لدن

لدنّ_29_

الكاتبة_دجلة
#لدنّ

لا تنسون المتابعه والتصويت للبارت❤️‍🩹

قراءة ممتعة🫶

__________________________

"اذكر من تلاگينة
بلا موعد
وصرنة ثنينة مراية
وما ادري شگلتي
بس ادري اليحب
ينباگ بحچاية"

لدنّ: ردت احجي بس كلش مستحية منو
وما اعرف اذا راح يتقبل كلامي لو يزعل
بس هذا هو راح احجي والي يصير
يصير
ااا انتة تعرف منو وصلني الك

سلطان: أيهم

لدنّ: لا مو أيهم نزلت راسي شلون
اگدر احجيها اكو شخص ساعدني
بكل هذا ما حجيت عنه من قبل

اشوفه شلون گام يباوعلي شكد خفت يعصب
لو ياخذ بخاطرة بس شوية تشجعت وكملت كلامي
انس

سلطان: منو هذا

اردفت كلامي وكملت واني اتهرب من نظراتة
انس هذا شاب ساعدني وچان وياي
من المخيمات لحد البصرة بس
نمسك بالطريق لأن ما عندة ثبوتيات ولا جنسية

سلطان: انعم الله علية وما قصر

لدنّ: يااا نصدمت من كلامة اعرف لازم
نتشكر منة بس اريد اعرف وينة هسة

سلطان: وين الگاه يعني شتردين مني
شنو المطلوب

لدنّ: أيهم گدر يطلعة ويلگه شغل ومكان
يستقر بية

سلطان: حلو كلش حلو سدي الموضوع
وما اريد تحجين عن اي شي صار وياج
من قبل گدام اي شخص وبالخصوص أميرة
اختي

حضريلي جنطتي باجر لازم التحق تعرفين
شنو تحطين بيها

لدنّ: اي اعرف گمت من مكاني مالي خلگ
كلش مختنگة واحس انس ما مرتاح
مشغول بالي بية وين هسة هوه وشنو حالتة
وبابا وين صار بية الوكت گاعدة مكومة الملابس
گدامي وصافنة

حسيت ب سلطان سحبني علية وصرت بحضنة

سلطان: وين شردتي هاا

لدنّ: نطقت هالكلمة ودموعي بطارف عيوني بابا

سلطان: درت وجها علية بس لا تبچين
امسح على خدها اوعدج نلگاه

لدنّ: عدلت گعدتي ودرت علية حضنتة حيل
لا تروح شلون تخليني لوحدي منو يبقى وياي

سلطان: غصباً علية واجبي ما اگدر اتركة

لدنّ: وخرت منه ورحت ارتب الجنطة شوية
واجاني اتصال فتحت الخط ردت علية
خالة ام أيهم كلش فرحت تركت الي بأيدي
واسلم عليها متلهفة سئلتها عن تمارا وأيهم
طمنتني انو باجر  راح يسافرون حتى
تمارا تسوي عمليتها واتصلت علية
تريد تودعني هية وتمارا قبل ما يسافرون
شكد فرحت وضحكتي شكت حلگي
بس اني گلبي ما ينطيني يسافرون
وما اشوفهم کلت الها خالة راح اجي قبل
لا ترحون للمطار ودعتها وسديت الخط