصبح شفت تلفوني اتأمل رسالة اتصال من جبار بس ماكو گلت انتظر بس اليوم بعدها اطلع انا ادورها بنفسي
صار ثاني يوم وانتظاري وصبري نفذ اتصلت على جبار

سلطان: جبار وينك ماكو اي اخبار

جبار: وعليكم السلام ،، لا يابة ماكو اخبار

سلطان: انته متأكد كاعد دور عليها

جبار: العب انا جاي العب اذا ما اريد ادورها جا گتلك ما خايف

سلطان: سديت الخط وقررت اروح ادورها بنفسي افتر عليها

رحت استنسخت الصورة حتى اوزعهن على الناس بالشارع

رحت افتر واكف بين الناس اسئل اذا احد شايفها اشوف استعطاف الناس بعيونهم الية
اكو گالو سوي بلاغ بالشرطة
اوفففف لو بس اگدر وصلت مرحله ادگ البيبان وانطيهم الصورة

___________________________

أيهم: جنت راجع بالسيارة وعندي اخبار راح تخلي لدنّ تطلعلها جناحات من الفرحة

لدنّ: اليوم جان صعب ويه تمارا عذبتني مثل عادتها اوامر تافهة ما تحرك ساكن شدعوة طلعي شوفي الطارمة اقلها

خلصت من اوامرها وخالة ام ايهم طلبت مني اطلع الزبالة تعودت على هذا الروتين اليومي
رحت لبست شال على راسي بدون عباية الحاوية قريبة ماكو داعي

طلعت وشفت من بعيد تجمع شباب ما اهتميت ردت ارجع وشفت اخر شي اتوقع انو اشوفة بحياتي

سلطان جان بنصهم لا لا لا اكيد مو هوه اني اتخيل بس انزل راسي وارجع اتأكد صارت عيني بعينة بس دار وجهة عني عرفت انو ناسيني لأن شافني وما عرفني نقهرت على نفسي رجعت حرگة گلبي خذتني رجليني لهذا التجمع مو لشي بس حتى اتأكد وما يموتني التفكير جان منطيني ظهرة اتقدم خطوة وارجع خطوتين انفاسي صار اليمي يسمعها

غمضت عيوني وتنهدت

سلطان: وكفت على شباب نزلت الهم وراويتهم الصورة بقو فترة يتأملونها شي منهم يواسيني وشي ينطي حلول بس بدون فايدة